يا حب حياتي

البارت ١٩

البارت ١٩
ابو عمر : اللحين لازم نستأذن .
ابو احمد : طيب تقهوي معناً .
ابو عمر : لا خليها المره الجايه .
ابو احمد : اللي يرضيك .
و راحوا للبيت و دخل عند اخته و زوجته .
ابو احمد : الحمدلله إنهم بخير .
ام طارق : عرفت مين كان يلحقهم .
ابو احمد : ايه اخوك ما غيره.
ام طارق : والله كنت متوقعه .
ام احمد : الحمدلله انها مرت على خير .
ام طارق : ايه الحمدلله .
ابو احمد : بس مراح اخليها تمر كذا لازم اسوي شيء .
ام احمد : لا تسوي شيء اخاف يسوون لك شيء .
ابو احمد : لا تخافين مراح يسوون شيء .
.
.
.
في جهة الثانيه .
طارق : الحمدلله مرت على خير .
مصعب : ايه الحمدلله .
عبدالإله : بس ما شاء الله عليها شاطره في السواقه .
مصعب : ايه ما شاء الله عليها . و هنا بدأ احمد زي اللي يحس بغيره عليها .
احمد بعصبيه خفيفه : مو عيب تتكلمين عليها .
مصعب : ما نقول غير انها شاطره .
احمد : برضوا عيب غيروا الموضوع .
عبدالإله : بس مين كان اللي يطردهم .
طارق : يوسف و اخوانه .
مصعب : تقصد عيال  عمي .
طارق : ايه .
عبدالإله : انت تعرفهم ؟؟.
طارق : مع الأسف ايه .
مصعب : ليه من نروح نشتكي .
احمد : ابوي رفض .
طارق : ليه ؟؟.
احمد : قال عشان ما يرجعون و يسوونه .
.
.
و مرت ألأيام و جاءت الإجازة و البنات محبوسين في البيت .
.
.
في بيت ابو عمر .
ريم : يمه تكفين كلمي ابوي .
ام عمر : لا .
ريم : يمه بليزز .
ام عمر : قلت لا ما تذكرين آخر مره وش صار فيكم .
فجر : يمه تكفين .
و بعد اصرار البنات عليها راحت تكلمه .
ابو عمر بعصبيه : لا يعني لا مافيه طلعه .
ام عمر : يا علي صار لهم  اسبوع جالسين في البيت خليهم يطلعون .
ابو عمر : وإذا صار لهم شيء وش راح استفيد أنا ؟؟.
ام عمر : مراح يصير لهم شيء و بعدين ما شاء الله عليها ديمه عرفت تتصرف في ذلك اليوم .
و بعد اصرار ام عمر على زوجه راضي انه البنات يطلعون .
ابو عمر : بس ما يطولون .
ام عمر و هي تخذ المفتاح: طيب راح أقولهم  . و راحت عند البنات .
.
.
عند البنات .
ريم : برأيكم ابوي راح يوافق أنا نطلع .
فجر : ما أتوقع .
غاده : ان شاء الله يوافق والله طفش في البيت .
ديمه : أنا عن نفسي حابه البيت .
غاده : من يوم يومك تحبين البيت . و دخلت عليهم ام عمر .
ريم : هاا وش قال . و  رمت المفتاح على   ديمه بمعني انه راضي  إنهم يطلعون  وهنا البنات فرحوا و قاموا يتجهزون .
ام عمر : بس لا تطولون .
فجر : معليك مراح نطول .
غاده : ديمه دقي على جمانه .
ديمه : طيب . ودقت عليها .
جمانه : اجل نتقبل هناك .
ديمه : تمام .
ريم : بنات محد منكم شاف البرقع حقي .
فجر : امسكي .
و طلعوا و وصلوا للمول و قابلوا جمانه و اختها جنان .
جمانه : اخيرا .
ريم : ايه والله اخيراً .
جنان : وش رأيكم ناكل بعدها ندخل الفلم .
فجر : تمام . و راحوا قسم المطاعم  .
غاده : تمام أنا طلبت .
ديمه : وأنا كمان .
جمانه : حلو باقي أنا . و قامت تطلب أكله و كان بجنبها امجد و هو يأخذ الطلب حقه بلغط كب عليها العصير .
امجد : أنا مره مره اسف ما شوفتك .
جمانه بعصبية: انت ما تشوف كيف اسف .
امجد : قلت معليش .
جمانه : و معليش هذي وين اصرفه ؟؟. و جاءت ديمه عندها .
ديمه : اشبك ؟؟.
جمانه : شوفي كيف كب علي العصير .
امجد : قلت لك إني ما اقصد .
ديمه : خلاص حصل خير .
جمانه : احمد ربك إني معي عبايه جديده ولا كنت دفعت حقها .
امجد بمزح : ليه كم مثلاً .
جمانه : ٥٠٠ .
ديمه بصدمه : تمزحين ؟؟.
جمانه : لا والله .
امجد : كم كم ؟؟.
