الى فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة (ان احسنتم فأحسنتم لأنفسكم )
# بهدلني النصيب
قراءة ممتعة🥰
_________________
كانت ام قصي اتهدرز مع ولدها : اسمعني قصي توا انت كبرت وقريب اتخش للثلاثين وخوك يبي يجوز حتى هوا ويراجي فيك لعند ماتزوج انت خليني سلم اوليدي نخطبلك واحذف الماضي وشهد وعمايلها من البدايه مش مترحتلها
قصي : بس ياأمي اني مش امفكر نزوج توا
ام قصي : امتى ياوليدي بعد تقعد اتشيب
قصي ضحك: لا ياأمي مش الدجه هادي
ام قصي: ها مالا شنو
قصي : بس مش امفكر ياأمي مازال
ام قصي : باهي انت حاط وحده في بالك
قصي طول خطر عليه شروق وابتسم : اييي ياأمي
أم قصي: منهي
قصي : شروق
ام قصي 😨: شنوووو
قصي : ايه ياأمي شروق
ام قصي : بس انت عارف انها متزوجه وكانت حامل منه لالالالا شيلها من راسك مستحيل
قصي : اي ياأمي عارف انها مطلقه وعارف كل حاجه بس ياأمي قلبي اختارها هيا انحس ان هيا الى حتعوضني ياأمي افهمني
ام قصي : لالالا صكر ع الموضوع سلم اوليدي مالقيت الا شروق
قصي : باهي شن شفتي عنها
ام قصي : هيا بنت اكويسة ومحترمه ومشالله عليها بس هيا امطلقة مش لك
قصي : وكان امطلقه ياأمي اني عاجبتني امي ارجوك فكري فالموضوع
وطلع
قصي.... في لحظتها مشعارف بعد امي فتحت الزواج خطرت عليا هيا مشعارف بعد سألتني منهي البنت مشعارف كيف زلق لساني واخترتها هكي مشعارف حسيت انها هيا البنت إلى ممكن تفتح قلبي من جديد حسيت ان فيها شي مميز عن بنات كلهن حسيتها ان هيا شئ ينتمي ليا اني وبس حسيت ان هيا الى حتعوضني ع كل شي .
طلعت نوران من الدار لقت امها معصبه جت جنبها : كنها الحلوة زعلانه
ام قصي : قصي يبي شروق
نوران بصدمه : شنو
ام قصي : والله هذا هوا
نوران : باهي وانتي شن رديتي
ام قصي : يعني شنو نبي انرد اكيد لا
نوران : باهي ياماما شروق اكويسه وجميله وحرة ونظيفه وعسل
ام قصي :عارفه بس هيا امطلقه
نوران : وعادي هوا مقتنع ياماما نحنا نبوا انجوزها ولا هوا
ام قصي سكتت
نوران : ياماما زيدي فكري اخرا را مرات تخسري قصي ياماما باهي اصلا رضا ان يزوج
ام قصي : انشالله بس اني نبي
نوران بمقاطعه: عارفه شنو تبي اتقولي بس ياماما هوا هكي يقعد متريح وفرحان توا مثال كان خذيتله وحده أخرى هكي لايتريح معاها ويقعد طول عمره هكي ويقعدوا ديما مشاكل ياماما فكري هوا مر وشاف ياماما ولقى شروق هيا لمناسبة ليه واصلا اني كنت عارفه من نظارته ليها ياماما فكري انتي هكي اتظيعي في قصي من يدك
ام قصي خافت تنهدت : ايصير خير خليني نفكر وعدي اقري
نوران : تمام وعدت نوران الدار تقرا
___________
عند ولاء إلى كانت اتكلم في مراد وكملها مراد يستفز فيها
ولاء : مراد وربي انصكر را
مراد شاد ضحكته 🤭 : خلاص خلاص بطلنا
سكت اشوي وبعدين قال : اوباااا
ولاء : شن فيه
مراد : لالا بس حقيت بنت توا
ولاء قفلت في وجه
مراد مات ضحك 🤣: هههههه وووك الغيورة هذه
رد رن عليها قفلت رن عليها ردت
ولاء : خير كنك متصل
مراد شاد ضحكته 🙂: نبي انهدرز معاك بس
ولاء : عدي هدرز مع هذيكا اني مش فاضيه
