يا حب حياتي

البارت ١٤

البارت ١٤
في الورشه .
و نزلت من السياره .
ديمه : واللحين راح تدفع ولا ايش .
غاده : يا ابن الناس ادفع و ريح نفسك ترها مجنونه و تسوي اللي برأسها .
امجد : ادفع و خلصنا .
احمد : تمام راح ادفع .
ديمه : ايه خليك عاقل و اسمع الكلام  .
احمد : اقول احترمي نفسك .
ديمه : ومين انت عشان أصير محترمه معه. 
احمد : لا عاد كذا صرتي  قليلة أدب .
ديمه : عفوا و مين انت أصلاً. 
احمد  : يا رب صبّرني والله لو ما كنتي بنت لا كان شغلي معك ثاني   .
ديمه : عفواً عفواً وليه وش راح تسوي ؟؟؟.
احمد  : استغفرالله بس خلاص يا بنت الناس راح ادفع .
غاده : بنت ديمه خلاص الادمي راح يدفع لا تزوديها .
ديمه : ما تشوفين هو وش سوي .
فجر : بنات ترى طولنا واحنا هنا .
جمانه : ايه مره ترى .
ريم : الله يستر ما ابوي يدري و نروح فيها .
ديمه : اوووف نسيت عمي هو اللي اشترى السياره و أكيد اللحين جاته رساله .
غاده : خلاص رحنا فيها كله من تحت رأسك .
ديمه : وأنا ايش سويت هو السبب اعمى ما يشوف .
احمد : هااا رجعنا على الغلط .
ديمه : ايه كله من تحت رأسك .
غاده : ديمه خلاص معليش يا أخ .
عبدالإله : احمد خلاص . و دق جوال فجر .
فجر : ايوه هذا اللي ناقص .
ديمه : لا تقولين عمي .
فجر بهز راس بمعنى ايه .
جنان : اجل لا تردي .
جمانه : ياسلام عشان بعدين نلقاه عند الباب صح . و ردت على الجوال .
ابو عمر بخوف : إنتوا بخير صار لكم شيء .
فجر : لا الحمدلله الكل بخير .
ابو عمر : الحمدلله طيب إنتوا وين اللحين .
فجر : احنا . و البنات يأشرون بانها ما تقوله .
ريم : راح تقول اعرفها .
فجر : احنا اللحين في الورشه .
ابو عمر : اجل اللحين راح أجيكم .
فجر : تمام . و قفل ابو عمر .
غاده : لا تقولين انه راح يجي .
فجر بهز راس بمعنى ايه .
ريم : كنت عارفه .
غاده : اجل نستنى عمي . و بعد نص ساعه جاء ابو عمر و معه العيال .
ابو عمر : السلام عليكم .
العيال : و عليكم السلام.
ابو عمر : امجد .
امجد  : أهلين عم علي .
مشاري : لا تقول انت اللي صدمت البنات .
امجد : لا والله .
عمر : اجل مين .
امجد : صاحبي احمد . و جاء احمد يسلم على ابو عمر و العيال و قالهم بالسالفه و ايش صار .
ابو عمر : معليه في الحديد و لا فيكم .
احمد : وأنا جاهز ادفع كل تكاليف السياره و أوصلها الي بيتكم .
ابو عمر : لا ما ابغى أتعبك دامها صدمه خفيفه .
احمد : أنا الغلطان . وهنا انصدمت ديمه .
ديمه بهمس : هذا مو قبل شوي يقول انا الغلطانه .
غاده بهمس : ديمه خلاص اسكتي اللحين يجون . و بعد اصرار احمد على ابو عمر  وافق انه يتكلف بتصليح السيارة و بعد يوم طويل و تعب و صلوا البيت .
.
.
.
في المدينه .
سلطان : كنت عارف انها راح تسوي كذا .
ابو سلطان : بدال ما تقول الحمدلله في الحديد مو فيها .
سلطان : الحمدلله بس يبه إذا من أوله كذا فكيف بعدين .
ابو سلطان : اقول قصر صوتك اللحين تسمعنا أمك .
و دخلت عليهم ام سلطان .
ام سلطان : أشبكم ؟؟.
أبراهيم : ما فينا شيء .
ام سلطان : ترى ما تعرف تكذب .
ابو سلطان : إسمعي أنا راح أقولك بس لا تخافي .
ام سلطان : قول لا تخوفني .
