( الفصل العاشر )
___________________________________
هبطت للاسفل صباح اليوم التالى من وصولها للقرية الريفية؛ لتجد هناك حركة ونشاط غير معتادة عليه من الخدم المخصصين بقصر السيد غانم ابن عم فارس صديق زوجها فأبتسمت بسعادة للاجواء المحيطة والتى تعاصرها لاول مرة في حياتها فلم تعش مثل هذه اللحظات اى الزواج في قرية صعيدية، اخذت روح تتحرك بين الحضور باحثة عن ابنها او زوجها فلم تجدهم
اتجهت الى احدى الفتيات العاملات متسائلة :
_صباح الخير، فين صحاب البيت او جوزي استاذ عاصم ؟
ابتسمت الفتاة الصغيرة المراهقة لرؤيتها قائلة :
_صباح الخير يا ست الناس كلهم فطروا بدري وجعدين في المضيفة والهوانم كلهم في الاوضة دى ( اشارت بذراعها لاحدى الغرف )
مسدت روح برفق على ضفائرها الناعمة ثم تحركت للداخل لكن هتفت الفتاة بخجل :
_انى عارفاكى ست روح الخليلي، انى شوفتك جبل اكدة على التلافزيون ( التلفزيون ) انا في المدرسة وبعرف اجرا وبجرأ كل كتبك بشتريها من مصروفي، انى بشتغل مع امى علشان اساعدها وبحوش علشان اجرالك انا بحبك جوي جوي مكنتش مصدجة اني جابلتك
التفتت روح اليها شاعرة بالسرور لتلك الفتاة الصغيرة فخورة بها وبحماسها للثقافة والتعليم مع العمل فعادت لها متحدثة :
_ انا مبسوطة اوي انك بتعرفي تقري وقرأتي ليا ( اخرجت كارت صغير من جيبها ) ده الكارت بتاعي فيه كل ارقامى لما تحبي تقري اى كتاب جديد ليا ممكن تتصلي بيا وانا هبعتلك الكتاب عليه توقيعي، اسمك ايه يا امورة ؟
تحولت وجنتيها للقرمزى خجلاً :
_اسمي بسمة
ربتت على كتفها بحنان :
_بسمة وأنتى بسمة ..بسمتك زى القمر
___________________________________
تجمهر السيدات والفتيات في الغرفة يتحدثون ويتعارفون على بعضهم البعض كما تعرفت توبا على التوأم رقية ورحمة وأحبتهم كثيراً بينما تراقب روح زوجة ابنها المستقبلية بحالمية ممتزج باعجاب تفكر في عدد احفادها المستقبليين وكم سيصبحوا لطفاء كوالدتهم الجميلة الرقيقة بينما تلاحظ هذا نور التي احبت توبا كثيراً ايضاً انما رغد تصب تركيزها على اماني الفتاة الجميلة التي اقترن بها طفلها لا تصدق انه آتي ذلك اليوم وتوالت السنوات بسرعة ليصبح صغيرها "عريس".
ربتت روح على كف رغد فابتسمت صديقتها هامسة :
_مش مصدقة ان كبرنا كدة وعيالنا بتتجوز يا روح
تدخلت نور بدلال :
_ اتكلموا عن نفسكم انا لسه بيبي
قهقه الجميع بينما قالت نور الى توبا :
_انما ايه القمر ده اللى بيشتغل في الجريدة انا كدة هغيير على اكرم بجد او يمكن فريد محظوظ
غمزت نور ناظرة لروح فاكملت الاخرى بمكر :
_عندك حق يا نور فعلاً فريد محظوظ اوي
حمحمت توبا بخجل :
_ ميرسي ليكم بجد انا اللى مبسوطة انى عرفتكم والتوأم ده القمر حبيتهم اوى