جمانه : ٥٠٠ . و جاء احمد .
احمد : معليش احنا اسفين .
ديمه : هذا انت .
احمد : انتي .
ديمه : لا يكون جالس تلحقني ؟؟.
احمد : ليه ان شاء الله لا تكوني مشهورة ولا احد مهم .
ديمه : اجل وش تسوي هنا .
احمد : مالك شغل أتوقع .
جمانه : ديمه يالله خلينا نروح الحمام . و راحوا الحمام و غيرت ملابسها و عبايتها ددم و طلعوا عند البنات .
غاده : وين اكلك ؟؟.
جمانه : خلاص انسدت نفسي .
غاده : اللي راضيك . و راحوا لسينما .
جمانه : جنان روحي اشتري لنا فشار و عصير  .
جنان : تمام . و طلعت تشتري الفشار و العصير بس طلع مره كثير عليها و معرفت تشله كله و شافها مصعب .
مصعب : تحتاجين مساعده.
جنان : ايه إذا معليك امر .
مصعب : تمام . و شال معها دخلوا الصاله و عطت البنات أشيائهم .
جنان : مره شكراً .
مصعب : العفو .
و راح جلس بجنب طارق .
عبدالإله : وين الفشار ؟؟.
مصعب : يووو نسيته .
طارق : خلاص أنا اشتريه .
عبدالإله : وأنا جاي معك . و راحوا يشترون الفشار و رجعوا و بعد ما خلص الفليم و رجعوا البنات على البيت .
.
.
.
في بيت ابو احمد
عبدالإله : انت نسيت الفشار ولا في احد نساك .
مصعب : هاا تكلمني .
عبدالإله : اجل اكلم مين مثلاً .
مصعب : وش رأيك تشوف احد غيري تشغله .
عبدالإله : ايه اهرب راح اعرف بعدين مين شغل عقلك .
احمد : إلا بسألك طارق  .
طارق : هلا .
احمد : عيال خالك وين نلقاهم ؟؟.
امجد : وش تبغى تسوي .
احمد : ابد لازم نرجع السلام لهم .
امجد : وش راح تسوي ؟؟.
احمد : راح تعرف بعدين و اللحين وين راح نلقاهم .
طارق : اللي راح تسويه راح اكون معك أنا من زمان ودي ارجع حقي منهم .
احمد : تم يالله قول . و قال طارق وين راح يلقون يوسف و اخوانه .
امجد : اجل مراح تروح لوحدك .
احمد : اجل خليكم جاهزين .
امجد : يالله عاد لازم أستاذن منكم .
احمد : على وين .
امجد : برأيك على وين ؟؟.
احمد : طيب خليك شوي .
امجد :شوف الساعه كم لازم اروح .
احمد : اللي يراضيك . و راح امجد و هنا طلعوا العيال للحوش .
احمد : إلا طارق .
طارق : هلا .
احمد : شفت معك عود .
طارق : ايه معي .
احمد : اجل جيبه خلينا نسمع أغنية .  وراح طارق جاب العود .
طارق هو ماسك العود : وش الاغنيه .
احمد : عبادي الجوهر .
طارق : اي أغنية ؟؟.
احمد هو يناظر بقمر : قالوا ترى . و بدأ طارق يعزف و يغني و طار احمد بأحلام .
مصعب بهمس : اقص يدي من هنا إذا هو ما يفكر فيها .
عبدالإله : كانك تدري وش راح اقول .
احمد : ترى أسمعكم .
مصعب : لا يكون اللي في بالي صح .
احمد : وش هو  ؟؟.
عبدالإله : انك عاشق.
احمد : اقول قوموا من قدامي .
مصعب : ايه اللحين اهرب بس راح نعرف بعدين . و كان طارق يضحك عليهم .
مصعب : طارق شال هذا عندي .
طارق : خلاص احمد هو في وجهي .
احمد : عشانك بس ولا كان ورته شغله .
طارق : خلاص مراح يسوي لك شيء .
.
.
مرت الأيام و جاء اليوم اللي يستقبل ابو عمر ضيوفه .
.
.
في بيت ابو عمر .
ابو عمر بصوت عالي : وين البخور ؟؟.
ام عمر : اللحين نبخر معليك .
ابو عمر : جيب يا مشاري كراتين مويه .
ام عمر : ايه و توني قلت للبنات يحطونه في الثلاجه .
ابو عمر : في شيء ناقص.
ام عمر : لا . و راح ابو عمر للمجلس .
فجر : يمه كم باقي لهم .
ام عمر : ان قصد عمك اللحين هم في القصيم اما خالتك أحلام اللحين راح يوصلون . و فعلاً دق الباب .
.
.
في الجهة الثانيه .
ابو عمر : يأهلا يأهلا منورين الرياض .
ابو حاتم هو نازل من السياره : أهلين فيك .
ابو عمر : يالله ساعدوا العيال بشنط .
.
.
.
الكاتبه : راح تعرفون وش راح يصار معهم في البارت الجاي 🤗😁.