بهدلنـِـي الـטּـصِيــب .

🍃الجزء السادس عشر 🍃

الي فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة ( اني مغلوب فانتصر )
#بهدلني النصيب
قراءة ممتعه 🫶🏻
__________________
قصي : نزل يامراد الدبش من السيارة
مراد : تعبان مانبي انزل
قصي : اتنزل ولا انقول لباتي انك
مراد 😨 : لالا ماتقولهاش اني نبي انقولها
قصي😏 : هي معناها نزل بكرا نبي انعدي الشغل
عدى مراد معصب .... نزل الدبش من السيارة
وقصي عدي يدوش
خش لقى تلفون قصي مفتوح😈 : والله لم اندمك عليها
خذا تلفون قصي ودار طلب لأول بنت قابلته لان قصي مايكلمش في بنات وهكي حب يمكره وكتبلها ( اسمعي يابنت الناس انا انحبك ونبيك شاريك واطلبي اعيوني نعطيهن لكي ...وجو هذا واطلبي 😁🤭)
على خشت قصي من الدوش حقه ماسك
تلفونه مراد اول ماحقة عزو التلفون وعدى يجري قصي خذا التلفوه
ايشوف 😠: مرااااااأاااد ي🔞
عدى يجري يلحق فيه ومراد يجري
مراد :ووووه كبدي اسف بالغلط بالغلط
قصي وقف خذا التلفون :توا شن اندير اكيد البنت تفهم غلط ياعن 🔞
مراد : هههه شوف منظرك ووووه
قصي وجه فيه المخدة وبعدها خذا النقال وكتبتها
_______________
من التعب كل واحد دار دوش ورقد الا نحنا البنات رنت يارا فيديوا تمينا انهدرزوا امعاها وحكينالها كل حاجه صارت
يارا 🤣: ههههه ووووه انتخايل في منظركم وانتن طيحات ف الحوض السباحه وووووه كبدي هههههه
اني : قتلك كان امعايا تلفوني هذك الوقت را صورتهن لكي لما اتموتي من الضحك
ولاء 😒: باهي ماصورتينا را قعدنا مضحكة
الاء : خزي كنك ماجيتي
يارا : ما قتلكن حوسه بكل مازال ثلاث اسابيع على عرسي مضغوطين بكل
الاء : بنات أسمعن
نحنا : كنك
الاء : بعد بكرا قالوا الشهايد وانتن الاسبوع الجاي
يارا : يييييي بطني وجعتني من توا
اني : يييي ذكرهم ونكد عليهم
سرور : ههه انشالله بالنجاح
اني : انشالله يارا بكرا مرات انجوكي انا والبنات انعاونك ونشروا امعاك
يارا : تفضلن في لي وقت
كملنا الهدرزه وبعدها صكرت منها
ولاء : بناااااات😨
: كنك
ولاء : في واحد ياشروق دخلك طلب وكاتبلك انحبك وكلام هذا
اني : شنووو
ولاء : حييي واسمه قصي بالانجليزي
سرور😏 :اووووو ليكون قصي صاحب عزو
اني مصدومه : لالا
خذيت التلفون وبعدها جتني رساله أخرى
خذت ولاء مني التلفون وتمت تقرا بصوت عالى : (اسف ماتفهمي الموضوع غلط هذا خوي الصغير دار هكي يبي يمكرني ف متفهميش خطأ حبيت انوضح بس )
سرور : نحلفلكم تو انه قصي صاحب عزو اول ماقال خوي الصغير أكيدة مراد
اني : وااااو عليك غرور فيه حتى الرساله امتاعته مغرورة
سرور : ولاء عرفتي إلى اسمه موسى إلى درناله طلب بالغلط
ولاء : اهاا كنه
سرور : اليوم فالصبح حقيته قدام البحر
ولاء😠 : طيححححح سعدك وما تكلميني ياحقيرة
اني : فهمنا الموضوع
