اسف ع التأخير
اللى فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة ( ولاتيأسوا من رحمة الله تعالى )
# بهدلني النصيب
قراءة ممتعة 🫶🏻
________________ وصلت للمستشفى خشيت القيتهم مازال ايراجوا مرت ساعه اثنين ثلاثه واني انحس ان روحي تبي تطلع
مرت اربعه ساعات معاش فيها تميت انخبط ع الباب والبنات يتباكن
تميت انخبط مش متخيل فكرة اني اتعدي وتسيبنا واخرى غاضبه عليا : ياناس اي واحد يطلع يقولنا حاجه جت سندس تمت اتكر فيا وتبكي 😭: خلاص ياسليم ادعيها بس ادعيلها
سليم : يارب يااارب
طلع وسام
جيتها وكان نتمنا اني مانسمعش كلمه عظم الله أجركم : هاا دكتور ءءقوليلي كيف حال امي
وسندس واسراء يتباكن
الدكتور وسام : الحمدلله امكم ربي عطاها عمر جديد في العمليات قلبها وقف وفقدنا الامل بس رجع النبض الحمدالله وكانت معجزة لان المريضه قلبها تعبان بكل
اني من الفرحه ادموعي نزلوا : باهي يادكتورة امي كيف حالها توا نقدروا انشوفها
الدكتور وسام : حالها الحمدالله بس للأسف ماتقدوش اتشوفوها اليوم ممنوع الدخول حننقلوها لغرفه وبكرا حانخليكم اتشوفوها بس خمس دقايق
اني سجدت نشكر في ربي ودموعي ينزلوا
سندس حضنت أسراء : الحمدالله ياربي الحمدالله
وسام كان يبحت في سندس وكان يتمنى ان يكون في مكان أسراء ويمسحلها ادموعها 🥺
ومشى عدى سليم لباته بيش يطمنه
وباته اطمن وحمد الله سبحانه وتعالى
_________
اني : ماما هيا ابسرعه قبل مايروحن البنات
ماما : هيا جايه
وطلعت معاها سرور
وشالنا العزو للمستشفى رن علينا عمي وخبرنا كلنا حزنا لان عمتي ماتستاهل هذا كله وتعب القلب
وصلنا نزلنا سلمنا ع البنات ونشدنا ع حاله ام سندس وعزو عدى لسليم سلم عليه وحمد ع سلامه امه وهدرز سأل ع الاب قاله رفع الضغط وقاعد توا في غرفه عداله وحمدله ع سلامه وهدرزوا وبعدها طولنا اشويه في المستشفى وبعدها روحنا
سليم صبا : هياا اطمنتوا ع امي خليني انحطكم في الحوش
سندس : لالا مايسيرش منها ماما من بيقعد معاها
سليم : ماعليكم امي بعد هاليوم اني الى نهتم بيها ونرعيها توا هيا اركبن قدامي
على جيت وسام
بعد عدى سليم أسراء دارت روحها تبي تشرب اميه عدت
سندس ودمعتها في عينها : شكرا وسام شكرا
وسام ابتسم : ولو توا انك الحمدالله حالها باهي عليش البكاء مانحسابك بكاية هكي هيا امسحي الدموع من هالعيون السمحات
سندس ضحكت ومسحت دموعها : هيا مع السلامه
وسام : مع السلامه ديري بالك من روحك
سندس : إنشالله وحتى انت .
عدت سندس ودارتله بيدها وهوا ابتسم و ردها لها وقعد ايراقب فيها لعند واختفت عن عينه هوا تنهد وعدى كمل باقي شغله
اما سليم روح البنات للحوش وعدى طول للمستشفى سأل ع الغرفه إلى نقلو فيها امه وعدالها لقى باته قاعد وواضح عليه تعبان من السفر وضغط
جاه : ياباتي عدى روح انت تعبان وتعال بكرا
الاب : لالالا من بيقعد معاها
سليم : اني ياباتي قاعد امي من يوم وغادي اني الى انراعيها وخذيت عهد ع روحي اطمن
الاب ابتسم : ربي يحفظك ويهديك ياوليدي
بعد اصرار وإصرار روح الاب للحوش يرقد
وسليم كان في كرسي الانتظار إلى قدام الغرفه إلى فيها امها كان واعي ويدعي
لربي انه استجاب دعائه وبعدها اذكر انه امه حطتله مصحف في السيارة ابتسم وعدى خذاه وكان متوضي ورد للكرسي وقعد يقرأ في سور لعند ماغلبه النوم ورقد .
