الي فايته عليه صلاة ولاخاشه عليه ايصليها الروايه قاعد ( واستقم كما امرت)
# بهدلني النصيب
______________________________
صكرت من يارا برمت نبي انخش ونشوف
فرج و(صاحب سليم الي ذكرته).
فرج فطنلي جاني:خير ي عسوله وين كنتي ي عسل لنا زمان عليكي .
انا:خطاني اقلب وجكك،
فرج:تؤتؤ كنه العسل مش رايق
انا:خطاني ي كلب عدي غادي
فرج جاي مسك يدي بقوة:تعرفي تكلمت امعاكي ابطريقة كويسة لكن انتي مايمشش معاكي الكويس توا نعرف شنو انديرلك
انا:اعلي مافي خيلك اركبه
فرج:انا وياك عليها وضحك بخبث.
انا عديت او سيبته والصراحه كنت خايفه بكل منه خشيت نجري ل ماما
انا:ماما هيا كلمي ياسر
ماما:بسم الله شن فيكي ي بنت كنك ترعشي هكي
انا:لااالا مافي شي بس انحس ف روحي تعبانه نبي انروح
ماما:هيا باهي توا انكلمه
المهم جاي ياسر روح بينا كل واحد خش لداره وانا كنت خايفه ونرعش اليل كله مارقدت لين أذن الفجر صبيت توضيت اوصليت بعد سلمت تميت ندعي (اللهم سلمت أمري لك كان فيه شي شر فابعده عني وكان فيه خيرر فقربه مني) تميت تميت نقرا في سورة البقرة سبحان الله تريحت حسيت بطمأنينه وسكينه والخوف بعد عني تميت نقرا مافطنت روحي الا راقدة
__________________
في مكان ثاني
خشيت ألقيت امي تطبخ ابروحها في المطبخ تعصبت وخشيت ع نوران
انا:نوران انا شن قتلك
نوران:شن قالتلي
انا:نوران فكيني من الاستعباط شن قتلك أمي معش اتسيبها ابروحها ف المطبخ
نوران:باهي هدي روحك اوخيي وثاني حاجه ماتحقش فيا انظم ف الدار مراد كنك انت ماخشيت ساعدتها
انا:مراااااااد
مراد:كنك ي راجل اعصابك
انا:ضم دارك وانتي ي نوران خشي ساعدي امي
نوران:باهي
طلعت نوران خشت علي امي
نوران:اووفف ي ماما اولدك هضا بكلل
امي:كنه
نوران:اول ماخش ايهزب راهو بكلل
امي:اصبري لعند انجوزوه
نوران:قصدك تبي اتجوزيه الي يبيها شهد
امي:لالالا كان انموت ماني وخذتها له
نوران:رد بالك ي ماما ايحايل عليكي راه مافيها خيرر اوبارده وخبيثه من تحت لتحت راهي ماتحبنش غير طامعه ف افلوسنا
امي:باهي وانتي اتثرثري شن جابك ليا بس مش كنتي اتظمي ف دار مراد
نوران:ماالبارد قالي اطلعي ساعدي امك
امي:باهي صبيلي ع هذي انصلي الظهر وانجي
نوران:باهي ي نبع الحنان
علي خشت باتي
نوران:باااااابا لك وحشه
باتي:بسم الله اتقول امسافر راه صليت اوجيت
نوران:ما ي بابا مانقدرش ع فراقك
باتي:قولي شن تبي اختصري
نوران:نجك لي الي يفهم فيا من اول كلمه
باتي شد ضحكته:باهي قولي شن تبي
نوران:الله ايربحك ماتقول لا نبي انعدي ل صحباتي الاء او ولاء حاجات مش فهمتهن قاللي تعالي توا نقروا مع بعضن
باتي :باهي لكن انا مش فاضي توا ايشلك مراد ولا قصي
نوران:نجك لي انعني مانفقدك ي غالي
نوران عدت ل قصي
نوران: قصي حبيبي عادي اتشيلني لصاحباتي
قصي:انا مش فاضي خلي ايشيلك مراد ديما ف المزرعه مع اصحابه
نوران ابصوت واطي:ديما امسكرها ف وجي😒
قصي:شن قلتي توا؟
نوران:لااالا ماقلت شي توا انعدي انشوفه
قصي:مالا اطلعي وسكري الباب وراكي
نوران طلعت اوسكرت الباب بقوه
قصي:بشوي ي$#$&&&
عدت نوران ل مراد
نوران:مراد حبيبي😍
مراد:قولي شن تبي
نوران:الله ايربحك ماتقول لا نبيك اتشيلني لٍ صحباتي
مراد:انشيلك لكن ابشرط
نوران: قول اعيوني لك
مراد:نبيك اديريلي سندوتش مش متغدي
نوران:باهي حاضر العين هذي قبل هذ
___________________
في مكان ثاني
انا : نمشوا لخالتي خديجه امرايفة على الاء او ولاء
ماما : باهي ضمن دنيتكن او عدن
انا : ماما يعني ماتبيش اتعدي امعانا
ماما : لا لا انا تعبانة عدن انتن
انا : امي
نحكيلكن عن خالتي خديجه
خالتي خديجة كويسه او طيبه راجلها اسمه
عبد الجليل وعندهم بنتين تؤام اسمهن لميا وعليا او ولد واحد اسمه علي انقوللة اعليوة ٢٢سنه صاحب مراد طرف نقشه عل بني
لميا وعليا ١٧ سنه ايهبلن نقشهن عل البني
اعيونهن خضر عكس بعضهن الاء هادية وكيوت مش متاع مشاكل اتحب ياسر لكن من طرف واحد او تعرف انه طالب اسراء ويحبها لكن القلب او مايختار لميا طيبه لكن عصبيه وحي الي يقربها تمسح بيه الارض ديما عرايك مع البنات ف المدرسه
خلينا نرجعوا للرواية
_______________________
توضينا اوصلينا غيرنا دبشنا جاء ياسر خذانا شالنا نزلنا فتحت لمياالباب طول
حظنا بعضنا اوجت الاء تجري طبطتنا
ياسر : بسم الله اتقول امسافرات وتبن اتفارقن بعضكن
عليا : فال الله ولا فالك انعن فالك في جعلالك
سرور : امين يارب العالمين
ياسر : خلاص تدعن اتقول داير فيكن جريمة
المهم خشينا سلمنا عل خالتي
جا ياسر يبي يطلع مسكاته خالتي قالتله والله ماك طالع الا او شارب القهوى
ياسر : باهي ياخالتي
درنا قهوي و عصرية جبناها تمينا نشربوا
ياسر : خالتي وين اعليوا
خالتي : والله طالع زرده مع صحابه
ياسر : اها
ياسر : غريبة ياالاء مالكش حس بكل
لميا : هذه من يوم يومها مالها حس
ياسر : خلاص انا ماشي سلام
طلع ياسر انا رن تلفوني مابيتش انرد القيته رقم قعد كل اشوي ايرن انا صبيت طلعت للجنان رديت
الشخص : اتردي على أرقام غريبه ياحلوة
انا انصدمت
_____________________
الكاتبة : لولي
شن رايكم في الجزء
(صلو على رسول الله صلى الله عليه وسلم )
أنت تقرأ
بهدلنـِـي الـטּـصِيــب .
Tiểu Thuyết Chungروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
