يا حب حياتي

البارت ١٥

البارت ١٥
في بيت ابو احمد .
مصعب : سبحان الله يعني من زمان انت و هي تتضاربون .
احمد : ايييه تذكرت في كان بنت تلعب معنا و كنت دائماً أقولها ما ينفع تلعب معنا .
رغد : و ليه ما ينفع تلعب معكم وش فيه .
احمد : عشان كانت تلعب ألعاب العيال ما ينفع تلعب مع العيال عشان هي بنت بس والله كان لسانها طويل و مستفزه .
بدور : وانت يا عبدالإله متذكرها ؟؟.
عبدالإله : الإ تذكرت كنت ادافع عن بنت كان دائماً يشدون شعرها و يضايقونها و أنا كنت أتضارب معهم عشانها و بس هذا اللي أتذكره .
رغد : الله حب الطفوله .
مصعب : سبحان الله زي ما قال أحمد  اذا مكتوبه لك راح تجيك .
شروق : قدر سبحان الله .
رغد : بكره ايش ؟؟.
بدور : الجمعة ليه .
رغد: اجل بكره لازم نقوم بدري . و دخلت عليهم ام احمد .
ام احمد : حلو دامكم تعرفون ان بكره لازم نقوم بدري يالله على النوم بكره ورانا شغل .
و قاموا البنات على غرفهم و حتى العيال .
عبدالإله : احمد .
احمد : هممم . هو مغمض عيونه .
عبدالإله : برأيك بكره أعطيه الرواية .
احمد : ما أنصحك انت تعطيها خلي وحده من البنات تعطيها .
عبدالإله : بس كان نفسي أنا عطيها .
احمد : لا مو بكره في يوم ثاني احسن لك  .
مصعب : احمد .
احمد : خيررر .
مصعب : انت لم كنت تهاوش معها فجأة تسمرت في محلك ليه .
و فتح عيونه و تذكر عيونها و كيف الشمس جائت على عيونها و بين لونها العسلي .
مصعب : الوووو ولد انت معي .
احمد : اقول نايم ولا يكثر .
مصعب : بس انت ما جاوبت على سؤالي .
احمد : راح تنام ولا كيف ؟؟.
مصعب : خلاص راح انام . و ناموا .
.
.
.
في اليوم الثاني  بعد صلاة العصر .
ابو عمر : و عليكم السلام .
احمد : يا عم أنا برى .
ابو عمر : خلاص اللحين اطلع لك .
و طلع ابو عمر و لقي احمد و امجد في الشارع .
امجد و هو يسلم على رأسه : كيفك يا عم .
ابو عمر : بخير الحمدلله تفضلوا .
احمد : والله مستعجلين و هذي هي السياره جديده و حتى مريت المغسله و غسلتها .
ابو عمر : والله ما قصرت .
احمد : يا عم توصيني بشيء .
ابو عمر : ابد ولا شيء .
احمد : مع السلامه . و ركب سيارة امجد و دخل ابو عمر .
ابو عمر : يااا ديمه .
ديمه : هلا عمي .
ابو عمر : امسكي هذا مفتاح السيارة و انتهبي ثاني مره .
ديمه : ان شاء الله . و أخذت المفتاح و طلعت للغرفه .
ام عمر : متى تبغى نروح لهم .
ابو عمر : بعد صلاة العشاء .
ام عمر : اجل خليني اروح أقولهم . و طلعت عند البنات .
.
.
.
عند البنات .
فجر : غاده بنت ابغى تعلميني كيف ارسم دمعت عيوني .
غاده : اجل تعالي شوفيني و أنا  كيف ارسمه بعدها قلديني .
فجر : تمام . و دخلت عليهم ام عمر .
ام عمر : بنات ترى راح نروح لهم بعد صلاة العشاء .
ديمه : يعني لازم اروح معكم .
ام عمر : ايه لازم .
فجر : طيب يمه لازم نسوي شيء او نجيب شيء معنا .
ام عمر : أكيد وحده فيكم تنزل تسوي حلا .
غاده : أنا أسوي . و كل البنات التفتو  عليها .
ريم : اييييه انتي راح تسوين حلا .
غاده : ايه عادي .
ام عمر : ايش فيكم خلوها تسوي . و طلعت و خلتهم .
غاده : أشبكم كذا اللحين عمتي راح تشك .
ديمه : يا سبحان الله كنت ازن عليك انك تسوين حلا تروحين بعد طلعت روح و اللحين عشان راح نروح عندهم  راح تسوين حلا .
غاده : أكيد راح اسوي حلا ولا حابه نروح و ايدينا فاضيه وش يقولون الناس عنا .
ديمه : يا سبحان الله ياما امي تزن عليك عشان تسوين حلا و تروحين معها عند الجيران .
غاده و هي ترجع شعرها لوراء : حبيت اسوي اليوم .
ريم : بس لو تسوين هذاك الحلا .
فجر : اي حلا .
ريم : هذاك اللي سويته في رمضان .
فجر : ايه تذكرته ترى مو أنا اللي سويته .
ريم : اجل مين .
ديمه : لجين .
ريم : اجل وش راح تسوين .
غاده : الحلا اللي آخر رمضان سويته .
ديمه : اي واحد .
غاده : اللي بالبسكويت .
ديمه : تمزحين انتي اللي تسويتيه؟؟.
غاده برفعت حاجب : ايش تقصدين ليه تحسبيني زيك .
ديمه : عن الغلط عاد .
فجر : شوفي لا تزعلين بس الصراحه ما شوفتك تطبخين في يوم .
ديمه : أوكيه ما احب اطبخ بس اعرف اطبخ .
