اللي فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة (ولاتنسوا من روح الله )
# بهدلني النصيب
____________________
عزو : الو
الدكتورة : اهلا معاي عبد العزيز
عزو : نعم معاك
الدكتورة : المريضه شروق ناضت من الغيبوبة
عزو : شنووووو😱،، خلاص اني في الطريق
ياسر : شنو في
عزو : تعال امعاي رنت الدكتورة وقالت شروق ناضت
ياسر : كييف
عزو : تو انت عدي خبر العيلة وتعال
ياسر : تمام تمام
عدى عزو المستشفى وياسر عدى الخبر العيله 🥹
___________________
وصل عزو للمستشفى خش يجري لشروق
حق الدكتورة تفحص في شروق
عزو : السلام عليكم
شروق رفعت راسها بدموع 🥹: عزو
عزو جا حضنها : حمدالله ياربي انك نضتي
شروق تمت تبكي 😭عزو مسحلها ادموعها وقال : معش تبكي بنتي ادموعك مانبش انحقهن وانا عايش مافيش حد ايجي شورك وانسي الي صار وحقك حاناخذه
منه الكلب 🥺
شروق تبكي😭 : كيف تبيني ننسى بعد الي داره ليا وولدي الي مات بسببه
عزو : احمدي ربك انها انتهت عل هكي بلكي طيحت الولد فيها خير بلكي ربي مايبيهش يتعذب في الدنيا هذه بلكي مايبهيش ايعيش بلا بات اشكري ربي انها انتهت على هك وانه فطنالك قبل مايصير فيك حاجة مرات حتى يقتلك ونحنا مانعلمو لكن وعد مني انه ماني ساكت وحندفعه الثمن غالي قولي ماقاله عزو
شروق زادت حضناته تبكي : الحمدالله ياربي ربي مايحرمني منكم 🥺
عزو : خلاص اهدى تو انعدي انشوف الدكتورة ونجي وخلي في بالك انه مم يوم وغادي ماحد يقدر يقربك دوبني ونا عايش وتوا أمسحي ادموعك نبو نشوفوا ضحكتك الحلوة
شروق مسحت ادموعها وابتسمت ☺️
عدى عزو للدكتورة : دكتورة نقدرورا لنديروا خروج لشروق
الدكتورة : لالا اليوم حتقعد لعند انطمنوا عليها وبعدها انديرلها خروج
عزو : شكرا
الدكتورة ابتسمت : عفوا
عدى عزو لقى ياسر ومعاه امه وسرور
عزو : عليش اتجيب فيهم
ياسر : امي تمت تبكي وتقولي شيلني فشلتهم معاي قلت يطمنوا عليها خير مايقدر يبكن ف الحوش
سالمه تبكي 😭:وين شروق بنتي نبي اشوفها وين
عزو : تعالو امعاي
عدو امعاه خشوا على شروق
سالمه جتها حضنتها🫂 وتمت تبكي : الحمدالله على سلامتك يابنتي
شروق تبكي : ماما امرايفه عليك واجد
سالمه : حتى انا ياماما
سرور ضبطتها تبكي 🫂: اااه ياشروق الحوش بلاك امظلم
شروق : خلاص سرور معاش تبكي
سرور مسحت ادموعها
والدنيا كلها علمت انه شروق ناضت من غيبوبة وجت للمستشفى وجن ولاء الاء وامهن جابهن اعليوا قعدن اشوي وبعدها روحن
_______________
سندس : ماما ماما
ام سندس : نعم يابنتي
سندس : شروق قالو ناضت من غيبوبة
ام سندس : الحمدالله على سلامتها
سندس : ماما قالت سرور انه اليوم قاعدة فالمستشفى لعند يطمنوا عليها كيف انعدولها غادي
ام سندس : تو انشوف سليم
عدا ام سندس خشت على سليم ف الدار : سليم نبيك اتشيلنا للمستشفى
سليم : اقلبوا وجوهكم انا مانيش شايل حدد
ام سندس : سلم وليدي نوض شيلني انحمد عل البنت حراام عليك عيب ياوليدي
سليم : خطوووني امشي على كرعيك مدخلنييش بيك اطربقواا
ام سندس :كرعيا وجعاتني مانقدرش انعدي على كرعيا والمستشفى بعيدة
سليم : خطينيييي خلينييي نرقد الزح
طلعت ام سندس ودمعتها في عينها
سندس : شن قال ماما
