يا حب حياتي

البارت ٥

البارت ٥
طلعت الشمس و جاء الظهر عليهم و بدأت ام احمد تصحي البنات .
ام احمد: يالله  يا بنات قوموا ورانا شغل .
شروق بنعس : يالله اللحين .
ام احمد : يالله يا رغد و انتي يا بدور .
رغد بنعس: بس يمه لسى وقت الفطور بدري .
ام احمد : بدري بعنيك صارت الساعه ٢:٠٠ .
شروق : يالله قوموا اللحين يأذن العصر .
بدور : بس شوي خلوني انام .
شروق : اقول قومي بس .
و قاموا البنات للمطبخ .
ام احمد : اسمعي شروق جيبي الدجاج من الثلاجه و نقعيها .
شروق : طيب . و دق باب البيت .
ابو احمد : يا احمد قوم افتح الباب . و قام فتح الباب .
الجار : منور الحاره والله .
احمد : النور نورك بس مين ؟؟؟.
الجار : أنا أبو عيسى صاحب أبوك .
احمد : ونعم تفضل .
ابو عيسى : لا خليها المره الجايه .
احمد : لا والله اليوم تفطر عندنا . و دخل ابو عيسى للمجلس .
ابو احمد : والله منور البيت .
ابو عيسى : النور نوركم .
ابو احمد : كيف حالك و كيف حال عيالك .
ابو عيسى : بخير دامك بخير بس يا قاطع ليه ما تسأل و حتى تزونا .
ابو احمد : أنا عارف إني مقصر معكم بس تعرف انشغلنا في الدنيا .
ابو عيسى : الله كريم معليه اللحين قول لي راح تقضون رمضان كله عندنا .
ابو احمد : اسبوع و نرجع العيال عندهم مدارس .
ابو عيسى : ما شالله يالله ما اطول عليكم .
ابو احمد : لا وين لسى بدري .
ابو عيسى : لا بدري ولا شيء إنتوا توكم وصلتوا من السفر و ما ابغى أثقل عليكم المره الجايه .
ابو احمد : اجل بكره فطورك انت و عيالك عندنا .
ابو عيسى : تم . و طلع ابو عيسى و دخلت ام احمد عندهم .
ام احمد : مين جاء ؟؟.
ابو احمد : ابو عيسى .
ام احمد : طيب ليه ما عزمته على الفطور ؟؟.
ابو احمد : عزمته بكره .
ام احمد : اللي تشوفه أجل أنا أقوم اجهز الفطور . و طلعت احمد للمطبخ .
احمد : يبه .
ابو احمد : نعم ؟؟.
احمد : مين هذا ؟؟.
ابو احمد : هذا جارنا ابو عيسى .
احمد : طيب يبه ابغى اسألك .
ابو احمد : لا تسألني اللحين يا احمد بعدين راح تعرف .
احمد بإستغراب: انت عرفت سؤالي ؟؟.
ابو احمد : ايه و بعدين راح تعرف الجواب .
احمد : إللي تشوفه .
.
.
.
في المدينه المنوره .
ام سلطان : يالله بنات خفوا يدكم .
لجين : اللحين يالله بنات لسى ورانا مجلس الحريم .
ديمه : ابغى افهم امي مين عازمه .
ندى : أصص اللحين تسمعك .
غاده : أكيد خالتي سلمى و جارتنا ام نواف و بناتها .
أسيل : تمزحين لا هذي راح تجي .
ريم : اجل رحنا فيها .
فجر : عيب عليكم تتكلمون فيها .
لجين : استغفرالله بس خلصوا يالله . 
ام عمر : يالله خفوا يدكم .
فجر : اللحين نخلص معليك  .
ام حاتم : ماشاء الله متى كبروا البنات الله يحفظهم لكم يا رب .
ام سلطان : اللهم آمين .
ام حاتم بهمس : الصراحه يا حنان حابه .
ام سلطان : حابه ايش .
ام حاتم : اخطب للعيال .
ام سلطان : بنات مين .
ام حاتم : بعدين راح تعرفين .
ام سلطان : تمام .
غاده : بنات بنات .
لجين : اشبك مصروعه كذا .
غاده : سمعت خالتي أحلام تقول انها راح تخطب للعيال .
ديمه : طيب هي قالت مين ؟؟.
غاده : لا ما قالت . و زعلت ندى اول ما سمعت ان خالتها راح تخطب لعيالها .
ديمه : بنت اشبك اهدي .
ندى : سمعتي وش قلت .
ديمه : إلا سمعت بس كمان هي ما قالت مين راح تخطب .
ندى بحزن : اللحين لازم أنساه.
ديمه : بنت اهدي اول شيء لازم نعرف مين من العيال راح يتزوج .
ندى : خلاص لازم أنسى . و قاطعتهم لمى .
لمى : اشبك ندى .
ديمه : ما فيه شيء .
لمى : أكيد ندوش .
