الي فايته عليه صلاه ولاخاشه عليه ايصبي ايصلي اهم حاجه الصلاه
(ان بعد العسر يسرا .)
# بــهدلني آلنصـيب
#قرآءة مـمـتعه
ــــــــــــــــــــــــــــــــــــــــــــ
اما عند سليم ال كان جنب امه متوتر ومش عارف كيف يفتح الموضوع
سليم..: ءءامي نبي انقولك
الام: نعم
سليم.: امي نبي نقولك حاجه درتها زمان ونبي انصلح غلطي ونبيه الكلام هذا بيني وبينك
الام: خير انشالله
سليم بتوتر : ءءءوقعد ايحكيلهاكل الي صار وهو منحرج من نفسه
الام ببكا : لاحول ولاقوة الابالله قتلك ياوليدي تباعد عنه طريق الحرام حب وين وداك بس لاحول ولاقوه الابالله
سليم باحراج وندم : يايام اني نادم والله ماكنت عالم بالي صار كنت مش واعي واني نبي نصحح غلطي
الام: كيف
سليم: بكرا تمشي تخطبيهالي
الام: وكان رفضت ولاقالت الي صار لخالتها ورتخرب حوش اختك
سليم : مش حديرها
الام: وشن عرفك انت
سليم خطرت عليه مريم: لانها خوافه وحتوافق
الام : اني نمشي بكرا وادعي لربك يغفرلك الي درتها في البنت اليتيمه لانك نهرت يتيمه الي موصي الرسول صلي الله عليه وسلم عليهم
سليم: امي مادزيتهاش عليا والله كلما نذكر نتمني اني متت ولادرتها
الام: لاحول ولاقوة الابالله ياما نصحتك ياوليدي واني نقولك خطاهم الرفاقه السوء اقرب من ربك هو الي يدلك ع طريق الخير
سليم: والله خايف ياامي ان ربي يردهالي في الي درته والمعاصي الي درتهن خايف يوم ايجيني ويردها لي
الام : ادعي ياوليدي ربي يغفرلك وخلي هاليتيمه اتسامحك
سليم : هذا الي نبي انديره يايام
الام: خلاص معناها توا بكرا نمشي نخطبهالك
سليم باس راس امه: ربي ايخليك لنا يارب
ـــــــــــــــــــــــــــــــــــــــ
اما عندنا نحنا
العائله كلها علمت بفسخه الخطبه وكانن عندنا ولاء والاء قلتلهن القصه وسرور كانت في الدار
خالتي: وينها سرور
اني : ف الدار تو انكلمها
خشيت الدار القيتها راقدة في السرير وعيونها حمر شكلها طول اليل تبكي
اني : ربي ايقويك ويعوضك الي احسن منه
اني: سرور سرور نوضي خالتي تبيك
قعدت نهز مابتش اتنوض هنا اني خفت
اني قعدت نهز فيها حولت البطانيه القيتها ساخنه : ياناعلي ياسرور ايش اديري في روحك بس
طلعت نجري.: ياامي ياامي سرور ساخنه بكل
ماما صبت تجري خشت ع سرور لمست حرارتها لقتها مرتفعه: يانا علي العيالل مش قاعدين ايش اندير
خالتي: هدي روحك بس عدي اجري ياولاء جيبي كمادات
عدت ولاء جابت الكمادات بس مادارت شي
ع خشت اعليوا جايب تلفون خالتي ناسيته في السيارة: امي امي وينك
خالتي طلعتله من الدار: جيت وجابك ربي تعااال البنت قريب اتموت بين ايدينا
اعليوا بخوف : اي بنت
خالتي: سرور
اعليوا قلبه فز من خوف خش بدون وعي للدار لقا وجهااا حمر وترعش حط يده ع راسها : تي البنت قريب اموت ليش ماكلمتونا
خالتي : باهي اطلع انلبوسها وتشيلها
اعليوا فطن لروحه انحرج طلع برا
اني لبيت يرور عبايه ووشاح
شالها علي ركبها في السيارة
امي: نمشي امعاكم
علي : ماتخافيش عليها
وركب في السيارة وعدي
.
ملاحظه : اكيدة توا كلكم اتقولوا كيف وهكي بس اعليوا وسرور وهم اصغار كانوا متربين من البعض وديما مع بعضهم
سرور كانت متقربه من علي اكثر من خوته
وتعتبره خوها وديما تحكيله في اسرارها
بس الي مش عارفته ان ايحبها.
.
أنت تقرأ
بهدلنـِـي الـטּـصِيــب .
Ficção Geralروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
