يا حب حياتي

البارت ١

البارت ١
في بيت ابو سلطان
ابو سلطان : يالله أنا طالع اليوم راح يجون من الوزارة ولازم أكون في المدرسة بدري .
ام سلطان : مع سلامه . و طلع ابو سلطان و رجعت نامت ام سلطان و جاءت الساعه ٩ و بدأت تقوم البنات علشان يساعدوها في الغدا .
ام سلطان : يا لجين قومي.
لجين بنعس : طيب . و قامت لجين .
ام سلطان : يا بنات قوموا اللحين يجون العيال و أبوك و أنتوا لسى نايمين .
ديمه بنعس : يعني لازم أقوم .
لجين : اجل حابه تأخذين تهزيء من أبوي صح .
ديمه : طيب بس شوي .
غاده : أقول قومي بس .
ديمه : مراح أقوم عناد فيك . ورجعت البطانيه فوق رأسها .
ام سلطان : وبعدين يعني يالله قوموا قدامي على المطبخ . و قاموا و جلسوا يتضاربون على الحمام .
ندى : والله ما تدخلين قبلي .
ديمه : مع نفسك انتي دائماً تتأخرين في الحمام .
ندى : راح ادخل يعني راح ادخل .
اسيل : ترى فيه ثلاث حمامات غير هذا .
ديمه : اجل خذي هذا و أنا اروح الثاني . و راحت ديمه الحمام الثاني .
ابراهيم : يالله صباح خير على ايش يتهاوشون .
لجين : نفس كل مره .
ابراهيم : الحمدلله و الشكر ايه صح وين امي .
غاده : في الصاله .
إبراهيم : يالله أنا اروح لها احسن لي . و نزل إبراهيم للصاله .
ام سلطان : بسم الله الرحمن اشبك ما رحت الدوام .
إبراهيم هو ينسدح على رجلين أمه : اليوم عندي اجازة و كمان مره مصدع .
ام سلطان : اجل قوم خلني اسويلك شيء عشان يروح الصدع .
إبراهيم : لا خليك قبل شوي شربت بنادول شوي و يخف الصداع و كمان اليوم ابغى انام على رجولك .
غاده : امي شوفي أسيل بس تضربني .
ام سلطان : و بعدين يعني خلاص انتي وياها ما تشوفون اخوكم نايم .
أسيل : لحظه هذا مو مداوم ؟؟.
ام سلطان : لا و بعدين على مين المطبخ ؟؟.
غاده : على ديمه .
ديمه وهي نازله : لا والله مو علي اليوم على ندى .
ندى : مع نفسك امس كان علي .
لجين : يالله بدأنا أقول قدامي انتي و هي .
ام سلطان : يالله انتي و هي على المطبخ . و راحوا على المطبخ و جاء الظهر و رجعوا العيال من الدوام .
.
.
.
في الرياض
في بيت ابو أحمد .
ابو أحمد : إلا وين أحمد ؟؟.
ام أحمد : اللحين يرجع من الدوام .
ابو أحمد : اجل نستنى شوي .
ام أحمد : طيب .
شروق : امي وش رأيك اليوم نروح الوادي .
ام أحمد : أشوف أبوك .
بدور : امي بالله خلينا نطلع .
ام أحمد : آتوقع سمعتي وش قلت . و دخل أحمد .
أحمد : السلام عليكم .
ام أحمد : و عليكم السلام يالله روح بدل ملابسك و الغداء جاهز .
أحمد : ان شاء الله . و طلع أحمد يغير ملابسه .
عبدالإله : والله مره جيعان .
ابو أحمد : اللحين تحطون الغداء .
مصعب : يالله يا بنات ترى جيعانين .
شروق : هذا هو الغداء لا تأكلنا .
أحمد هو يضرب مصعب : يعني لازم صوتك يوصل للشارع .
مصعب : طيب جيعان .
عبدالإله : ابغى اعرف وين يروح الأكل .
مصعب : ما أعرف وين يروح .
رغد : عمى احنا على الأكل وجع ماتعرفون تأكلون بهدوء .
عبدالإله : أقول صبي اللبن وأنتي سكته .
ابو أحمد : وبعدين احترموا النعمه .
عبدالإله : ان شاء الله .
أحمد : شروق صبي لي عصير .
شروق : ان شاء الله .
ام أحمد : ايه يا عبدالله البنات اليوم حابين يطلعون إذا سمحت .
ابو أحمد : و على وين ؟؟.
ام أحمد : ابد والله وداي نمار .
ابو أحمد : خلوه على الراتب عشان نروح المول.
رغد : بس يبه الرواتب يوم الخميس .
ابو أحمد : يا بنات أنتوا تعرفون ان رمضان ما باقي غير شهر عليه صح .
