وقتها يقطع حديثى طرقات قوية على الباب أصمت لثوانى ثم أتحرك لأفتح الباب لآرى شخصاً ضخماً أمامى فى سن الأربعين يرتدى جلباب وعّمه على رأسه ممسكاً بعصا ضخمة يستند عليها وبصوتاً خشن جداً يقول لى :
- السلام على أهل السلام
ثم يجتازنى ويدخل إلى الغرفة أنظر أليه ثم أركض خلفه وأنا أقول :
- أنتَ ياعم الحج أنت مين ياعم
يجلس على الأرض ويضع العصا بجانبه ثم ينظر إلى اللوحة ويعود لـينظر ألىَّ وأنا أحدثه بعصبية :
- ماترد عليا أنت مين وعايزه أيه .
يُجيبنى بلهجة صعيدية :
- أنا جى من طرف الست والدتك
- وعايز أيه
- عايز أساعدك علشان تخرج من اللى بيحصلك
هدأت أعصابى تماماً وجلست على الأرض أمامه وأنا أستمع له بأنصات شديد وفى داخلى فرح عظيم أن هناك أحد سينقذنى
ثم أكمل حديثه :
- لما الست والدتك جاتنى قبل ما تموت هى و أبوك و حكتلى على كل الحاجات الغريبة اللى بتحصل مع أبوك أتحركت علشان أفهم اللى بيحصل ولما بعت خادم من الخدام بتوعى عرفت أن أبوك متحاوط بقوة شيطانية عظيمة ومُهلكه من قوتها تأخد روح بلد بأهلها وسعتها مقدرتش أتصرف علشان اللى كان مع أبوك كان أقوى منىِ بكثير
ثم أقاطعه مستفهماً
- قصدك على سـت........
يٌكمل حديثه وكأنىِ لم أقل شىءً :
- السيد الأكبر صاحب الكرسى الأعلى فى الممالك السبعة ولما عرفت أن هو بنفسه اللى مسيطر على أبوك بعت خادم من عندى علشان أفهم أزاى نبعد القوة الشيطانية عنه
ثم يصمت وهو يخرج من جلبابه شىء معدنى ضخم ثم يمد يده ليعطيها لى أَخذها وأنظر إليها لآرى قلادة دائرية ضخمة ومحفور فى وسطها مثلث و بداخل المثلث مرسوم أسد مثلما رآيت من قبل و بجانب ذيل الأسد أفعى و على رأس الأسد ذبابة و أسفل الأسد ثور و يحاوط ذلك الثور تنين ثم يكمل كلامه .
- ولما عرفت الطريقة كان فات الآوان وسعتها حصنت نفسى بطلاسم علشان متأذيش لحد ما الست والدتك جاتنى فى رؤيا من يومن وأمرتنى أنى لازم أجيلك وأخذ بأيدك وأرشدك لطريق أول سيف .
يرتسم على وجهى الذهول والتعجب الشديد لما أسمعة فـأنا لم أكن أفهم شىء مما يقوله ذلك الرجل وما علاقته بأمى ولكن ليس بيدى حيلة غير أن أستمع له ثم يكمل حديثه :
- أنت هتاخد السلسة دى وهتروح دلوقتی على أسوان ولما توصل هناك هتاخد مركب علشان تاخدك على الضفة الثانية من النيل وهاتطلع على جبل أسمه قبة الهوا وده جبل فيه قوه روحانية عظيمة وهو المدخل الوحيد ليك وقبل ماتدخل على المقابر هتلاقى شق فى الجبل هتنزل فى الشق ده وتقف قدام الجبل وتدى ضهرك للنيل هتلاقى محفور فى الجبل دايره هتحط فيها السلسله وسعتها هاتعرف كل المفروض تعرفه
