إلى فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة ( ولاتيأسوا من رحمتي )
# بهدلني النصيب
قراءة ممتعة
________________
ماما خذت تلفونها تبي اترن على أم قصي اتقوللها الموضوع
رنت وبعدها بشوي ردت
ماما : هلا شنجو كيف حالكم
ام قصي : اهلين تمام ابخير وعافيه شنجوكم انتو وكيف حالكم
ماما : تمام الحمدالله
ماما : كنت نبي انقولك على موضوع
ام قصي : خير انشالله
ماما : خير خير نبي انجيك نطلب يد نوران لعزو ونحنا مالقوا خير من بنتكم لي ولدنا عزو
ام قصي : تفضلوا في اي وقت
ماما : ايزيد فضلك معناها عل العصر انشالله
ام قصي : تمام
صكرت ماما منها وخشت علينا فالدار اتنوض فينا
ماما : نوضن صبن وتن ارواحكن اليوم ماشيين نخطبوا لعزو ابسرعه.
اني وسرور نطينا مع صدمه : شنووووو خطبه😨
ماما : اي شاورته وقالي باهي
سرور : منهي باهي وشن تقربلنا وكييف
ماما مابتش اتقوللنا انها نوران : وحده نعرفوها
اني : اهااا متأكدة انه عزو وافق
ماما : ايي وتوا صبن هيااا بسرعه ورانا شغل هلبا انديروه
اني : هيا باهي
____________________
ام قصي : صبي يابتتت جاينك خطاب صبييي
نوران : شنووووو
ام قصي : ايي قالوا جايين عل العصر صبي ساعدني ف شغل الحوش
نوران مازلت تحت تأثير الصدمه😳 : بس اني مانبيش نجوز
ام قصي : يخطبوك وبعد اتكملي الثانويه ياخذوك هيا مازلت سنه وتكملي
توا فكينا من النقاشات الي مافيها فايده وصبي هياا
نوران مابتش اتناقش : حاضر ماما
صبيت خشيت الحمام( حشاكم ) مشعارف حسيت بضيقه مش عارف عليش مانبيش نجوز اني هكي قلبي ناغزني مش عارف عليش نحس في شعور مش كيف نوصفه شعور غريب بس فتت
توضيت طلعت وصليت ركعتين ووكلت أمري لله والحق تريحت وعديت انساعد امي ف المطبخ
نوران : ماما وين مراد غريبة مالقيتش فالدار
ام قصي : مشعارف ربي هادي عليه اليوم ناض بدري وقالي ماشي للشغل مع باتي
نوران : غريببة
ساعدتها وكملنا ودرنا الغداء على جيت باباو مراد خش رقد تعبان وبعدها جا قصي
تغدينا وماما غمزتلي عرفتها تبيني انصبي شلت السفرة وصبيت
ام قصي : امبدري كلمتني ام شروق
اني رفعت اعيوني اول ماسمعت اسم شروق مش عارف عليش بس لم واحد ينطق اسمها نحس بي احساس غريب
ام قصي : قالتلي انها جايه اليوم تطلب يد نوران لعزو صاحبك
اب قصي : مرحبتين بيهم
اني : ايه صاحبي عزو نعطيه نوران واني متهني
اب قصي : خلاص معناها على بركه الله
__________________
ماما : عزو قتلك كلمتهم وقلتلهم عالعصر جايين قالتلي تفضلوا
عزو : باهي
ماما : خلاص نبيك اتشيلني وتلبس بيش تنزل وتشوفها
عزو اعيونه ولوا اقلوب : تمام
ياسر : اوووو تبي تخطبي لعزو ونحنا وين رحنا
ماما : انت شير وانا نخطبلك
اني : باهي ياماما نحن نعرفوهم
ماما : لالا اني نعرفهم بس
عزو بحت في ماما بمعنى شنو ماما فنصت فيه
عدينا غسلنا السفرة ولبسنا وصلينا العصر وشالنا عزو كاين لابس عربي لونه بيج ومطرز بلون البني الداكن ولابس سباط (شبشب) بني داكن وكان جنتل مااان طرففف 🤩🫶🏻
وصلنا للحوش بعد حقيته عرفت انه حوش أهل نوران لكن كييف
نزلنا وماما سلمن عل ام قصي وسلمنا عليها نحنا وكنا تحت تأثير الصدمه وماما تنفص فينا
ام قصي : مرحبتين انستوا
ماما : الله يانسك
هدرزوا ماما وام قصي اشوي بعدها ماما قالت : وين نوران خلونا انشوفها
ام قصي : هيا تو انكلمها لكم
ام قصي صبت عدت لنوران خشت عليها نوران كانت لابسه فستان جمييل لونه وردي هادي وجاي عل جسمها مفصل
ودايره مكياج خفيف طالعه تهبلللل بكلل 😍😍💕
ام قصي : ماشالله على بنتي قل أعوذ برب الفلق
نوران متوتره : ماما خايفه
ام قصي : ماتحافيش تعالى بس
طلعت نوران واول ماخشت حقت سرور واني وامي من الصدمه عيطت😳 : شروووووق
شروق ضحكت : ههه حتى نحنا كنا مانعلموا تو علمنا
سرور : اييي ماما ماقالتلنا
نوران جت سلمت علينا
ماما : ماشالله تبارك الرحمن ربي يحفظك ويحميك
نوران زادت توترت ابتسمت☺️ : تسلمي عمتي
هدرزوا شويا وبعدها جا مراد كلم نوران
نوران : نعم
مراد بغيرة قرن حواجبه : عدي البسي حاجه مستورة جيبي قهوة وتعالى معاي
نوران (عرفته غار لانه مراد من زمان مقرب لنوران رغم عاريكهم بس مقربين لبعض ومايتحمل فيها شي🙂 ) ابتسمت : تمام
عدت لبست عبايه وحطت الوشاح وطلعت
مراد : خشي
خشت وهي ترعش انصدمت ألقيت عزو قدامي وكان طرف اصراحه قلبي تم ايدق وصراحه فرحت بعد عرفت عزو شكلي معجبه بيه وبطني تمت توجع فيا من كثر التوتر
مراد فنص في وعيت على روحي : ءءء احم السلام عليكم
عزو 😍🤩: وعليكم السلام
نوران مدتله القهوة وعزز ايبحت فيها لعند توترت بكللل
مراد 😒: احم انا طالع او جاي ماتاخذوش راحتكم واجدد
وطلع
عزو : احمم طبعا عارفتني ونعرفك
نوران : ءءءء ءايي
عزو😍 : تمام يعني انتي موافقه
نوران : ءءءءء وفجأة ايخش مراد
مراد قارن حواجبه : هيا اطلعي قدامي انتهاء الوقت 😁
عزو : لم تندم عليها يامراد تو تنردلك
مراد بحت وطلع السانه خذا نوران وطلع بيها
بعدها عزو كلمنا وطلعنا
__________________
أنت تقرأ
بهدلنـِـي الـטּـصِيــب .
Ficción Generalروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