ابو سلطان : البنات .
ام سلطان بخوف : أشبهم صار لهم شي .
ابو سلطان : لا هم بخير الحمدلله بس صدمتهم سياره .
ام سلطان بخوف : أكيد هم بخير .
ابو سلطان : والله هم بخير و دقي عليهم . و دقت عليهم سناب فيديو .
غاده: والله العظيم احنا بخير .
ديمه : يمه لا تخافين احنا بخير .
ام سلطان : الحمدلله في الحديد ولا فيكم ثاني مره انتبهي يا بنتي .
ديمه : بس مو أنا اللي صدمت فيه هو اللي صدم فيني  .
ام سلطان : الحمدلله اللحين لازم تطلعين صدقه .
ديمه : ان شالله .
ام سلطان : الحمدلله تطمنت عليكم .
غاده : لا تخافين علينا عمي مو مقصر معناً .
ام سلطان : ديمه حاولي انك ما تسوين مشاكل .
ديمه : طيب معليك مراح اسوي مشاكل .
ام سلطان : غاده انتبهي لها اعرفها زين ماتعرف تجلس عاقله .
غاده : تمام معليك راح انتبه لها . و بعد ما تطمنت عليهم قفلت .
ابو سلطان : هاا تطمنتي عليهم .
ام سلطان : ايه الحمدلله بس من صدمهم ؟؟.
ابو سلطان : مدري ما سألت علي .
مشعل : يمه .
ام سلطان : لا تقول انك جيعان .
مشعل : ايه .
عبدالرحمن : انت ما تشبع قبل شوي أكلت .
مشعل : ايه طيب جعت اللحين .
لجين : خلاص اللحين اقوم اجيب لك أكل .
مشعل : أنا بدونك ولا شيء .
و قامت لجين تجيب أكل لمشعل .
.
.
.
في الرياض .
في بيت ابو احمد .
ام احمد : يعني صدمت بنت الناس وين كانت عيونك .
احمد : والله بالغلط .
ابو احمد : الحمدلله إنكم و هم بخير .
احمد :ايه  يبه  باسألك تعرف علي الحلوي .
ابو احمد : ايه كنا جيران و كمان ندرس في نفس المدرسه و كنا انا و محمد في نفس الفصل اما علي و حازم  كانوا في آخر سنه في الثانوي .
عبدالإله : لا كذا  يبه لازم تحكي لنا القصة .
ابو احمد : كنا زمان من سكان  الدمام بس بحكم عمل جدكم نقلنا على المدينه هذا قبل ما اعرف أمكم وقتها كان عمري ١٣ و كنت ادرس في المتوسط بس كملت في المدينه و ما كنت  اعرف احد و جاء محمد و تعرفت عليه و بعده تعرفت على علي و حازم  و صرنا اصحاب و جيران .
رغد : ايه بعدها .
ابو احمد : و بعد ما تخرجت من الثانوي قدمت على العسكريه و بعد الدوره تزوجت أمك و سكنت بجنب محمد .
شروق : يعني امي تعرفينهم .
ام احمد : اييه كانت أيام ايه اعرفهم و كانت إذا كنت نفاس تجي عندي حنان  و تهتم فيني و لا أنا اروح لها .
بدور : لحظه يعني كنتوا صحبات .
ام احمد : ايه و أتذكر ان عندها  ماشالله أربع عيال و  خمس بنات و كانت البنت الاخيره لسى صغيره مره .
ابو احمد : ايه كمان أتذكر عندهم بنت ماشاء الله عليها شقيه و كان تتضارب معك يا احمد .
احمد : مين أنا بس ما أتذكرها .
ام احمد : بس ماشاء الله كان عليها جمال و كمان انت يا عبدالإله تحب وحده منهم .
عبدالإله : مين أنا .
ام احمد : ايه و اسمها غاده و الثانيه ديمه . هنا انصدموا البنات .
بدور : يمه لحظه وش قالت اسمهم .
ام احمد : غاده و ديمه .
رغد : يمه أوصفي شكلهم .
ام احمد : ديمه كان شعرها كيرلي و لونه اسود و لون عيونها عسلي و غاده شعرها طويل و كمان لونه اسود عيونها كعيون ألمها ليه أشبكم .
شروق : لا تقولين لين ما نتأكد .
ام احمد : أشبكم ؟؟؟.
