ثمَ أخرج من المنزل لكى أتحرك على المطعم لأقابل مختار و نيرمين وإلى أن وصلت ، آرى مختار ينظر إلى نيرمين و هى جالسة بجانبة نظره بها الكثير من المعانى والاشتياق ولكن نيرمين كانت ممسكه بشطيره وتضعها فى فمها كدب برى خرج من فترة الثبات الشتوى للتو أبتسم لهم وأنا القى التحية وحينها يسألنى مختار :
- إيه يا عزيزى أتأخرت ليه وفريدة ماجتش معاك ليه .
- هاحكيلك أنا أتأخرت ليه و فريدة راحت مع أبوها المحل.
رَويت وقتها لهم ما حدث بالتفصيل من شدت تعبى مما رأيت ويحدث معى ، فأنا فى أشد الحاجة أن يقدم لى أحد يد المساعدة ومن حسن حظى أن نيرمين كانت فى الأونة الأخيرة تقرأ كثيراً عن الأرواح والأشياء الغير طبيعية وبدأت تتحدث معى أكثر من مختار و تناقشنا فى أدق التفاصيل فيما رآيته و بعد أن شرحت و رويت كل شئ يحل الصمت لثوانى ويظهر على وجه نيرمين و مختار التفكير ليجدوا حلاً أو شئ يساعدنى ثم تقول لى نيرمين :
- أنا مش عندى مجرد أحساس بالعكس أنا متأكده أن اللوحة دى وراها السر كله بس أنا مش فاهمه أيه اللى دخل اللوحة فى اللى أنتَ شوفته مع أمك وأبوك والبيت الخشب القديم اللى كان فيه الكائن والست دى بس اللى لازم اللى تعملوا أنك تكتب كل اللى بيحصل معاك علشان متنساش حاجة ولازم تقول لأختك على اللى يحصل معاك ده كله لأن ممكن جداً أنها تقدر تساعدك و فريدة لازم تعرف وخصوصاً أنها ملهاش ذنب أنك بتتعصب عليها كل شوية وأنها كمان جالها تحذير من الرَجل اللى قالها الجملة اللى اتقالتلك وخلى بالك أنها ممكن تتأذى ، اللى أنت بتتعامل معاه ده حاجة كبيرة مش صغيره ومش هتقدر عليه لوحدك وأنا من ناحيتى أى حاجة تشوفها أو تحصل تانى كلمنى وقولى يمكن نلاقى حل بسرعة وتخرج من اللى بيحصل ده .
أنظر لها وأنا صامت لا أدرى ماذا أقول أو ماذا أفعل ولكنِ مدرك تماماً أنها على حق ويجب أن أخبر فريدة و نيرمين بكل شئ وخصوصاً بعد ما فعلت مع لورين واللوحة التى لم أجدها ، وأستمررت فى النظر إلى نيرمين و مختار وبعد لحظات وبدون كلام وقفت وخرجت خارج المطعم وأنا أنظر إلى السماء كأنى أنتظر أجابة أو أن يكون ذلك غير موجود وأنه مجرد كابوس لعين سينتهى قريباً ثم أضع يدى فى جيبى اليمين لأخرج علبة السجائر لأشعل سيجارة وخرج بعدها مختار من خلفى وهو يطرق على كتفى الأيسر ويقول ضاحكاً :
- بتولع السيجارة لوحدك يا عزيزي هات يا عم سيجارة .
يأخذ العلبة ويخرج سيجارة وينظر لى ثم يقول :
- بص أنا عارف أنك دلوقتى عمال تدورها فى دماغك أنك متقولش لمريم و فريدة بس نيرمين معاها حق اللى أنت بتقوله يا صاحبى صعب ولازم كلنا نكون معاك واللى أنا واثق منه أنك عارف دہ کویس كلمهم يا مجدى وعارفهوم کل حاجة ...... وبكره يا صاحبى عايزين نجهز على الساعة عشره الصبح علشان جالى تركيبة كاميرات فى فيلا فى الشروق ولو أتأخرت عندك خصم نص يوم .
