يا حب حياتي

البارت ٨

البارت ٨
و مر يوم  و ما بقي على العيد غير ثلاث أيام و الكل كان مشتط .
ام سلطان : يالله قوموا بنات شوفو وش ناقص .
لجين : ان شالله .
ام عمر : إلا كم باقي على العيد .
ام حاتم : ثلاث أيام .
ام سلطان : اجل لازم اروح الحراج .
ام حاتم : و ليه ؟؟.
ام سلطان : لازم أغير مجلس الحريم .
ام عمر : و ليه انتي ودك تغيرينها  .
ام سلطان : ايه غيرت الكنب باقي السجادة .
ام حاتم : اللحين راح تقلي الحراج زحمه .
ام سلطان : معليه . و دقت على ابو سلطان .
ابو سلطان : هلا .
ام سلطان : اسمع ابغى أغيّر السجاد حق غرفة الحريم .
ابو سلطان : و متى تبغين تروحين  للحراج ؟؟.
ام سلطان : بكره احسن .
ابو سلطان : اجل بعد الفطور .
ام سلطان : و ايه ترى البنات يبغون المشغل .
ابو سلطان : و ايه و ليه ان شالله .
ام سلطان : عاد تعرف البنات لازم يروحون المشغل .
ابو سلطان : ايه خير ان شالله . و قفل ابو سلطان .
ندى : يمه ابوي وش قال راح يودينا  .
ام سلطان : ايه راح يوديكم  بكره بعد الفطور .
.
و قامت ندى عند البنات في الغرفه الثانيه .
.
.
في غرفة البنات .
ندى : بنات بكره راح نروح المشغل .
غاده : حلو راح اقص غرتي .
أسيل : وأنا كمان راح اقص شعري .
ريم : أما أنا راح اقص مدرجات و اصبغ بني كستنائي .
لجين : وأنتي ديمه راح تغيري شيء في شعرك .
ديمه : مدري يمكن .
غاده : وش رأيك تصبغين خصل شعرك .
ديمه : طيب أي لون .
غاده : رمادي على اشقر و تقصين مدرجات راح تطلع عليك حلو مره .
ديمه : بس أنا ما في عمري سويت كذا .
لمى : عادي حلو التغير .
ندى : اجل حتى أنا راح اصبغ .
أسيل : و أنا كمان .
لجين : أنا يمكن اقص شوي منه .
لمى : اجل الكل راح يسوي تغير .
فجر : طيب وأنتي كمان غيري .
لمى : برأيك احتاج .
ريم : عادي غيري شوي من شكلك .
لمى : أجل حتى أنا .
ندى : بنات اللحين وش راح تأخذون للعيد .
أسيل : أنا راح اخذ ثلاث فساتين و كمان كعب .
ودخلت عليهم ام سلطان .
ام سلطان : يالله بنات قوموا سوو السحور .
و قاموا البنات يسوون السحور .
.
.
.
في الدمام .
رغد : ماما .
ام احمد : هممم .
رغد : وش رأيك ننقش حنا على العيد .
ام احمد : تمام .
بدور : ماما .
ام احمد : هلا .
بدور : ليه ما نروح  المشغل ابغى اشقر حواجبي .
ام احمد : أشوف أبوكم . و دخل ابو احمد و معه العيال .
ابو احمد : هاا وين القهوه .
شروق : اللحين اجبيه . وقامت تجيب القهوه .
ام احمد : ترى بناتك يبغون المشغل .
ابو احمد : خلاص بكره واحد من العيال يودهم .
و رجعت شروق و معها القهوه .
شروق و بيدها الفنجان : سم يبه .
ابو احمد : يارب أشوفك عروس .
ام احمد : اللهم آمين .
شروق : لا ما ابغى أتزوج ابغى اجلس اخدمكم .
ابو احمد : والله إذا جاء نصيبك ماراح اقول لا .
بدور : يعني إذا جاء  نصيب وحده فينا تزوجها .
ابو احمد : أكيد .
عبدالإله : ما شاء الله أشوفك متحمسه .
بدور : مين قال .
عبدالإله : محد قال بس وجهك قال .
مصعب : خلاص خليها .
عبدالإله : راح اخليها بس خلني اسمعها تتكلم عن ذا الموضوع .
احمد : بس خلاص .
ام احمد : بالله بنات قوموا سوا السحور .
البنات : ان شاء الله .
وقاموا البنات يسوون السحور و بعد ما جهزوا السحور و رجعوا البنات و بيديهم الأكل .
ام احمد : حطي العصير بجنب عبدالإله .
عبدالإله : ليه عشان اصب لكم .
ام احمد : ايه عندك مانع مثلأ .
عبدالإله : لا .
مصعب : صب لي عصير .
عبدالإله : يعني بدأنا .
احمد : صب ولا يكثر بس .
ابو احمد : وبعدين معكم .
شروق : سم يبه . وهي بيدها اللبن .
و أكلوا و بعد ما خلصوا و جلسوا البنات مع العيال .