__________________
ثاني يوم كان الجمعه
نضنا فطرنا وحددت البسه العربية للعزو وياسر وتيتها لهما في الدار
وعديت انساعد ماما في الغداء كنا انهدرزوا وبعدها سألت ما ع ام سندس قالتلي بعدين انهدوا انطمنوا عليها
اني : ايي باهي ،، حقيتي يماما سليم كيف متغير من زمان ماحقيته
ماما : ايي يسلم ويهدرز مش كيف زمان
ع خشت عزو : ايي صح حتى كان سلامه بارد امس انسبم عليه ايرحب ويهدرز سبحان الله كيف تغير
ماما : اي سبحان الله وبحمده
عزو : بنتي كويتلي لبسه
اني : ايي انت وياسر حطيتها لكم في الشطار قولها حتى الياسر
عزو : تمام عطيكم الصحه
وطلع
لبسوا العيال العربي وخشوا ع امي في الدار
سرور : وااااو انقنكم طروف ياخوتي
ياسر ضحك 🙂😀: را تعطينا بعين بس
سرور : اني مش معيانه ياعيني وبعدين غيرت رأي انت مش طرف اني نحكي ع خوي وحبيبي عزو الطرف والعسل
ياسر شبحلها بنظرة
وعزو ضحك وحرك راسه يمين ويسار
ماما : ربي يحفظكم ويطول في عمركم ويحميكم من كل شى يارب
ياسر بأس راس امي : ويحفظك ياغالية
عزو جا بأس راسها : ويحفظك ويخليك لنا يارب
اني وسرور : امين
ماما صبت خذت البخار وتمت اتبخر عليهم وقرت عليهم
وطلعوا للمسجد يصلوا صلاة الجمعه
_______________
اما عند أهل التوأم
عدو الاب واعليوا للمسجد بلبس العربي
والبنات قاعدات يساعدن فس امهن في الغداء
ولاء : ياماما كلمي اعليوا او بابا يشيلنا للأم سندس قالوا دارت عمليه ع القلب
خالتي : ياحليلي ربي يساعدها ويقومها بسلامه والله ماعلمتها تو انكلم اعليوا ايشيلنا باتك اليوم مش فاضي
الاء : تمام
_____________________
.
اماعند أهل قصي
ناضوا ونوران هدرزت مع عزو اشوي قبل مايطلع للجامع ودزلها صورته بالعربي حقتها وعضت فمها : طرف ياناس وبعدها رن عليها أخرى ردت عليه
عزو : شن رايك في طرحتى
نوران بعفويه : جنتل مااان
عزو قعد يضحك : شن قلتي ماسمعتكش
نوران تلبكت : ءءءء لاشي
عزو🤣 : صار جنتل مان
نوران صكرت التلفون وقعدت اتهزب في روحها : غبيه هذ اثقلي يابت تو ايقول هذه خفيفه وقعدت اتهزب إلى مالا نهايه لعند ماامها نادتها اتساعدها في المطبخ
وعدت ع خشت قصي ومراد والاب بلبس العربي وكان منظرهم جميل خشتهم مع بعض
ام قصي خذت ميه الرقيه وشربتهم منها ورشت عليهم
مراد : درتيلي حمام يايام
ام قصي : انت اسكت مش معدل بكل العين حق
مراد : قصدك اني طرف هذا عليش عطوني العين
نوران : ووووه كبدي انت من يبي يعينك بس امي تحكي ع قصي وبابا كلا انت اخر واحد ممكن يعينوه
مراد : بس بدون كذب طرف ولا
ام قصي : كلكم ماشالله عليكم اني قريتكم مش ع العين بس الرقيه هذه مفيده للانسان اتنظفه من كل شي
قصي : فوتيهم ياأمي انتي عرفتهم
مراد بحت في نوران : عرب غيرانين منا حسدينا على جمالنا
نوران بحتت فيه : عليش بحسدك كان نبي را حسدت قصي أجمل منك بواجد بذات بعد يلبس العربي يقعد طرف اوخيي خليه ماكيف عرب
قصي : اني خطوني تبوا اتخششوني امعاكم في نقاشات تافه زي هذه
والاب كان يسمع فيهم وحرك راسه يمين ويسار
مراد : اني طالع اقعدوا فيها
وعدى فتح نقاله ودز لولاء صورته لبسه العربيه
ورن عليها ولاء تباعدت عدت للدار وردت عليه
مراد : شن رايك في طرحتي
ولاء : اكويس
مراد : عارف روحي طرف وجنتل مان
ولاء : باهي ليش تسأل
مراد : كساد
ولاء : عبد الواثق
مراد : را اني زعلان منك.
ولاء : من شنو
ع خشت قصي ايقوله : هيا تأخرنا
مراد : تو انقولك بعدين مع السلامه وصكر
وعدو للمسجد
_____________________
أنت تقرأ
بهدلنـِـي الـטּـصِيــب .
Ficción Generalروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