ولاء : هذا ياحنه وحكتلهم كل شي
الاء : باهي احكيلي بالتفصيل الممل اول ماحقيتيه ف البحر
سرور : باهي
*
فلااااااش باك
كنت انتمشى ع البحر ونصور حسست روحي
تباعدت اشوي من الشاليه وانا انصور نسمع صوت كلب انبحت الفيت كلب جاي شوري تميت انعيط 🤣ونجري بعدها جا واحد يجري عيط : سوكااااا تعال هنا
وكلب يجري وانا نجري ونعيط
الراجل : سوكاااااا
وقف الكلب وعدى للراجل اني بحتت ف الراجل كيف وقفه وقلبي ايدق مم الخوف
جا الراجل يضحك 🤣ويبحت فيا : ههه اسفين
اني هذا اتقول حقيته لكن وين حقيته : اهاا عادي ولايهمك بس خوفني
موسى اعيونه مانزلهمش بكل : هههه هو بعد حقك تجري يحسابك تلعبي امعاه
اني : اهاا. .... وفي خاطري ووووه هذا الراجل إلي اسمه موسى
نوران من بعيييد : سروووووور تعاااالى
اني : هياا جايه .... باي
موسى في خاطره زعمك هذه سرور إلى غلطت ف الطلب : سرور
سرور التفتت : نعم
موسى : انتي إلى غلطتي ف الطلب
سرور كيف عرفها عليك الذكي : ايي
وعدتت
*
ولاء 🤣🤣: ههههه ووووه انتخايل في منظرك وانتي تجري
سرور : خزيي عليك أكيدة توا يضحك عليا
ولاء : بس طرفف
اني : خلاص رقدن اني نبي نرقد
الاء : حتي اني نبي نرقد
المهم رقدنا كلنا من التعب 😴😴
____________
خليني نعرفكم على موسى
موسى عمره ٢٤ سنه واخذ الحياة كلها ايزي ديما طلعات مع اصحابه وسفر طبعا يشتغل مره مره في شركة باته عنده اخت اكبر منه متزوجه اسمها زهور وأمه اسمها تهاني وباته عبد السلام حالتهم المادية اكويسة بكل 👌🏻
______________
ثاني يوم نضنا كلما ووتينا الفطور فطرنا وكل وحدة عدت اتضم حاجة
ماما : عزو تعال نبيك
عزو :نعم
ماما : عزو راك توا كبير والى مدادك متزوجين وبصغارهن وشقتك واتية
عزو : يايمه مزال بدري
ماما بمقاطعه : لابدري باشى اني نبي نخطبلك بنت كان تبي وحده قولي
عزو : باهي اني نبي اخت صاحبي قصي لكن يايمه اصغيرة هيا قلت تكبر وبعدها ايصير خير
ماما : قصدك نوران
عزو : ايي
ماما : اي زينك بنت جمال ونظافه بس عادي انكلم امها انقوللها نخطبوها ونقرأ فتحتها وعرس انأجلوه
عزو بفرحه🙂 : تمام بأس يد ماما .. ربي يخليك لنا ياغالية
( ملاحظه: عزو يقول لماما امي لان حني ماتت وعزو اصغير عمره ثمانيه سبعه سنوات ورباته ماما كيف ولدها 💕)
عدى عزو
اني خشيت على ماما : صح ياماما إلى سمعته
ماما : اييي
اني : باهي فيها خيرة بس امتى تبي اتعدي
ماما : اليومين خذين انرن عليهم وبعدها نعدولهم
اني : ايي والله نوران بنت اكويسه وهي متلقاش خير من عزو
ماما : اي بس ماتقوليهاش للبنات
اني : تمام
عديت توضيت وصليت وقريت قرآن
بعدها جو ياسر وعزو
وخشيت المطبخ انحطوا ف الغذاء
_______________
موسى سارح يذكر في شكل سرور وهي تجري ضحك 🤭
يوسف : اوووووووي وين سارح انت
موسى : كنك