مراد : ههههه انشالله زعلتي انبصر ياهبله تعالى ماتصكريش
ولاء : وهذه تسمى ابصاره
مراد : وووك كنك غيروة بكل انتي والله انبصر واني قاعد فالحوش اسالى حتى نوران
ولاء هدت اشويه
مراد : غيورة هذ
ولاء : مش غيروة
مراد : لا غيورة
ولاء : باهي را انصكر
مراد : هههه مش غيورة خلاص
كملوا هدرزتهم ومراد مرة مرة يستفز فيها 🤣
______________
ثاني يوم
اني كنت ف الكلية مع يارا
اني : تعالى احكيلي بالتفصيل الممل
يارا : ع شنو
اني : في سفرتكم في تركيا
يارا : يانا على جو خيال ياشروق
اني غمزتلها 😉: باهي مع عصومي
يارا : حاجة ثانيه يهبل ياناس مرات انفكر كيف خذيته اني حناطه حتي بعد يعدي ويسيبني مرات نقعد نبكي مانبيهش ايعدي بكل
اني : هههه ربي يحفظكم لبعض
يارا : امين يارب
يارا : اسمعي
اني : نعم
يارا : نحس ابروحي جيعانه عدي جيبلي حاجه ناكلها
اني : بسم الله امبدري اشوي كنا ناكلها
يارا : قلتيها انتي امبدري
اني : كنك يابت افطني اروحك راك باقيه سامنه وتاكلي واجد
يارا رمشت بعيونها🥺: خزي عليك صحبتك اني
اني : باهي تو انعدي انجيبلك
وعديت جبتلها وجيت : تفضلي
يارا اعيونها يلمعوا : شكرا هلبا عمري
اني : را تكوني حامل
يارا فنصت : كيف
اني : باقيه تاكلي واجد وانتي الفطور ماتفطريش الا فالقهوه وحبك الزايد لعصام
يارا : لالا مش هدرجه هاذي
اني : اني قلتلك انتي عدي شوفي
يارا هزت براسها وردت تاكل
_________
عند البنات فالثانويه
ولاء : اوووف يابنات مليت من القرايه
نوران : اكثر منك
سرور : قريب اتصيرلي حاله نفسية
الاء : خلاص يابنات هانت قريب انكملوا
ولاء : الجو كساد بلا شروق ويارا .
نوران: ايه صح
رن الجرس
سرور : هيا انخشوا فكنا من الابلة النكديه تو اتجي اتهزب
نوران : ايي هيا
_____________
بعد اشوي نحنا طلعنا من المحاضرة
يارا كلمت عصام
واني كلمت ياسر
بعد اشوي روحت يارا وبعدها جا ياسر وتكا ع سرور لقى مراد حياه بيده
سرور : هيا تعدني امعانا ولاء والاء
ولاء : تو انشوف اعليوا
رنت ع على وقاللها باهي روحن
ولاء : شكله مازال ماطلع من العمل قال روحن
سرور : هيا
طلعنا ونوران ركبت السيارة ومراد جو اعيونه في عين ولاء غمزلها بعد ركبت ولاء مع ياسر تعصب وغار
ولاء والاء وسرور بأصواتمتقاطعة : السلام عليكم
ياسر بخت فالمرايه جو اعيونه في الاء : وعليكم السلام
اني : وعليكم السلام
الاء تحشمت نزلتهم
ياسر : شنجو القرايه
سرور : زفت
ياسر : ههه عليش
سرور : واعرة بكل ومليت
ياسر : هههه هيا صح صعبه بس شدن حيلكن
البنات : انشالله
وصلنا نزلنا سلمن البنات ع ماما وخشن خذن توته من سرور توضينا صلينا الظهر ساعدنا ماما فالغداء
جي عزو : الغداء واتي يام
ماما : لالا اشويه وهكي ايطيب
عزو : تمام
عزو خش ع ياسر : بعدين را ملتمين فالمزرعه بيش اتجي
ياسر : تمام بعد انكمل العمل انجي
حطينا الغداء وتغدينا رفعنا السفرة غسلناها البنات طول الى النوم
اني : ماما اني ماشيه نرقد عالعصر نوضني
ماما : تمام عدي أرقدي
عديت حتى اني رقدت
___________
أنت تقرأ
بهدلنـِـي الـטּـصِيــب .
Fiksi Umumروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