.
.
.
في اليوم الثاني على آذن العصر الكل كان مشغول .
ام سلطان : لجين سويتي ورق العنب .
لجين : لسى .
ام سلطان : وين البنات .
لجين : ينظفون الغرف اللي فوق .
ام حاتم : اجل خليني أناديهم. و قامت ام حاتم .
لجين : يالله فجر خلينا نشوف المطبخ .
ام حاتم : بنات يالله انزلوا ساعدوا البنات تحت ولا مراح تروحون للمشغل بعدين .
ندى : يالله بنات . و نزلوا البنات للمطبخ .
لجين : حلو اجل ريم  و اسيل روحوا  نظفوا جهة الرجال .
ريم : طيب العيال و أعمامي فيه .
لجين : لا مافيه احد . و راحوا البنات جهة الرجال و البنات توزعوا على البيت .
ام عمر : ايه راح تروحين الحراج .
ام سلطان : ايه بعد الفطور .
ام عمر : اجل راح أروح معكم منه اشوف معك و منه أتمشى .
ام حاتم : امًا أنا راح اروح مع البنات .
لجين : يمه .
ام سلطان : هلا .
لجين : لازم نشوف حل مع التسريب حق البلاعه حق المطبخ .
ام سلطان : الله يذكرك بالشهاده اللحين ادق على أبوك و أقوله .
و رجعت لجين للمطبخ .
.
.
في جهة الرجال .
ريم : أنا انظف المشب و انتي المجلس .
أسيل : تمام . و راحت للمشب و بدأو ينظفون و دخل متعب للمشب .
متعب : احم اسف ماكنت ادري انك هنا . و هو معطيها ظهره .
أسيل : لا أنا اسفه ماكنت ادري انك راح تجي راح اطلع  .
متعب : لا تطلعين كنت ابغى المحفظه و الجوال .
أسيل : أمم تمام راح أعطيك بس وينها ؟؟.
متعب : راح تلقنها على الطواله تحت التلفزيون .
أسيل : اجل ثواني . و لقيت المحفظه و الجوال .
متعب : أمم شكراً .
أسيل : عفواً .
متعب : أسيل .
أسيل : لبيه .
متعب : آمم كيف يدك اللحين ان شاء الله ما تالمك .
أسيل : لا الحمدلله احسن .
متعب في نفسه  : الحمدلله . و طلع و رجعت أسيل و كملت تنظيف المشب .
ريم : بنت خلصتي ؟؟.
أسيل : ايه باقي نبخر المكان .
ريم : تمام اللحين اجيب البخور . و دخلت تجيب البخور و رجعت و دخل غيث للحمام و ماكنت تدري و خرج و صدم فيها بيدها البخور بس الحمدلله ما انكب عليها ولا عليه .
غيث بخوف : انتي بخير صارلك شيء .
ريم : لا أنا بخير انت بخير .
غيث : معليك مني أكيد انتي بخير .
ريم : ايه بخير .
غيث : ثاني مره شوفي قدامك .
ريم : انت اللحين تهاوشني  ولا خايف علي .
غيث : كلهم .
ريم : حلوه ذي . و كانت راح تروح بس معنها غيث .
غيث : انتبهي ثاني مره و شوفي قدامك .
ريم : ان شالله تأمر بشي ثاني .
غيث : أنا منجد أتكلم .
ريم : طيب راح انتبه . و راحت تبخر المجلس و المشب و طلع غيث .
.
.
.
في الدمام .
ام احمد : يالله بنات حطوا الفطور .
شروق : ان شالله يالله بنات خفوا يدكم .
رغد : طيب طيب .
بدور : رغد جيبي معك القشطه .
رغد : طيب . و راحت تجيب القشطه.
ام احمد : ايه بنات بعدين راح تجي النقاشه .
شروق : تمام .
رغد : امسكي هذي القشطه . و بدأو يأكلون و بعد ما خلصوا و راحوا الرجال للمسجد يصلون المغرب .
ام احمد : يالله بنات . و دق جرس الباب و دخلت الحرمه .
ام ريناد : كيف تبغين انقش لك .
شروق : زي كذا .
ورتها الصوره و بدأت تسوي لها .
رغد : الله ابغى اسوي زيك .
بدور : و أنا كمان . بعد ما خلصت شروق بدأت في رغد و بعدها بدور و كانت أمها آخر شيء و حنت رجولها و حاسبتها و طلعت الحرمه و رجعوا العيال و ابو احمد و دخلوا عند البنات .
ابو احمد : يا ماشالله تبارك الرحمن .
رغد : كيف حلو .
ابو احمد : ايه حلو .
ام احمد : ايه البنات يبغون يروحون السوق .
ابو احمد : تمام .
و بعد يوم طويل و غسلوا الحناء و طلع حلو .
.
.
.
الكاتبه : كيف راح يطلع شكل البنات بعد تغير اللوك الجديد راح تعرفون البارت الجاي ☺️🥺.