اسف جدا جدا على تاخير
الضي كل اشوي يطفى معاش فضيت نكتبها وصارن ظروف لكن ماتزعلوش درته لكم طوييل الجزء هذا هيا زيطوا 😅
.
وتوا آلى فآيـته عليـهہ آلصـلآه ولآ خآشـه عليـهہ آيـصـبي آيـﮯصـلي آلروآيـه قآعدهہ آهم حآجهہ آلصـلآه ( ولآتقل لهمـآ آوف ولآتنهرهمـآ) .
#بهہدلني آلنصـيـب.
# قرآءهہ مـمـتعهہ
_____________________
خلونا انردوا قبل اشوي
اول ماام قصي رنت ع قصي وقالتله تعال تو انتفاهموا
جا قصي من العمل
خذاته ام قصي عل جنب وقالت : اسمعني
قصي : نعم يام
ام قصي : اني قررت وفكرت زين
قصي : باهي
ام قصي : اني اموافقه
قصي حس بفرح بأس راسها : ايخليك لنا ياغالية
ام قصي : لكن بشرط
قصي : شنو
ام قصي : أدير عرسك بعد تزوج نوران
قصي : تمام اصلا اني قلت هك عشان نتهنوا عليها
ام قصي : ايي
__________________
روحت يارا من الكليه
واني مازلت قاعدة وحدي
البنات كلهن روحن الا اني وخفت لان كانوا في شباب جيت قعدت قدام الباب واني خايفه رنيت ع ياسر قالي اني في العمل رنيت ع عزو
اني : الو عزو وينك
عزو : اشويه ياشروق تو انجي
اني : باهي راني خفت اني
عزو : خليك قدام الباب اني جاي
اني : باهي ماتأخرش
صكرت والشباب قعدوا يقربوا واني خايفه قلبي خلاص
👤 : بس بس انتي ياحلوة
اني درت روحي مانسمعش فيهم
👤 : عطينا وجه بس
👤 ٢ : باهي حتى الرقم
اني تميت نبكي
وقعدوا يقربوا واني تميت نجري
وفجأة درست سيارة ونزلوا منها اثنين
وقعدوا يضربوا فيهم واني من الخوف قعدت نجري
عزو : شروق وقفي يابنت شروووق
اني بعد سمعت صوت عزو وقفت ألتفت ألقيت عزو وقصي
جا عزو حظني : خلاص اهدي اني معاك ماتخافيش
اني قعدت نبكي
*قصي
كنت مروح من الشغل رن عليا عزو
اني : الوو
عزو : قصي سيارتي طفت بيا كانك فاضي
تعالي
اني : ايي وين انت
عزو : اني في شارع #$#
اني : هيا جاي
خذيت عزو
عزو : قصي تكي ع كليه تأخرت عليها
اني بفرح : باهي
خشيت لشارع الكليه لقينا شروق تجري ووراها شباب ينابشوا
اني رقت عندي وتعصبت
درست السيارة ونزلنا وطول خذيت العيل ونركب فيه بوكسات واحد هرب وعزو عدى لشروق
اني نضرب في العيل بأعصاب : تحساب البنات لعبه عندك يافرخ اها
جي عزو ومعاه شروق
عزو يكر فيا : خلاص ياقصي العيل يموت تحت ايديك
عزو مسكني والعيل عدى يجري
صبيت ألقيت شروق تبكي كان خاطري انجي نمسح ادموعها
ركبنا في السيارة واني الطريق كله اعيوني ع المرايه
*شروق
ركبنا في السيارة
رفعت راسي ألقيت قصي ايبحت فيا من المرايه توترت نزلت اعيوني لعند ماوصلنا للحوش
خشينا جوا
عزو حظني : معليش بنتي السيارة طفت بيا هذا عليش تأخرت
اني : صار خير
______________
عند أهل سندس
اليوم خروج ام سندس من المستشفى
سليم روح للحوش ياخذ دوش ويطلع ايروح باامه كان امعاها الاب
كمل دوش طلع لقى اسراء وسندس لابسات عبايه
سليم : خير انشالله
سندس : نبوا انعدوا امعاك
سليم : لالا مافيش داعي
اسراء : الله ايربحك يا سليم خلينا انعدوا امعاك
سليم تنهد : تمام هيا قدامي
سندس بفرح : الله ايخليك لنا
وصلوا للمستشفى
خشوا لغرفه امهم
سندس واسراء خشن في حظن امهم يبكوا
سندس واسراء بأصوات متقاطعة : حمدالله ع سلامه ماما
ام سندس بوجع : ءءالله ءءءيسلمكم
سليم كان يشبح لأمه بندم
الاب : عليش جبتهن
سليم : وحلت فيهن قعدن يتباكن ويقولن نبوا انشوفوا امي
الاب : باهي هيا
سندس لبست امها العبايه وطلعوا روحوا للحوش
طبعا نحنا رنت علينا سندس وقالت ماما روحت للحوش
لبسنا وشالونا عزو وياسر عدت امعانا خالتي بس اما سرور والاء ولاء قعدن لان كان عندهن امتحان
وصلنا خشينا جوا
والشباب قعدوا برا مع سليم وسام جا هوا وأهله ع جيتنا احنا
سلمنا عليهم وماما وخالتي وام وسام قعدوا في دار مع ام سندس قعدن يهدرزوا وام وسام انسجمت امعاهم
ونحنا والبنات وخوات وسام طلعنا في صالة برا
اني : اني اسمي شروق أولى كليه وانتن
روئ :عاشت الاسامي اني اسمي روئ ثالث ثانوي
روان : واني اسمي روان ثاني ثانوي
اني : عاشت الاسامي
روى : انتي وحيدة في البنات
اني : لالا عندي اخت اصغر مني في ثالث ثانوي اندادك
روى : اهاا عليش ماجت
اني : عندها امتحان تو مرة أخرى اتعرفن عليها
المهم قعدنا انهدرزوا وجوهن حلو انسجمنا معاهن
أنت تقرأ
بهدلنـِـي الـטּـصِيــب .
Genel Kurguروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
