رجعنااالكم
الي فايته عليه صلاه ولاخاشه عليه ايصبي ايصلي اهم حاجه الصلاه
(وكآن آلله بــكل شـي عليمـآ .)
# بــهدلني آلنصـيب
#قرآءة مـمـتعه
ــــــــــــــــــــــــــــــــــــــــــــ
تسريع الاحداث
انقرت الفاتحه سندس ووسام وحددوا الفرح وكان قريب
وسرور حكت الي صار بينيها وبين موسى لعلي الي نار ولعت فيه بس ماقدرش ايدير شي لانه امواعد سرور
تما موسي الي كل مايتعالج يزيد يتعب ووصل اخر مراحل الانتشار المرض
ويوسف الي مهتم بيه وشاله لتونس لعلاج وحازن جدا ع حال صاحبه كيف ولا موسي الفرفوش ومليان طاقه ايجابيه كيف صار فيه وكيف ولا
اما اخته زهور الي كانت ماسكه روحها بالغصب عشان متخبرش هلها الي كان قايلهم موسي انه ماشي لتونس عشان يغير جوه وكانت زهور كل يوم تواصل في موسي الي بعد ماتصكر منه تقعد تبكي
اما سرور الي كانت بين صراع قلبها وعقلها بس قدرت اتخطي اشوي لمواساة علي وشروق والبنات لها بس كل ما ترقد يمر عليها شريط الي صار بيناتهم وتقعد تبكي
اما سندس الي كانت فرحتها مش عاطيتها هيا ووسام وقاعدين لاهين في الفرح ويوتوا بفرح
اما اسراء الي كانت تتعب نفسيتها من السكر والاباري بس راضيه بلي صايرلها وانه تكفير عن الذنوب الي دارتهن وكل مايوسوس عقلها ان معاش لها نصيب ان دير الحوش وتجيب اطفال كانت تبعد في هذه الافكار السلبيه بتاج الذكر لااله الاالله وحده لا شريك له له الملك وله الحمد وهو على كل شي قدير
سليم الي كلم امه وتفاهم هوا وياها ان ايدير الفرح مع فرح اخته وكلموا ام ووسام واتفقوا معاها
يعني ايديروا فرح
سندس&ووسام
مريم&سليم. في نفس اليوم
اما الاء بعد اعتراف معاش قابلت ياسر او بتحديد تتهرب منه اما
ياسر قرر يقدم بخطوة وان يبدا علاقته بلحلال ويخطبها طول بس قال بعد ما يتهني ع خواته قبل
اما ولاء ومراد الي كانوا اربعه وعشرين ساعه يتعاركوا ويردوا يكلموا بعضهم كانه ماصاير شي ويردوا نفسس الشي وهكذا
نوران وعزو الي كانت علاقتهم قويه وكانوا ثنائي جميل نوران الي كانت كل يوم اتعدي اتجيب اشوي حاجات وتجي وهكذا
وعزو الي كان يعد بالثواني امتي يجي الفرح الي كان مزال عليه اسبوع فقط
اما اني شروق الي كل مكالمه بيني وبين قصي نزيد نستكشف فيه حاجات من طبعه وكل شي ونزيد نتعلق بيه
اما يارا الي خشت لشهرها ومركبه في عصام وامه الرعبب 😂
ـــــــــــــــــــــــــــــــــــــــــــــ
عندنا نحنا الي كنا حايسن ونوتوا في فرح عزو وكانوا عندنا خالتي
اني : ماما وين حافظه الحلويات
ماما : في المطبخ
وتخش سرور ادربك وتغني
ومعاها ولاء : ياااااي
ماما: بسم الله الكريم هدن ارواحكن را الفرح مازال عليه اسبوع
سرور: وااااو ياماما مشوووقه له اتصدقي
ولاء: حتي نا مش متخيله ان عزو راجل نوران المكلوبه
اني: ههه ولانا تذكري كانوا ديما عرايك
الاء: اي سبحان الله
ع خشت ياسر: السلام عليكم
اما ولاء محوته بيش ردت السلام من الاحراج وطبست راسها من الاحراج
ياسر طول وجه نضرة ل الاء عرفها منحرجه ضحك : نعم ياخالتي قالوا تبيني
خالتي : اي نبي منك اتجيبلي حاجات
ياسر: حاضر
خالتي: يحضرلك الخير وانشالله في فرحك
سرور : خطرلها عالفرح امتي تبي تنقد وتخطب
ياسر بحت في الاء: قريب انشاللع
اني بحتت في الاء القيتها مطبسه راسها ومنحرجه وعيون ياسر عليها ابتسمت ودعيتلهم ان يكونوا من نصيب بعضهم
ياسر: ماتبوا شي اخري
ماما: سلامتك
ياسر: هيا السلام عليكم
وطلع
ولفينا الفرش كله وطلعناه برا وقعدنا انسيقوا في الحوش
وسرور وولاء ولعن المنظومه وقعدن يرقصن ويغنن
واني والاء تحمسنا معاهم
