လက်ထပ်ဖို့ လိမ္မာရေးခြားရှိမှုကို အားကိုးပြီးနောက် ချစ်မိသွားတယ် (ဘာသာပြန်)

အပိုင်း ၁၀

Unicode

လက်ထပ်ဖို့ လိမ္မာရေးခြားရှိမှုကို အားကိုးပြီးနောက် ချစ်မိသွားတယ်

အပိုင်း ၁၀

ဒါက ရန်ရန်တကယ်တွေးထားတာနဲ့ တူတယ်လို့ ပြောရမည်။ အခမ်းအနား အသေးစိတ်ကို အာရုံစိုက်ဖို့ ဒါမှမဟုတ် ဟန်ဆောင်လက်ထပ်ပွဲမှာ အသိသက်သေလုပ်ဖို့ သူငယ်ချင်းတွေကို ဖိတ်ဖို့ မလိုချေ။

ဒီအလိမ်အညာ အခိုက်အတန့်ကို မှတ်တမ်းတင်ဖို့မပြောနဲ့ ကျွမ်းရိယွင်က အစကတည်းက ဓာတ်ပုံရိုက်ရတာကို မကြိုက်ပါချေ။

ဒါပေမယ့် ရန်ရန်နဲ့ အမှန်ကို မသိတဲ့သူ့သူငယ်ချင်းကို တွေးမိလိုက်တော့ ကျန်းလီဖုန်းမြှောက်လိုက်တဲ့အချိန် သူ မတားလိုက်တော့ပေ။

ကျန်းလီရဲ့ တိုက်တွန်းချက်များအောက်တွင် သူ့လက်ကို ရန်ရန်ရဲ့ ပခုံးပေါ်တင်ကာ လက်ထပ်မှတ်ပုံတင်ရုံးအရှေ့တွင် သူနဲ့အတူ ဓာတ်ပုံရိုက်လိုက်သည်။

ကျန်းလီက ဒီဓာတ်ပုံကို ရန်ရန်ရဲ့ မိဘတွေဆီ ချက်ချင်းပို့လိုက်သည်။ ဓာတ်ပုံထဲတွင် ကျွမ်းရိယွင်က တည်ငြိမ်နေပြီး ရန်ရန်ကတော့ ညင်ညင်သာသာပြုံးနေကာ လိုက်ဖက်ညီတဲ့ စုံတွဲတစ်တွဲလိုပင်။

ကျားမကွဲပြားမှုနဲ့ ရန်ရန်ရဲ့ ဆံပင်အတုကလွဲရင် လွန်ခဲ့တဲ့ ဆယ်နှစ်ကျော်က သူတို့စိတ်ကူးထားတဲ့ အကောင်းဆုံးမြင်ကွင်းပင်။

ရန်ရန်ရဲ့ မိဘတွေက ဝမ်းသာမှုကြောင့် မျက်ရည်ကျလုနီးပါးပင်။ သူတို့က မိသားစုဂရုထဲတွင် ရန်ရန်ကို ဝိုင်းလိုက်ပြီး ကျွမ်းရိယွင်ကို ထည့်ခိုင်းလိုက်သည်။

သူတို့နှစ်ယောက်က တန်းစီပြီးလို့ အချက်အလက်တွေကို ဖြည့်နေကြသည်။ စာရွက်စာတမ်းကို စစ်ဆေးပြီး စောင့်နေတုန်းမှာ ရန်ရန်က သူ့ကို ဂရုချက်က စကားပြော မှတ်တမ်းကိုပြလိုက်ပြီး သူ့ကိုမေးလိုက်သည်။

“ကောကော ဂရုထဲဝင်ချင်လား? မဝင်ချင်လည်း ကိစ္စမရှိပါဘူး”

 
ကျွမ်းရိယွင်က သိပ်များများစားစား မပြောနေဘဲ သူ့ဖုန်းကို တိုက်ရိုက်ဖွင့်လိုက်ပြီး သူ့ကိုယ်သူ ဂရုထဲထည့်လိုက်သည်။ လူသုံးယောက်နဲ့ ဂရုအသေးလေးထဲ ကျွမ်းရိယွင် ဝင်လိုက်သည်။