آلي فآيته عليه صـلآه ولآخ ـآشـه عليه آيصـبــي آيصـلي آهمـ ح ـآج ـه آلصـلآه
(ولآتيآس مـن رح ـمـتي .)
# بــــهدلني آلنصــيب
#قرآءة مــمــتعه
ــــــــــــــــــــــــــــــــــــــــــ
يوم العرس
سرور وولاء عدن مع نوران للكوافير
.
اما اني وماما وخالتي شالنا ياسر للصاله
بيش انديروا لفه وماما توصي العالملات ع حاجات وكيف ايديرن وهكي
.
وبعدها روحنا وقعدنا انوتوا في ارواحنا والحوش كان ماليان بالناس وياسر واب علي وعمي كانوا مع الرجاله الي في المربوعه
.
اما عند نوران الي كانت في قمة التوتر
ولاء: معليش ديريها اللون هذا احلا عليها
الكوافير: تمام
ولاء: سمح يانوران
نوران:.......
ولاء: نورااااان
نوران: كنك
ولاء: انادي فيك من امبدري ماتردي
نوران: نعم
ولاء: اللون هذا تبيه
نوران: ديرن ع كيفكن اني حسني متوترة بكلللل ونحس بروحي بيغمي عليا
عل جيت سرور: طلبت من عزو يجبلنا طعام من المطعم
نوران فنصت: عليش تطلبييي
سرور: بيش تاكلي من الصبخ ماكليتي حاجه وبعدها ادوخي علينا ونحنا ماعيزنا فجايع
نوران: ماعنديش نيه
سرور: تمام تو انقول لعزو ينزل يوكلك غصبا عنك
نوران فنصتت : لالالا خلاص تو ناكل
سرور بحتت فيها عجنب : ناس ماتمشي
الا بالعين الحمرة
ولاء: باهي هيا خلي بسرعه مازال الشعر
ومازلنا نحنا
نوران: هيا باهي
بعد اشويه هكي جا عزو جاب الطعام
عزو: ءء سرور عدي كلميلي نوران
سرور: تمام
عدت لنوران
سرور: يبيك عزو
نوران بتوتر: قوليله مش فاضيه مانقدرش
عدت سرور : قالتلك مش مانقدرش
عزو : تمام
وطلع
كتبلها رساله (تمام تو يبانلك يانوران. )
نوران قرتها وزادت توترت
عزو (تقري في الرسائل وماترديش اخري تمام تمام.)
نوران: اوووف بروحي متوترة
رن عليها ماردتش
نوران كتبت رساله(شن قلنا ع الاتفاقيه نحنا )
عزو( ربي يصبرني بس )
نوران( امين 🥲)
وصكرت تلفونها
سرور: تعالي كولي
نوران: هيا هيا
كلن وقعدن يوتن في ارواحهن
نوران طلعت من دار الملابس
نوران: شن رايكن
سرور باندهاش : وااااااو ملكه جماااال ياخيا قصدك بتولي كنتنا
نوران ضحكت
ولاء بتعجب : وااااو طالعه خياااال ياعمري
نوران ابتسمت : سلمك قلبي
سرور : خلاص يعني كملنا
نوران: ايي نبي انكلم مراد ايجيني
سرور: تمام
ولاء: واني تو انكلم علي
جا مراد شال نوران
وعلي شال سرور وولاء
ولاءوسرور : السلام عليكم
علي: وعليكو السلام
سرور : السيارة مظلمه
علي : ايي عليش
سرور : الدندوله علقت في شعري نبي نحل نرفع خماري نسقمها
علي : اهاا
رفعت سرور الخمار وقعدت تسلك في الدندوله من شعرها
علي رفع عيونه في المرايه تصنم قعد يبحت في سرور ومصدوم بجمالها بالمكياج زاد حلاها اخري رغم ان كان بسييط جدا
ولاء فطنتله: احمم علنا عدوا من مبدري للصاله
علي فطن لروحه: ايي شالهم ياسر وباتي
ولاء.:اهااا
وصلنا للصاله قبل نوران لان كان علي يجري
خشينا سقمنا ارواحنا وبعدها خشت نوران وكان وراها مراد يساعد فيها ع فيلوا
ع جيت ولاء مش فاطنه لمراد : هيا تعالي نسقملك شعرك قبل مانخ وسكتت بعد حقت مراد
مراد قعد يبحت فيها غمزلها
بحتت واستوعبت وعدت خشت تجري
نوران :هههه حرجتها
مراد قعد مبتسم وهو يذكر في شكلها
فطن لروحه وطلع عدي شور المزرعه
ع جيت ام نوران قعدت اتزغرد وعيونها مدمعات
وضبطت نوران
نوران ادموعها نزلن
جت سرور سقمت تسريحه نوران وبعدها
جو مراد وقصي عسان يخششوها جت نوران سلمت عليهم وحاولت تمسك دموعها وكانت نوران طلتها جميله جدا جدا خشوا مع بعضهم وتوجهت الانظار لهم في الي حسدها وفي الي تمنالها الخيرر وكانت نوران خستها مع خوتها زادت حلتها اخري
قصي الي كان يدور في اعيونه ع البنت الى خشت قلبه وعقله بدون مايعرف
وت عينه في عينها ابتسملها وشيرلها والبنات طول وجهوا انظارهم لبنت الي شيرلها وكانت نطارتهم مليانه غيرة وحسد
اما مراد الي كان ايدير حركات لولاء ولاع باله اصلا
وصلوها للكوشه وجت المصورة خذتلهم كم صورة
وجت بنت عمهم ريم ريم كانت تحب قصي من الطفوله وحتي اعترفتله بس قصي صدها وكانت بنت استغفرالله امدلعه دلع خارب تجعون وهكي
جت سلمت عل نوران : الف الف مبروك
نوران بنظرات ازدراء: الله يبارك فيك
جت مدت يدها لقصي : اهلين يابيبي
قصي بحتت فيها بنظرات وبدون مايسلم عليها: اهلين وكلمه هذي معاش اتعاوديها
وطلع ولحقه مراد
ام شروق بعد شافت الموقف حست بنار والعه فقلبها وغيرة كان تحصل تنط ع ريم وتريشهابس تماسكت
جت عينها في عين قصي طنشت
ان قصي ابتسم بعد شاف خدودها حمر من الغضب
وطلعوا
وجن البنات والصبايا يباركولها
وجت المنظومه وولعت الجو تحمسنا كلنا رقينا فووق وقعدنا نرقصوا ورقصت معانا حتي نوران
وكان الجوو خيااال
أنت تقرأ
بهدلنـِـي الـטּـصِيــب .
Ficción Generalروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
