بنات اني مادري شلون نسيت ما كلت الكم ملاك عدها لدغه بالراء🙂
المهم اليوم يلا انتبهت و راح اعدل البارتات و اخلي كلامها بلدغة الراء، 😂🙈
و اذا كانت اكو صعوبه بالقرأة كلولي علمود اعدل علي وارجع الكلام طبيعي بدون لدغه🙂🫶
**********************
ذبيت التلفون بسرعه ورحت للباب فتحت المفتاح و فتحه شريف بسرعه نطلشت بالحايط ويه الباب دخل معصب وجهه ميكصه السيف خزرني وخلسني بمكاني وگال
شريف :- جيبي تلفونچ
انخلست بمكاني من گال هيج بقه يباوع بالغرفه نوب التفت الي وهو اعصاب صاير وعاط بيه
شريف :- تلفونچ وينننن!!
اشرت اله على الجربايه وايدي ترجف هز راسه ومشه للجربايه اخذه و فتحه نوب باوعلي وصاح بعلو صوته وتقرب مني
شريف :- فتحييي الرمزززز
هزيت راسي بخوف اخذته منه وايدي ترجف
و اني افتح الرمز نوب انطيته اله فتحه وبقه يدوس بي يطلع من تطبيق يدخل بتطبيق، بعد ما خلص من التلفون باوعلي صفن بوجهي نوب تحولت انظاره للباب درت وجهي للباب لمحت دُر واكفه باب الغرفه
اتقرب مني شريف حط التلفون بأيدي وطلع بسرعه
دخلت دُر وسدت الباب اجت يمي و گالت
دُر :- الي سويته لمصلحتج والله اني مو قصدي أذيج او اخلي يضربج، اني ماردت اشوفج توكعين بـ نفس الخطأ الي اني وكعت بي ملاك الله شاهد عليه اني رحت حچيت لشريف علمودج انتِ
اني هنا ماعرف شنو صارلي دفعتها وصيحت
ملاك :- انتِ شدخلج بيه! لا اعغفج ولاتعغفيني تايهه مادغي منين اجيتنه تغدين تخغبين بيني وبين اخويه! دُر هنا و ما اسمحلج فاهمه! اني شما اسوي انتِ مالج دخل بي! فهمتييي، حلال عليچ يعني وحغام عليه!
انصدمت من ردها عبالك ملح وانحط ع جرح ابتعدت عنها وحچيت بغصه
دُر :- ملاك، اهدأي اني مجان قصدي اخرب بينج و بين اخوج الله شاهد، جانت نيتي اريدج تبعدين عن هذا الطريق وربي مجان قصدي هيج
ملاك :- دُر! علاقتي اني و مصطفى لاتدخلين بيها
(اتقربت منها ورفعت اصبعي بوجهه وحچيت)
ملاك :- اياچ ثم اياچ تتقغبين مني او تغوحين تحچين أي شي يخصني اني و مصطفى يم شريف او غيغه (غيره)
هزيت راسي بـ اي وتراجعت عنها وحچيت وعيوني مدمعه
دُر :- تمام.... اني اصلآ غلطت من ردت اسوي شيء لمصلحتج و رحت حچيت لشريف
كملت كلامها وطلعت من الغرفه سديت الباب ورجعت كعدت على الجربايه لازم راسي تأفأفت وصفنت بالفراغ
- لو ماطلعت من الحساب جان رحت دوس بين الرجلين
- الحمدالله، الله ستر