شروق : معليك منهم يبه على الرواتب احسن .
ابو أحمد : ابغى افهم ليه ماتصيرون زي اختكم ؟؟.
ام أحمد : معليك راح يتعلمون منها .
و خلصوا أكل ورجع ابو أحمد يأخذ نومه حق الظهر .
.
.
.
في المدينه و بتحديد بيت ابو سلطان .
ام سلطان : يالله يا بنات حطو الغداء أبوكم و العيال راح يجون .
لجين : ان شاء الله .
ام سلطان : ابراهيم يالله قوم اللحين البنات يحطون الغداء
ابراهيم بنعس : ان شا الله . و قام إبراهيم يغسل وجهه و دخلوا العيال .
مشعل : وين الغداء ترى مره جيعان .
عبدالرحمن : وين امي .
ابراهيم : هناك في الصاله .
عبدالرحمن : انت ليه مارحت الدوام .
أبراهيم و هو ينشف وجهه: عندي اجازة اليوم . وهنا دخلوا ابو سلطان و سلطان .
ابو سلطان : السلام عليكم .
ام سلطان : وعليكم السلام .
ابو سلطان: أنتوا لسى ما حضرتو الغداء .
ام سلطان : اللحين انت معليك روح بدل و الغداء ان شاء الله يكون جاهز . وراح ابو سلطان يبدل و حطو الغداء و جلسوا يتغدون و بعد ما خلصوا .
ابو سلطان : تسلم يدك يا حنان .
ام سلطان : عافيه اللحين اخلي البنات يسوون شاي .
ابو سلطان : لا خليها بعد ما أقوم من النوم .
ام سلطان : اللي يرضيك . و راح ابو سلطان ينام .
عبدالرحمن : ندى .
ندى : خير .
عبدالرحمن : أمم ابغى اسألك .
ندى : عن ايش .
عبدالرحمن : عن صاحبتك راح تجيك اليوم .
ندى : مين تقصد .
عبدالرحمن : يعني مين غيرها أفنان .
ندى : لا مراح تجي .
عبدالرحمن : و ليه .
ندى: عشان هي مسافره .
عبدالرحمن : خساره .
ندى : وبعدين ليه تسأل عنها . و سكت عبدالرحمن و رد عليها مشعل .
مشعل : عشان هو يحبها . و هنا رمى عليه علبة المويه .
عبدالرحمن : و انت ايش دخلك .
ندى : اهاا عشان كذا نشب في حلقي .
مشعل : ترى الكل يدري .
عبدالرحمن : أقول انطم بس .
مشعل : خلاص خلاص راح اسكت .
أسيل : وش رأيكم نلعب .
لجين : العبوا إنتوا أنا راح اروح مع امي .
غاده : وين ؟؟.
لجين : بيت خالتي سهام . وهنا نط سلطان عند لجين .
لجين بفجع : بسم الله اشبك ترى فجعتني .
سلطان : معليش مو قصدي بس انتي ايش قلتي قبل شوي .
لجين : قلت أنتوا العبوا .
سلطان : بعد ذي .
لجين : إييييه تقصد بيت خالتي سهام .
سلطان : مين راح يوصلكم .
لجين : ترى البيت قريب .
سلطان : ادري انه قريب بس أنا راح أوصلكم .
أسيل : ياخي ليه اللف و الدوران قول انك تبغى تشوف سهام .
سلطان : هاا مين قال .
غاده : ترى واضح ولا مكان نطيت من مكانك .
لجين : مو لازم توصلنا أصلاً ساعتين واحنا رجعين .
سلطان : طيب إذا معليك امر ابغى توصلين سلامي لها .
لجين : أفكر .
سلطان : ياخي أنا اخوك و اول مره اطلب منك طلب .
ديمه : يوووهه يا الكذوب و الطلبات اللي تطلبها حق مين .
سلطان : انتي مو شغلك خليك في نفسك احسن لك .
ديمه : تمام اسكت احسن لي . وهي ترجع السماعات .
أبراهيم هو داخل للغرفه : سمعت إنكم راح تلعبون .
مشعل: انت مو كنت تبغى تنام .
ابراهيم: ما جاني نوم . و جاء اشعار علي جواله وهنا ابتسم .
أسيل : دوم يارب تبتسم بس مين سعيدة الحظ هذي .
ابراهيم وهو عيونه في جوال : مو شغلك .
غاده : والله جاني فضول اعرف مين .
ابراهيم : أقول شوف لكم احد غيري تشغلونه .
غاده : أوكيه مراح نزعجك .
ديمه : هاا راح تلعبون ولا لا اخلصوا .
لجين وهي تعدل نقابها : بنات انتبهوا ترى الشاي على النار . وخرجت لجين و ام سلطان .
سلطان : بنات قوموا جيبوا الشاي .
