يا حب حياتي

البارت ٢١

البارت ٢١
ام حاتم : الصراحه بغيت  اطلب يد لجين لولدي حاتم .
ام سلطان بفرح : يا أبركها من ساعة و احنا نتشرف فيكم بس تعرفين ان الشور شورها و لازم اسألها .
ام حاتم : خذي راحتك احنا مو مستعجلين . و طلعت ام حاتم من الغرفه و أخذت الجوال ام سلطان و دقت على زوجها .
ابو سلطان : ايه هو قبل شوي قالي و أنا قلت ان لازم نشوف رايها  .
ام سلطان : يعني أسألها .
ابو سلطان : ايه اسأليها و قولي لي رايها .
ام سلطان : تمام . و قفل ابو سلطان .
لجين : هلا يمه .
ام سلطان : تعالي اجلسي هنا . و جلست بجنب أمها .
لجين : سمي يمه .
ام سلطان : اسمعي يا بنتي اللحين انتي كبرتي و صرتي حرمه و حلوه و جاء اليوم اللي اشوفك فيه  عروس  و كمان اشوف عيالك .
لجين : بس يمه ما ابغى أتزوج اللحين ابغى اجلس أرعاكم انتي و ابوي .
ام سلطان : و احنا نبغى نشوفك مبسوطه و بعدين انتي عرفتي مين اللي طلب يدك ؟؟.
لجين : مين ؟؟.
ام سلطان : حاتم ولد خالتك أحلام فكري و بعدين ردي لي خبر تمام .
لجين : تمام . و طلعت ام سلطان و خلتها تفكر .
.
.
.
عند الرجال .
حاتم : هيما .
إبراهيم : خير .
حاتم : اسمع ابغى أقولك شي .
ابراهيم: قول .
حاتم : الصراحه إني حبيت اختك و قالت لا اهلي يخطبونها لي .
ابراهيم : ادري .
حاتم : من متى ؟؟.
ابراهيم : ابد يوم رجعت من المطبخ و انت بالك مو معناً .
حاتم : والله قلت لي امي تخطبها لي ما حبيت ان أسوي شيء غلط .
ابراهيم : طيب اشبك كذا خايف دامك جيت و طلبت  يدها .
حاتم : برأيك اختك راح ترضي ؟؟.
ابراهيم : والله مدري عليك انك تصبر .
حمد : في ايش تتهامسون ؟؟.
حاتم : مالك شغل .
حمد : ايه مالي شغل تمام راح اعرف بعدين .
.
.
.
في بيت ابو احمد .
ابو احمد بعصبيه : ابغى افهم أنتوا ما قلت لكم بعدين نتصرف معهم .
احمد : ايه بعدين متى .
ابو احمد : بعدين يعني بعدين .
مصعب : يبه انت ما تشوفت كيف كان راح يوصلون للبنات .
ابو احمد : عشان كذا أقولكم بعدين .
عبدالإله : المعذره منك يبه مراح نسكت لهم لازم يعرفون انك مو لوحدك احنا معك  .
ابو احمد : أنا ما ابغى منكم أنكم تدخلون .
احمد : احنا اللحين رجال لازم نرجع لهم الضربه .
ابو احمد : يالله اللحين انقعوا من قدامي . و طلعوا العيال من الغرفه .
ام احمد : عيالك مو صغار و ادري ان اللي سووه غلط بس ترا هم خايفين عليك .
ابو احمد : ادري أنهم مو صغار بس أنا اللي خايف عليهم .
ام احمد : معليه و كمان ترى معك رجال يشد فيهم الظهر .
ابو احمد بضحكة خفيفه : تبغين الصراحه .
ام احمد : ايه
ابو احمد : من زمان ودي يضربون عيالهم .
ام احمد : ايه اضحك و بعدين خليهم يعرفون ان اللي سووه غلط و انك مو لوحدك و ان عيالك رجال .
ابو احمد : الله يتسر من اللي راح يجي .
.
.
.
في جهة الثانيه .
عبدالإله : الواضح مو بس احنا اللي أخذنا تهزيء.
طارق : تقدر تقول .
مصعب : معليه خليها شوي و تهدا .
طارق : الله كريم .
عبدالإله : راح فيها وجهي المشكله أقوله لا تضرب وجهي هو حيوان ما سمع الكلام .
مصعب : ههههههههههه بس الصراحه من زمان ما ضربت احد .
طارق : احس كذا قلبي ارتاح .
احمد : الواضح من زمان كنت تبغى تأخذ حقك .
طارق : ايه والله .
عبدالإله : برأيكم راح تسوون شيء .
احمد : اللي ما وصلوه بيدهم يوصلونه برجليهم .