يوسف : من بدري ونا نحكيلك واتقولي كنك لا شكلك طايح بوجك انت
موسى😒 : يعني يلى يسرح طايح بوجه مافهمتش اني
يوسف : اييي قول من باهي
موسى : اصلا نا فاضي قاعد معاك
يوسف : تعال وين ماشي
موسى : لحوش
وعدى وصل للحوش نزل
لقى امه وياته قاعدين فالصالة
موسى : السلام عليكم ياعيلة🙂
عبد السلام الاب : وعليكم السلام وين كنت من امس وانت برا
موسى : كنت مع اصحابي ف الشاليه
تهاني الام : امتى لدير عقل ونزوجوك
موسى : خليها على ربي 🤭
عبد السلام : من يوم وغادي تشتغل ف الشركه كيفك كيف الموضفين ولا ناخذ السيارة ونمنعك من الفلوس
موسى : ياباتي
عبدالسلام بمقاطعه : لا باتي لاشي اني قتلك
موسى مالقاش حل الا يوافق : تمام ياباتي بس امتى نبدأ
عبدالسلام : من اليوم
موسى : شنووو 😨
عبدالسلام : هذا هو
موسى : باهي نبي افلوس نشري لبسة للشغل
_______________
انا والبنات عدينا ليارا
اني : في شن انعاونك
يارا : كل حاجه درناها توا مازال بس ف حاجات نبي نشريهن من السوق
سرور : حتى اني نبي نشري قفطان للفرح ودبش شن رايك انعدوا كلنا
اني : باهي بس انقول لماما قبل
رنيت على ماما وقالت باهي بس متاخرنش وقلا لياسر وعزو وافقوا
ونوران حتى هيا وافقوا
ولاء والاء حتى هم وافقوا
يارا : تمام انشاور عصام ونشوف
ولاء : تمام
يارا عدت رنت عليه رد
يارا : هلا حبيبي شنجو
عصام : تمام شنجوك انتي استحاشتك 🥺
يارا : اتقول امس ماكنا انهدرزوا لعند الصبح
عصام : يانا علييي امتا بس اتجي لحوشك وتنوريه 🤤
يارا : هههه قريب انشالله نبي انقولك باهي
عصام : قولي اعيوني لكي
يارا : نبي انعدوا نحنا والبنات للسوق نشروا كم حاجه
عصام : تمام عدي بس عباية ونقاب مانوصيكش
يارا : انشالله
صكرت منه وعدت لباته وقلتله وعطاها مفتاح السيارة عشان ياخذن راحتهن
(ملاحظه : يارا تعرف اتسوق امعلمها باتها بس باته ماباش يشريلها سيارة خايف أدير حادث ويفقدها لان هي وحيدته والشباب يقعدوا يضايقوا فيها وانتو ماغابيين 👌🏻)
المهم لبسنا وطلعنا
لسوق نزلنا لمحل مواد منزليه وخذت يارا كم حاجه ماكثرتش لام عصام قاللها الشقه كل حاجه فيها خذت اللازم بس
طلعنا لمحل ملابس نزلنا
نوران : بنات شن رأيكن في هذه
اني : حلوه
سرور : بنات محتارة شن نلبس
ولاء : حتى اني
الاء : بنات اني عجبني القفطان هذا
اني : حلوا خوذي عليه كعب فضي يطلع سمح
ولاء : بنات اني مايعجبني شي هنا شن رأيكن انعدوا لمحل اخر
اني : في محل جنبه عدن شوفن اني ويارا والاء مازال
ولاء : تمام هي بنات
طلعن البنات من المحل
كان في شباب تموا ينابشوا فيهن
الولد ١ 🤤: اوووبا شنو الجمال هذا
الولد ٢ : غيير عطونا وجه بس
الولد ١ 😅: بأه حتى الرقم
ولاء : بنات يلحقوا فينا تموا
سرور : خليهم عليا
الولد ١ : كان نسمع شن تحكوا بس
سرور :😠وانت شن دخلك