أسيل : طيب . وقامت أسيل تجيب الشاي .
غاده : وش تبغون نلعب .
عبدالرحمن : فيفا .
أسيل : لا ايش رأيكم فورت نأيت .
مشعل : لا كيرم .
ديمه : أرسو لكم على بر .
إبراهيم : خلاص نعلب الشايب .
ندى : بس أنا معرف اللعبه .
غاده : ولا أنا .
ابراهيم : خلاص أنا راح أعلمكم كيف تلعبونه . وهنا شرح ابراهيم كيف تلعب اللعبه .
ندى : يعني اللي يكون عنده الشايب يحكم عليه .
مشعل : بضبط .
ديمه : يالله عرب ربي . وهنا بدوا يلعبون و جاء الشايب عند ندى .
ندى : والله غش كيف كذا .
سلطان : انتي ما تعرفين تلعبين.
ندى : طيب توني تعلمت كيف اللعبها .
ابراهيم : معليك أنا مراح احكم عليك بس مراح اضمن لك ان العيال ما يحكمون عليك .
أسيل : جيت الفرصه اللي احكم عليك .
ندى : يا حيوانه وليه وش سويت لك .
أسيل : تذكرين يوم حرقتي علي المسلسل الكوري .
غاده : أي واحد فيهم هي حرقت عليك كثير .
أسيل : حق جي تشانغ ووك اللي في نتفلكس .
ندى : ما كنت اقصد .
ديمه : احا كيف ماكنت تقصدين وأنتي قلت الحلقه كامله .
أسيل : ديمه لا تذكرني بقوه احاول أنسى .
غاده : ولا يوم خربتي علي الماسك حق البشره .
ندى : يا حيوانات أنا اختكم مو عدوه لكم .
ديمه : بنسبه لي عاد أنا أخذت حقي .
عبدالرحمن : يالله يا حلوه روحي للمطبخ و جيبي فلفل حار و كليه قدامنا .
سلطان : لا دحوم مو كذا .
عبدالرحمن : اجل . وهو يغمز له .
ندى : النظره هذي أنا ما احبها أكيد تخططون لشيء كبير . و على حظها دق جرس الباب .
سلطان : قوم مشعل افتح الباب . و قام مشعل و فتح الباب و كان مازن و اخوه راشد عيال خالتهم سلمى و دخلوا البنات و بعده دخلوا العيال للمجلس .
.
.
.
في الرياض بالتحديد بيت ابو عمر
ام عمر : ما ودك نأخذ عمره .
ابو عمر : ايه والله ودي و منه نمر على اخوي .
ام عمر : اجل خلينا نشوف العيال متى الاجازه حقهم .
ودخل مشاري عليهم .
مشاري : السلام عليكم .
ابو عمر : و عليكم السلام .
ام عمر : جيت في وقتك كنت راح ادق عليك اسألك .
مشاري : عن ايش ؟؟.
ام عمر : متى راح تكون إجازتك .
مشاري : بعد أسبوع .
ابو عمر : حلو اجل جهز نفسك راح نروح مكه و بعدها نمُر بيت عمك .
مشاري : ان شا الله .
ابو عمر : اجل نادي اخوانك و خواتك . ونزل الكل للصاله .
متعب : سم يبه .
ابو عمر : راح نروح لمكه و بعدها نمُر المدينه عند عمكم .
فجر : و الله من زمان ودي نأخذ عمره .
ام عمر : اجل خلينا نروح السوق نأخذ الأغراض للسفر .
ريم : ان شا الله .
ابو عمر : اجل : خلني ادق على عمر . ودق ابو عمر على عمر .
عمر : وعليكم السلام بخير دامك بخير .
ابو عمر : عسى دوم يا ولدي ايه كنت ابغى اسألك .
عمر : سم يبه .
ابو عمر : ابد يا ولدي انت متى أجازتك .
عمر : بعد أربع أيام .
ابو عمر : اجل جهز نفسك انت و حرمتك راح نروح لمكه و بعدها نمُر لمدينه عند عمك .
عمر : ابد و احنا راح نكون جاهزين .
ابو عمر : اجل ما اطول عليك . و قغل ابو عمر .
ام عمر : يالله واحد فيكم راح يوصلنا للسوق .
مشاري : أنا توني داخل خلي متعب يوصلكم .
متعب : وليه أنا .
مشاري : عشان انت اصغر العيال .
فجر : لا تبدوا اللحين أبوي يسمعكم و يهاوشكم .
متعب : خلاص أنا راح اوصلكم .
و راحوا للسوق و اخذوا ألاغراض .

الكاتبه : هل راح تكون السفره على خير او راح يصير شيء و يخرب سفرتهم راح تعرفون في البارت الجاي ☺️🥺 .