غاده : يارب يارب اشوف هذاك اليوم اللي اشوف ديمه على الكوشه يارب .
ديمه : بعدك ان شاء الله . و دق جوال غاده و ردت على الجوال و فتحت مكبر .
غاده :و عليكم السلام .
ام سلطان : كيفكم اخباركم .
ديمه : الحمدلله بخير .
غاده : يمه ابغى اسألك .
ام سلطان : اسألي .
غاده : يمه تعرفين احد اسمه عبدالله الصبياني؟؟.
ام سلطان : ايييه اعرف كانوا جيرانا ليه ؟؟.
غاده : ولده اللي صدم ديمه و أتوقع اسمه احمد .
ام سلطان : يا سبحان الله ربي خلانا نتلقى مره ثانيه .
غاده : وايه اليوم احنا معزمين عندهم .
ديمه : بس يمه ما ابغى اروح .
ام سلطان : مو بكيفك راح تروحين و ايه و سوي معكم حلا عيب تروحون و يديكم فاضيه .
غاده : راح اسوي الحلا .
ام سلطان : عاد ما أوصيك يا ديمه .
ديمه : عارفه يمه وش راح تقولين .
ام سلطان : حلو يالله خليني أشوف أبوك وش يبغى .و قفلت .
.
.
.
في بيت ابو احمد .
ابو احمد : هاا وديت سياره بنت لهم .
احمد : ايه .
ام احمد : حلو انك جيت يالله ابغى السوق ابغى أغراض.
احمد : وين العيال .
ام احمد : العيال أبوك رسلهم يجيبون  ذبيحة و يودنها للمطعم .
احمد : طيب أنا انتظرك في السياره . و وراحوا للسوق و جابت أغراض كثيره و منه بخور و حلا و ثلاجه جديده و أشياء غيرها .
احمد : يمه ماشاء الله اخذتي السوق كله .
ام احمد : أكيد راح اخذ ذي الاغراض و الله لو تعرف إني مره فرحانه ان راح نلقاهم مره ثانيه  .
احمد : عسى دوم الفرحه .
ام احمد : قول آمين إني أشوفك عريس  و أشوف عيالك .
احمد :  اللهم آمين  . بعد ما اخذوا الاغراض رجعوا للبيت .
مصعب : ما شاء الله احنا عندنا عرس ولا شيء .
احمد : بدال ما توقف تعال و ساعدني .
مصعب : طيب . و دخلوا الاغراض .
رغد : ماشاء الله وش ذي الاغراض كلها .
بدور : يمه وش كل هذا .
شروق : تعالوا و رتبوا الاغراض معي .
ام احمد : هذا كله عشان جيرانا و هذا قليل في حقكم .
ابو احمد : ان شاء الله انك ما نسيتي شيء .
ام احمد : لا كله موجود .
ابو احمد : حلو إلا الساعه كم ؟؟.
عبدالإله : الساعه ٤:٣٧ .
ام احمد : يالله بنات خلونا نرتب غرفة الحريم .
شروق : توني رتبتها .
ام احمد : اجل شبو فحم .
رغد : اللحين . و بعد فتره  أذن المغرب و هنا البنآت بدأو يجهزون أنفسهم .
بدور : بنت بسرعه ابغى الاستشوار .
رغد : دقيقه شوي و أعطيك .
شروق : بنات كيّف الايلاينر .
بدور : حلو بس هذا انحف من هذا .
رغد : مستحيل تقدرين تسوينه زيها .
بدور : انتي لسى تقولين لازم اليوم اسألها كيف تسويه .
شروق : خيررر عيب ترى  .
رغد : لا بس ماشاء الله اترسم ايلاينر حلو .
شروق : برضو عيب و اللحين كيف .
بدور : كذا حلو .
.
.
.
في بيت ابو عمر
غاده : ديمه اثبتي في محلك خليني اسوي لك شعرك زين .
ديمه : أوكيه بس لا تحرقيني .
فجر : بنات كيف الفستان؟؟.
ريم : حلو .
فجر : طيب هذا الكعب حلو  معه .
غاده : ايه .
ريم : ديمه .
ديمه : هلا .
ريم : تدرين ان شعرك حلو كذا .
ديمه : مافهمت .
ريم : اقصد انه حلو يكون مستشور .
ديمه : هو حلو بس مالي حيل كل يوم استشور شعري .
غاده : يالله قومي وجع كسرتي ظهري .
ديمه : وأنتي كمان حرقتي فروت شعري .
ام عمر : بنات سويتو الحلا .
غاده : ايه .
ام عمر : زين يالله خفو يدكم .
فجر : اللحين .
.
و مر الوقت و خلصوا البنات و لبسوا العبايه و توزعوا على السيارات و وصلوا لبيت ابو احمد و كان ابو احمد في استقبالهم .
.
ابو احمد : يا هلا يا هلا منورين والله . و دخلوا الحريم من جهة الحريم .
ابو عمر : النور نوركم .
ابو احمد وهو يأشر لي احمد يضيف ابو عمر .
احمد بيده الفنجان : سم عمي .
ابو عمر : سم الله عدوك .
احمد : تفضل عمر .
عمر : شكرأ .و كمل على الباقي .
ابو عمر : كيفكم يا عيال .
مصعب : بخير الحمدلله .
ابو عمر : كيف أشغالكم .
احمد : والله لسى ندرس .
مشاري : ماشاء الله  في اي تخصص .
احمد : طب .
عمر : ماشاء الله .
و فجاء صار شيء مو في الحسبان .
.
.
.
الكاتبه : ايش صار معهم راح تعرفون في البارت الجاي 🥺😇.