الولد ١ : اوووو طلععندك السان
نوران : تعرف كان ماتعدي توا انكلم خويا را
الولد ٢ : باهي عطيني الرقم بس
سرور : اقلب وجك را أنلم الناس عليك
* موسى
طلعت متعصب من باتي خذيت افلوس خشيت المحل خذيت كم لبسه واني طالع حقيت بنت بحتتت ألقيت سرور وعيال شكلهم يعلكسوا تعصبت أخرى وعديت شورهم
اني : خير خير كنكم
الولد ١ : منو انت شن دخلك
اني : تو انوريك شن دخلني وننزل فيه ضرب والعيل الاخر هرب
جو وحدين حزوها وعدى يجري
اني ألتفت ع البنات بحتت في سرور القيتها طامرة ورا بنت اذكرت الموقف ضحكت
ولاء : شكرا
اني : العفو😊
عديت ركبت السيارة

*
سرور : حيي عليك فضيحه
ولاء : كنك طمرتي وراي
سرور : كل مانذكر الموقف انتحشم انقابله
نوران : هههه حقي ضحكته
ولاء : باهي هيا انخشوا للمحل
خشينا
عندنا نحنا
يارا رن تلفونها لقاته عصام
عصام : مازلتوا قاعدين ف السوق
يارا : ايي عليش
عصام : لابس كنت نبي اتقولك كثري من الارواب بس
يارا وجه تحمر😳 : خزي تحشم
عصام : مرتي ونا حر
يارا : باهي خلاص نبي انصكر
عصام : ههه انتخايل في وجك توا اكيد حمر
يارا صكرت
*
نوران : هيا بنات كان كملتن هياا اني را كملت
ولاء : انخلص ونجي
سرور : حتى اني
طلعنا اليارا والبنات القيناهن امكملات
ركبنا وشرينا عشاء من المطعم وبعدها روحتنا يارا لحواشينا
________________
عند الشباب
قصي : ترا ياشباب كلموا عصام
على خشت عصام
عزو : اطري القط ايجيك اينط
عصام : ههه شكلكم تحكوا عليا
ياسر : بالخير .
قصي : وييين مختفي معاش حقيناك
عصام : والله لاهين بالعرس وهكي
ياسر : اهااا ربي ايعين
عزو : مش ضوروي انقولها تبي حاجه قولي الشقه ناقصتها حاجه
عصام : لالا كامله الشقه
اعليوا : وهاذا احلا مكرونه من ايديات الشيف مراد واعليوا
قصي : باهي طلعتوا حاجه فالحه فيها
اعليوا : هي سموا بسم الله
نحنا : بسم الله
خذينا اول كاشيك كلنا وجينا القمه (حشاكم )
اني : شنو إلى حطيناها ف المكرونه كنها حلوة هكي
اعليوا : مراد
مراد 🥲: شكلنا حطينا السكر بدل الملح
ياسر : خزيي احسبناكم تنفعوا اتموتوا وانتو معفنين
اني : عدو شيلوا السفرة حطوها للقطاطيس واطلبوا عشاء من برا
المهم طلبنا من برا وجت كلينا وطبعا خلينا اعليوا ومراد يلموا ويغسلوا
وقعدنا انهدرزوا
________________

ماما خذت تلفونها تبي اترن على أم قصي اتقوللها الموضوع
رنت وبعدها بشوي ردت
ماما : هلا شنجو كيف حالكم
ام قصي : اهلين تمام ابخير وعافيه شنجوكم انتو وكيف حالكم
ماما : تمام الحمدالله
ماما : كنت نبي انقولك على موضوع
ام قصي : خير انشالله
ماما : خير خير نبي انجيك نطلب يد نوران لعزو
ام قصي :.......... يتبع
__________________
للكاتبه : لولي
LOLY🥀🍃.
رايكم ايهمني
تفاعلووووووا
( صلوا على رسول الله صلى الله عليه وسلم ) انتظروني 🫶🏻