ام سندس : ربي يهديهم وخلاص يابنتي تو انعدو على كرعينا وخلاص
سندس : بس ماما كرعيك يوجعن فيك انتي
ان سندس : الله غالب يابنتي
عدن كعابي للمستشفى وصلن وخشن سندس سألت السكرتيرة : معليش في مريضه اسمها شروق دوبها نايضه من الغيبوبه وين قاعدة
السكرتيرة : في طابق الثاني تلقي ممر فيه ثلاث غرف اول غرفه
سندس : شكرا
السكرتيرة: العفو☺️
عدن ركبن فوق خشن للغرفة سلمن على شروق والباقي
وقعدن اشوي وروحن
عزو : ياسر روح بامي وسرور وانا قاعد هنا مع شروق
ياسر : باهي هي امي
سالمه رفضت انها تروح وتمو يقنعوا فيها لعند روحت
خش عزو لقى شروق راقدة وكان تعبان نعس علي كرسي اشوى ويسمع فس عياط شروق ناض مفجوع لقى شروق انعيط : لااا بعد عني حسبي الله ونعم الوكيل فيك بعدد عنيي
عزو : بنتي اهدي انا جنبك اهدي ماتخافيش
شروق تبكي 😭: حلمت بيه يبي يقتلني
عزو : بنتي متخافيش محد يقدر يقربك
وين شروق القويه خليك قويه وماتخافيش من حدد
شروق تبكي 😭: مانقدرش ياعزو مانقدرش
عزو حضنها : خلي إيمانك بالله قوي متخافيش وتم يقرأ عليها في سورة البقرةوكان صوته سمح في تلاوة القرآن
لعند أذن الفجر بحت فيها لقاها راقدة غطاها وعدى للجامع صلى الفجر وتم يدعي الربي انه يفرجها
ومر اليوم عليهم
" قلوب بعض منهم تدق من شدة الخوف وبغض منهم تدق من شدة الفرح ويعض منهم تدق من شدة الهم والغم وبعض منهم تدق من الحسرة💔 "
________________
ثاني يوم
الدكتورة دارت خروج لشروق بعد فحصتها
عزو خذاها وروح بيها للحوش وصلوا وكان الحوش مليان من العرب اتحمد على سلامه شروق وجت سالمه وتمت اتزغرد : نورتي الحوش يابنتي
شروق ابتسمت 😊وحشت جوا وجن البنات حضننها وخشن جوا ايهدرزن
__________________
نوران : ماما شروق ناضت من الغيبوبة
جميله: حمدلله على سلامتها
نوران : باهي ياماما انا بعد اشوي نبي انعدي شن رايك اتعدي امعايا اتعرفي عليهم
جميله : باهي تو انشوف
طلعت نوران من المطبخ شافت قصي خاش للدار عدتله : قصي عادي اتشيلني لحوش صاحبتي انحمدو على بنتهم انا وماما
قصي : لالا انا مش فاضي
خذا أوراق وطلع
نوران : ماما كنه قصي الايام هذين مش عاجبني
جميلة : والله ماني عارفه ضاغط روحه بالشغل اربعه وعشرين ساعه ربي يهديه
نوران بتفكير : شكله متعارك مع شهد لانه مانحقش فيه ايكلم فيها
ماما : والله ماني عارفة
نوران : ماما قصي قال مش فاضي ومراد عدى للمزرعه كيف ايصير
جميلة : تو نشوف عادل
نوران : باهي ياماما تو انعدي انوتي روحي على ماجا
عدن وتن ارواحهن وجا عادل وشالهن للحوش وصلوا نزلن وخشن جوا تلاقي معا يارا سلمن عليها وسلمن على الباقي
جميله عجبها الجو وتمن ايهدرزن
بعد اشويه الناس تمت اتروح
خشن البنات للدار وتمن ايغيرن في جو شروق اشوى
نوران : كيف ايصير في اقرايتك ياشروق
يارا : مازلنا مابدينا امتحانات تو نعطيك الدروس ونشرحهن لكي واديري امتحانات بس وانشالله تقدري
سرور : خلاص معناتها من بكرا انعدو اصلا لناايام ماعدينا
ولاء : تمام
نوران : اسمعي يولاء شن قلتي موافقه
ولاء : عل شنو
نوران : ييي ماتقوليش نسيتي على موضوع مراد
شروق : اووووو مراد صار😏
ولاء انحرجت : خزي ياحقيرات ماصار شي راه