مصعب : على العموم احنا جاهزين .
عبدالإله : برأيكم وش تسوون غداء .
احمد : أنت  ما تفكر غير في بطنك .
عبدالإله : ما يكفي أني نمت جيعان .
مصعب : احا و السندويتش مين  أكلهم .
عبدالإله : لا هاذاك مو عشاء . و بدأو يتضاربون كالعاده .
.
.
.
في بيت ابو عمر
و بعد ما صلت لجين صلاة الاستخارة و حست انها مرتاحه و راحت عند أمها .
ام سلطان : هاا وش رأيك .
لجين بخجل : اللي تشوفينه.
ام سلطان : يعني اقول لا أبوك انك موافقة ؟؟.
لجين بهز راس بمعنى ايه و هنا زغرطت ام سلطان و جاؤوا الكل عندهم .
فجر : مبروك .
لجين : الله يبارك فيك و عقبال الكل .
ندى : يعني راح تروحين و تخلينا ؟؟.
لجين : مدري .
أسيل : اللحين مين راح يسوي لي القهوه اللي احبها .
غاده : ترى تقدرين  تشترينها .
أسيل : ادري بس من تحت يدها احلى .
ندى : يعني ما تعرفين تسوينها .
أسيل : لا .
فجر : خلاص تعلمي كيف تسوينها .
ريم : اللحين متى راح تكون الخطبة؟؟.
لجين : مدري ما قالولي .
غاده : طيب ليه ما تسألين امي .
لجين : لا طبعا مراح اسألها .
.
.
.
في جهة الرجال .
ابو سلطان بفرح : على البركة الله يتمم عليهم . و قفلت ام سلطان .
ابو عمر : فرحنا معك .
ابو سلطان : ابد حازم طلب يد بنتي لحاتم و هي بعد ما صلت و فكرت وافقت.
ابو حاتم : يعني نقول مبروك .
ابو سلطان : ايه .
ابو حاتم : يا حاتم يا حاتم . و جاء حاتم .
حاتم : سم يبه .
ابو حاتم : سلم على راس عمك محمد . و هنا راح حاتم و سلم على ابو سلطان .
ابو سلطان : مبروك  . و طلع حاتم عند العيال في الحوش .
ابو حاتم : متى حابين الشوفه الشرعية  .
ابو سلطان : خليها بكره و معها الخطبة تكون بين الأهل .
ابو حاتم : طيب الملكة ؟؟.
ابو سلطان : تكون في ثالث العيد .
ابو حاتم : اجل خلينا نقولهم . و دق على الحريم .
.
.
.
عند العيال .
إبراهيم : مبروك .
حاتم : الله يبارك فيك و عقبالك .
إبراهيم : اما بنسبة لي ما أفكر في الزواج اللحين . 
حاتم : ليه ؟؟ .
ابراهيم: مو في بالي اللحين يمكن بعدين .
حاتم : تبغى النصيحه لا تحكم على الحريم كلهم ترا إصبعك مو سوا .
ابراهيم : ادري منهم مو سوا بس .
حاتم : زي ما قلت لك أفكر . و قاطعهم حمد .
حمد : ابوي يبغاكم .
حاتم : اللحين نجي . و راحوا المجلس .
عمر : سم يبه .
ابو عمر : باركو لحاتم  .
مشاري : على ايش .
ابو عمر : ابد راح يصير عريس . وهنا باركوا له .
سلطان : مبروك منك المال و منها العيال .
ابو حاتم : و بكره الخطبة و الشوفه الشرعيه.
عبدالرحمن: اجل لازم بكره نقوم  بدري .
ابو حاتم : و ايه ثالث العيد راح تكون الملكة .
غيث : اجل كذا لازم نبدأ نتجهز .
حمد بهمس : ما كأنه مافيه وقت تعرفون على بعض .
مشعل : انطم قبل ما يسمعك.
حمد : تمام راح اسكت .
متعب : خلاص انت و هو اسكتوا .
.
.
.
عند البنات .
لجين : يمه .
ام سلطان : هلا .
لجين : بكره لازم اروح السوق .
ام سلطان : تمام  راح اقول لي أبوك .
ام عمر : اجل لازم بكره اقوم بدري .
ام حاتم : معليك بكره الكل راح نظيف .
ام سلطان : زي ما قلت أحلام الكل بكره راح ينظف.
ام حاتم : حنان .
ام سلطان : هلا .
ام حاتم : لا تخافين عليها ترا هي اللحين راح تصير بنتي .
ام سلطان : و هذا اللي مطمني عليها انها راح تروح عندك .

.
.
.
الكاتبه : راح تعرفون وش راح يصير في البارت الجاي 😁🤗💐.