ندى ببتسامه مزيفه : ايه بخير .
وبعد ما سوو الفطور و طلعوا يتجهزون و يضبطون شكلهم .
ام سلطان : لا تقولين  راح تطلعين كذا .
ديمه : ليه ايش فيه شكلي .
ام سلطان : يا بنتي ماينفع كذا يالله غيري ملابسك و حطي  شوي مكياج .
ديمه : بس عجبني شكلي .
ام سلطان بعصبية خفيفة : اقول قدامي ولا يكثر .
ديمه : يمه تكفين لا .
ام سلطان : مو بكيفك . و دخلت غرفة ندى و لجين .
ام سلطان : حطوا لذي مكياج .
غاده : عندي معليك يمه .
ام سلطان وهي بيدها فستان: ألبسي ذا .
ديمه : يمه لا إلا ذا اللون .
لجين : ليه وش فيه الأزرق .
ديمه : يمه لا ما ابغى أحط مكياج .
ام سلطان : ما شاء الله وش تبغين يقولون عليك انك مو بنت .
ديمه : بس أنا ما يهمني وش يقولون عني .
ام سلطان : مو بكيفك يالله بنات حطوا لها . بعد ما  غصبتها  امها  راحت حطت المكياج و لبست فستان و طلعت احلى من البنات .
ام سلطان : ما شاء لله تبارك الرحمن حصتنك من عيون الحسود .
لمى : والله لو عندي أخ لا كان زوجته انتي .
ديمه : احم شكراً .
ندى : أنا كنت شاكه انك بنت بس اليوم تأكدت انك بنت .
ديمه : ندوش احترمي نفسك عاد .
ام سلطان : ديمه بالله اليوم خليك حرمه  بدون العربجه حقك تمام عيني .
ديمه : ان شاء الله . و نزلت ام سلطان و معها البنات .
ام عمر : ما شاء الله تبارك الرحمن كل وحده احلى من الثانيه . و دق جرس الباب و دخلوا الحريم جوه و الرجال للمجلس .
.
.
.
في جهة الرجال .
ابو سلطان : يأهلا يا هلا منورين البيت .
ابو مازن : النور نوركم و شهر مبارك عليكم .
ابو عمر : علينا و عليك كيفك و كيف حال العيال .
ابو مازن : بخير الحمدلله  .
ابو عمر : وأنت يا ابو نواف كيف حال عيالك .
ابو نواف : بخير الحمدلله .
ابو سلطان : عسى دوم .
ابو نواف : كيف الشغل معكم يا عيال .
سلطان : الحمدلله ماشيء الحال .
ابو نواف : اهم شيء .
ابو عمر بهمس : يا محمد دق على الحريم خليهم يحطوا الفطور .
ابو سلطان : طيب . و دق على ام سلطان .
ام سلطان : اللحين يحطوا الفطور . و بدأو  يحطون الفطور في الملقط و نسوا المويه ما يحطونه .
لجين : بنات وين المويه  !!  .
ريم : في المطبخ .
لجين : اجل روحي جيبيه .
ريم : بس اللحين العيال يدخلوا للمطبخ .
لجين : محد راح يدخل .
لمى : خلص انتي جيبيه .
لجين : طيب .
و راحت  تجيب المويه و كانت الصينية في يدها و سمعت أصوات  العيال جايين للمطبخ و  ماعرفت فين تنحاش  منهم و عشان ما يشوفونها إذطرت تنحاش في غرفة الغسيل و دخل حاتم لغرفة الغسيل عشان يأخذ المويه و هنا شافها و انذهل بجمالها  وانتبه على نفسه .
حاتم بهمس : اسمعي هاتي الصينية اللي في يدك  اخذها و نطلع بدون ما احد يلاحظ انك هنا .
لجين بهمس : بس كيف راح أعطيك و العيال هنا  .
حاتم بهمس : معليك ماراح احد يلاحظ . وأخذ الصينية اللي معها قبل ما  احد يلاحظ انها في غرفة الغسيل .
حاتم : اسمعي اللحين احنا راح نطلع و انتي اطلعي بعدنا بعد خمس دقايق ماشيء .
لجين : تمام . و طلعوا العيال من المطبخ و طلعت من وراهم .
سلطان : هذا كله مويه .
حاتم : اقول خذ الصينية بس .
ابو عمر : يالله و وزعوا المويه .
ابراهيم : ان شالله . و وزعوا المويه على السفره و كانت السفره تشتهي .
ابو نواف : ما شالله تبارك الرحمن والله ثقلوا على نفسكم .
إبراهيم : حاتم . بس حاتم ما رد عليه .
إبراهيم : حاتم . كمان ما رد عليه و هنا قرصه .
حاتم بألم :  وجع اشبك .
إبراهيم : وين رحت ؟؟.
حاتم : معك .
إبراهيم : وين معي لي ساعه أناديك .
حاتم : لا معك .
إبراهيم : امسك أعط  مازن . و اخذ العصير و عطاه مازن .