نوران : باهي شن قلتي
ولاء : انا موافقه بس خايفة
نوران :حنخليك اتفكري أخرى ماتخافيش توكلي على الله وصلي ركعتين وردي علي
ولاء : انشالله
سرور : بناااات 😱
: كنك
سرور : فااااااار
تمن اتعايطن وصلن يجارن
وسرور ماتت ضحك🤣 : انبصر عليكن
نوران : خزي ياحقيرة والله قلبي وقف
وتمن ايهدرزن
ام يارا وام ولاء والاء وسالمه وجميلة ايهدرون وتعرفن على بعضهن وجميلة انسجمت معاهن نست حتى اترن على مراد ايروح بيهن😅 وبعدها روحن يارا وامها
وجا مراد شاف عزو سلم عليه
عزو : وين معاش ريناك
مراد : اهو قاعد
عزو : باهي وين قصي معاش ريناه
مراد : والله ماني عارف له ايام مش على بعضه ومانحقوا في وجه بكلل
عزو : مش عارف كنه سلملي عليه وقوله تعال للمزرعه بكرا العشاء علي احسابي
مراد : يوصل .. تو نقوله له
على طلعت نوران وامها
مراد : هي سلام
نوران تبي تركب السيارة شافت قطة تمت تجري تلحق فيها
مراد : يامجنونة تعالي هنا وين ماشيه
وعزو ميت ضحك علىشكلها كيف اقصيرة وتجري ورا قطة 🤣
نوران ماعدلتش عليهم عندها اهم حاجة تمسكها لعند زرتها في تركينه تبي تقفطها القطوه هربت فوق السطح
تمت تبكي 😭
مراد : تعالي هنا يابكاية
نوران تبكي : 😭هربت مني يامرااااد
مراد : خلاص أمسحي ادموعك ت نشيرلك وحده
نوران : جددددد🥺
مراد : جد بس اركبي السيارة الناس كلها اتبحت فينا
نوران مرت من قدام عزو الي كاين ميت ضحك 😄عطاته نضرة 😏وطلعت لسانها😛 وركبت السيارة
عزو ابتسم مع تنهيدة : مجنونه بس انحبها وخش جوا
شروق كانت راقدة وتحلم بان فرج جاي ويبي يخنقها نطت من نومها مفجوعة
على اذان الفجر صبت صلت وتمت تقرا في قرآن لعند تريحت وتمت تدعي ( اللهم ياربي اني صبرت صبرا كثيرا وتالمت وتعذبت فبشرني بفرحه اسجد لك باكيا اللهم يارب اجبر قلبي جبرا يتعجب منه أهل السموات والارض جبرا يليق بكرمك وعظمتك وقدرتك يارب العالمين اللهم إني متوكلة عليك واثقه بوعدك راضي بصنعك محسن الظن بك ومنتظر فرجك فأنت حسبي ونعم الوكيل ياربي اني احتاجك معي بكل لحظة امر بها ربي اني ضعفت ولا غيرك يقويني لقد يأست ولم افقد بك يقيني يارب اريح قلبي فانك تعلم وهم لايعلمون اللهم عوضني عن كل شيء خاب ظني فيه وارزقني أياما أجمل مما مضت يارب يسر لي أمري وحقق امنيتي اللهم اني اسألك بأنك انت الله لا إله إلا هو الحي القيوم وأتوب إليه🫶🏻😔 ) وبعدها نعست رقدت 😴
________________قبل اشوي
عند مراد بعد روحوا للحوش خش مراد للدار خشت وراه نوران : مراد صح تبي تشريلي قطة
مراد : لااا
نوران : كيف مش قتلي تشريلي
مراد : طريت نكذب عليك عشان ماتقعدي وتفضحي بينا العالم
نوران : باهي لكن والله ماني قيلتلك شن ردت علي ولاء
مراد نط 😳: شنو قالت
نوران😏 : مانيش قايلة لعند اتقول والله نشريلك قطة
مراد : باهي والله نشريلك بس شنو قالت
نوران : ...........
____________________
للكاتبه : لولي
LOLY🥀🍃.
الجزء هذا طولته لكم شن رايكم الجزء القادم انخليه طويل ولا قصير
لايك + كومنت
( صلوا على النبي صلى الله عليه وسلم )
انتظروني احبابي 🫶🏻
أنت تقرأ
بهدلنـِـي الـטּـصِيــب .
Fiksi Umumروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