قعدنا نرقصوا
وبعدها وقفنا وقعدناانسيقوا الا هنا مازالن ماملن
اني : بلكي اطفن وتجن اتنضفن معانا
الاء: فوتيهن مش حيردن عليك تو انكملوهن اني وياك
اني: امرنا لله
ويخشوا عزو واعليوا وهنا مازالن يغنن ويعيطن ومش دريات بشي
عزو وعلي انصدموا وقعدوا يتنحنوا
وهنا ولاكان واني والاء انشيروا من غادي وهنا مش فطنات بكل
وسرور ترقي ع طاوله وتقعد اتعلي في صوتها وتغني
ولاء: اللله ع الصوت زيدي
وتعلي المنظومة
سرور وتعطيها عيطه
عزو مثل العصبيه جاهن فصل المنظومة
وعلي الي كان يتامل في سرور وميت ضحكك
عزو: شنوو العيطات هذين تحشمن ع وجوكن شيلات الدنيا بعيطاتكن
ولاء عدت هربت
اما سرور مقدرتش لانها كانت فوق الطاوله وترعش من خوف: والله نوريك ياخاينه تعدي وتسيبيني ءءء والله يا عزو هيا الي قالت عدي جيبي المنظومه انديرا جووو
وعلي ميتت ضحكككك: ووك مناظركن هههه كيف العزايز ووك بطني
سرور بحتت فيه بازدراء وقعدت اتقلد فيه : ههه اتقول عزايز
علي: اتقلدي فيا صح قبل نبي نحز عليك لكن خليك
سرور دارت روحها تبكي: والله نبصر عليك وانت ماتعرف اليصارة بكلل ماتخلينييش معاه يقتلني ترضاها عليا
علي شاد ضحكته: ايي نراضاها
سرور: والله ياعلي لما تندم عليها
علي قعد يضحك بصوت عالي ومستفز
سرور تنرفزت نزلت من الطاوله ونست عزو وقعدت تلحق في علي: صار ترضاها توضاها تمام ياعلي ومن العزوز وياوجه القطوس
وعلي يجري ويضحك
ونسوا عزو الي كان واقف وشاد ضحكته
علي عقولهم الطفوليه: لاحول ولاقوة الابالله اتقول اعيال اصغار
اني : هههه ايه
عزو : خطرها نسيت بكل
اني: شنو
عزو: ذهبلي شيرتي البنات هذين عدي جيبيلي تلفوني من الدار قصي يستني فيا برا
اني قلبي دق بعد سمعت اسمه وارتبكت : ءء باهي
وعديت جبت التلفون وطلع عزو
اما علي : اخخخ وقفي دهشتيني
سرور : ايي حتي نا
علي ع رنت التلفون وكان مراد
علي: الو
مراد: وينك ياراجل
علي: نعم
مراد: تعالي نعدوا نا ويااك ندهوروا ونتعشوا برا
علي: تم مسافه الطريق وجاي ياحبي
سرور كسرت وذنها
مراد: انراجي فيك
علي: تمام
وصكر
سرور: حبي ما حبي
علي: كنك غرتي
سرور: عليش نبي نغار سوال بس ومش نحنا اصحاب مانخبوا ع بعضنا شي
علي حب يستفزها : لالا مانقدرش انقوله هذا موضوع حساس وخطرها قولي لامي را باتي ماشي بكرا مسافر لجتماع قالك باتوا هنا
سرور: يااي سعني ولاء بايته معانا نعدي انقولها وعدت نجري
اما هوا عدي هو لمراد وقعدوا يدهوروا
علي : شن رايك نعدوا لمدسنه العاب نلعبوا نرجعوا لطفولتنا شويا
مراد: وكان شافنا حد
علي: لا لا محد يشوفنا
مراد: تمام
وعدوا المكاليب
خشوا وركبوا في لعبه تمجمج الكبد الدوارة
مراد: كان طلعت ميت ذنبي في رقبتك
علي: هيا تركبوا
وركبوا وقعدت ادور بيهن وهما يعيطوا
علي طلعت نوران وباتها كان جوا في المحل يدفع لقت اثنين يعسطوا وين ركزت لقتهم علي ومراد ابتسمت بخبث وقعدت اتصور فيهم
طلع باتها مافطنلهمش: هيا
نوران بابتسامه خبث: هيا
طبعا الملاهي كان قدامه محلات وولحد منهم كانت فيه نوران وباتها يشروا في النواقص
علي: اااااااااااا متتتت ووووووااااك
مراد: اشهد ان لااله الاالله واشهد ان محمد رسول الله ااااااااااااأ
وبعد نزلوا من العبه وقعدوا يمشوا كيف السكرانيين
علي: اخخخ راسي
مراد: رااااااسي مانحق في شي وجيعان
علي: بسم الله الكريم امبدري شويه كنا ناكلوا في بريوش
مراد: اللعبه جوعتني هيا نعدوا لمطعم
علي: هيا حتي حسيت روحي جيعان
أنت تقرأ
بهدلنـِـي الـטּـصِيــب .
General Fictionروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