و أذن المغرب و شربوا المويه و قاموا يصلون في المسجد و بعد ما خلصوا الصلاة رجعوا و كموا أكل و بعد ما خلصوا أكل و طلعوا من الملقط جائوا البنات و لموا السفره و رجعوا جوه .
.
.
.
في جهه الحريم .
و كانوا البنات في المطبخ .
لمى : اشبك كذا لجين .
لجين بتوتر : ليه ايش فيني .
لمى : وجهك مصفر .
لجين : هاا ما فيني شيء.
لمى : أكيد .
لجين : ايه أكيد . و دخلت عليهم ام عمر .
ام عمر : يالله بنات وحده فيكم تأخذ القهوه و الشاي  للرجال .
سهام : أنا أخذها  . وهنا نطت ديمه .
ديمه : لا خلي ندى تأخذها انتي ضيفه عندنا عيب نخليك تأخذين  القهوه و الشاي للرجال . و أخذت صينية الفناجيل من يد سهام و عطت ندى بس كانت ندى ما تبغى تأخذ صينية الفناجيل   و الشاي و توديها للرجال و بعد اصرار ديمه عليها أخذت و ودتها للرجال و دقت باب الملقط و كان  حمد اللي راح يأخذ صينية فناجيل  القهوه و الشاي  منها .
ندى من وراء الباب : امسك الصينيه حق الفناجيل .
حمد : لحظه كيف أخذها  كذا .
ندى : لحظه انت مو ابراهيم .
حمد : أنا حمد  .
ندى : طيب امسك الصينية زين .
حمد : ترى راح تنكب علينا إذا ما فتحتي الباب شوي .
وهذي كانت حجه عشان تفتح الباب شوي علشان يشوفها و فعلاً فتحت الباب شوي و شافها و وقف في محله .
ندى : امسك ترى يدي بدأت تعورني و أنا ماسكه الصينية .
حمد بلاوعي : عساها  يدي ولا يدك . و آخذ الصينية قبل ما احد يلاحظهم و رجعت جوه وهو رجع للبيت الشعر .
ديمه : اشبك ؟؟.
ندى : بعدين أقول لك .
ديمه : تمام . و دخلوا عند الحريم .
ام نواف : ما شاء الله تبارك الرحمن والله و تغيرتي يا ديمه . و كانت ديمه راح ترد عليها بس أمها منعتها .
ام سلطان : ايه صارت حرمه .
ام نواف  : ان شالله عقلت .
ام سلطان : ايه ما شاء الله .
ديمه بهمس : يمه تكفين .
ام سلطان بنظرات حاده اللي معنا ها لا .
لجين بهمس : ديمه اعقلي خليك هاجده .
ديمه بهمس : ما سمعتي وش جالسه تقول  .
غاده بهمس : معليك منها .
ديمه في نفسها : يارب صبّرني .
ام نواف : والله ليش الكذب ما توقعت انك حلوه ما شاء الله . و غيرت ام عمر الموضوع قبل ما ديمه تسوي شيء .
.
.
.
في الدمام .
ام احمد : وش رأيك يا عبدالله نروح الكورنيش .
ابو احمد : إنتوا روحوا أنا راح اجلس في البيت .
ام احمد : لا طبعاً ماراح نروح و أنت تجلس هنا .
ابو احمد : معليه يا حرمه انتي و عيالك روحوا غيروا جو .
ام احمد : والله ما اروح وانت جالس في البيت .
ابو احمد : تمام دامك حلفتي راح اروح معكم .
ام احمد : يا بنات .
شروق : يا نعم .
ام احمد : يالله جهزوا نفسكم راح نروح البحر .
رغد : الله راح نطلع . و راحوا لبسوا عبايتهم  و ركبوا السيارة و وصلوا للبحر .
بدور : امي ابغى اركب سكوتر .
عبدالإله بعصبيه : ايش سمعت .
بدور : ماقلت شيء .
عبدالإله : إلا سمعت انك راح تركبين سكوتر .
بدور : ايه .
مصعب : خليني أشوف تركبين بس والله أكسر رجولك .
بدور : بس أنا نفسي اركب .
رغد : طيب حنطور .
عبدالإله: لا .
مصعب : اقول اهجدوا بس .
بدور : يعني احنا طلعنا عشان نفلها و لا تنكدون علينا .
عبدالإله: اقول اقعدي بأرضك بس .
ام احمد : وبعدين يعني اهجدوا يالله قوموا من قدامي .
و قاموا يتمشون على البحر .
ام احمد : اشبك ؟؟.
ابو احمد هو يطلع نفس : ابد  ما فيني شيء .
ام احمد : ليه أنا ما أعرفك مثلاً يالله قول اشبك ؟؟.
.
.
.
الكاتبه : يا ترى ايش فيه ابو احمد و ليه طلع من البيت اللي في الدمام راح تعرفون في البارت الجاي ☺️✌🏻.