رغد : يمه نعرفهم و شفناهم كمان .
ام احمد : وين ؟؟.
شروق : في الجامعه .
ابو احمد بضحك : شاء لنا القدر نرجع نلقى .
ام احمد : اجل لازم نعزمهم عندنا .
ابو احمد : ايه ما قلت لنا وين لقيتوه.
احمد : في البنشري وايه طلع يعرف امجد  .
ابو احمد : طيب أعطاك رقمه .
احمد : ايه .
ابو احمد : اجل عطيني رقمه . و عطاه رقم ابو عمر و دق عليه .
.
.
.
في بيت ابو عمر  .
ابو عمر بإستغراب : و عليكم السلام بخير بس مين معي .
ابو احمد : معك عبدالله الصبياني .
ابو عمر : يوووو وين يا ولد وين الناس .
ابو احمد : والله أنشغلت في الدنيا .
ابو عمر : يا القاطع ولا تسأل ولا تزور ولاشيء اختفيت فجاة .
ابو احمد : عاد تعرف المشكله اللي صارت بيني و بين ابوي و كمان ترقيت هنا في الرياض بعد استقريت هنا .
ابو عمر : ايه قالي محمد وش صار بينكم بس معليه الإ كيف جبت رقمي ؟؟.
ابو احمد : من ولدي احمد اللي صدم بنتك .
ابو عمر : ايه طلع ولدك لا مو بنتي بنت محمد ديمه إذا تذكرها .
ابو احمد : ما شاء الله طلعت بنت محمد و كبروا العيال .
ابو عمر : وانت الصادق كبر همهم .
ابو احمد : عاد حاب أعزمكم و لازم تجوون.
ابو عمر : ان شاء الله بس متى .
ابو احمد : بكره .
ابو عمر : اجل تم بكره بإذن الله احنا عندكم .
ابو احمد : واحنا في أنتظاركم . و قفل ابو احمد .
و دخلت ام عمر .
ام عمر : عسى دوم الضحكه ذي بس ما قلت لي مين كنت تكلم ؟؟.
ابو عمر : هذا عبدالله الصبياني كان جارنا و درسنا في نفس المدرسة و بعد ما تخرجنا أنا و هو قدمنا على العسكريه . و دخلوا البنات و كانوا حاطين الطرحة على رأسهم عشان كان العيال جالسين معهم .
ريم : تعالوا اجلسوا ابوي جلس يقولنا قصة .
غاده : الله . و جلسوا بجنب البنات .
متعب : طيب يبه وش صار بعدها.
ابو عمر : و بعدها هو تزوج و سكن بجنب محمد و خلف عياله بس صارت معه مشكله بينه و بين أبوه و سافر و بعدها ما عاد سمعت عنه شيء .
ام عمر : شاء القدر تتلقون مره ثانيه .
ابو عمر : ايه ترى بكره معزومين عندهم .
ام علي : ايه قلت لعمر .
ابو عمر : ايه قلت له .
.
و قاموا البنات للغرفه الثانيه .
.
.
عند البنات .
ريم : سبحان الله شوفتوا كيف طلعوا اهلنا يعرفون بعض .
فجر : ايه سبحان الله .
ديمه : بس أنا ما أتذكر اي شيء .
غاده : ايه أتذكر واحد  كان يدافع عني لما العيال يشدون شعري و يسوون أشياء  عشان يسكتني .
ريم : اممم يدافع عنك لا يكون حب الطفوله .
ديمه : ايييه تذكرت كنت أتضارب مع واحد كان دايماً يقولي ان الكره مو للبنات .
ريم : مافهمت .
ديمه : زمان ما كنت احب العب مع البنات فكنت العب مع العيال فهو كان يقولي ما ينفع بنت تلعب معهم .
فجر : تخيلي طلع هو .
ديمه : لا ان شاء الله .
ريم : ايه بكره وش راح تلبسون .
ديمه : أنا عن نفسي ما اروح .
فجر : مع نفسك راح تروحين .
ديمه : والله مالي نفس اروح .
ريم : راح تروحين مو بكيفك .
غاده : مدري بس اللحين اشوف .
ريم : اجل حتى أنا اقوم أجهز أغراضي .
و قاموا البنات يشوفون وش راح يلبسون بكره .
.
.
.
الكاتبه : راح تصير احداث كثيره راح تعرفون في البارت الجاي 🥺😇.