هاي حبايبي رجعتلكم بجزء جديد وكل سنه وانتو بخير 🫶🏻🫂بحلول عيد الفطر المبارك واتمنى ان تكونوا دائما بصحه وسلامه يارب وتوا إلى فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة ( الابذكر الله تطمئن القلوب ❤️ .)
# بهدلني النصيب
قراءة ممتعة 🫶🏻
______________________
تمينا انهدرزو وبعدها جو اهالينا روحنا
والحمدالله ان كملنا امتحانات كان حمل وانزاح علينا روحت فرحانه
خشيت ونسمع عزو وياسر ايتكلموا وياسر كان امعصب شدني الموضوع
ياسر 😠: تي كيييف ماتقوله ليا
عزو : غير وسع بالك قالي قصي بكرا جاي ايهرب وعابي ايرد للمصر
ياسر😠 : تي والله الكلب مامخليه نقعد عيل كان خليته ايعدي بعد إلى داره ف اختي
انا انصدمت 😨بعد عرفته انه فرج ادموعي تمن ينزلن لااراديا
عزو : على حسب ماقاله انه يبي ايسلم البضاعة للراجل قدام المطار يعني يسلمه له وبعدها ايرد للمصر طول
ياسر : وربي لما نقتله
عزو : هدي أعصابك بس ماتقربش اصلا البضاعة إلى يبي يهربها مش اشويه يعني تخششه مؤبد يبال نحن زدنا من عندنا عنف وتعذيب
ياسر : ساعة كم جاي
عزو : قالي قصي ساعة ٩ الصبح
ياسر : تمام
انا خشيت نجري للدار تميت نبكي كنت خايفة انه ايجي حسبي الله ونعم الوكيل فيه تميت نبكي😭 على خشت ياسر شكله لمحني وانا خاشه نجري جاني : عليش تبكي
انا : خايفه ياياسر خايفه
ياسر جا حضني🫂 : ماتخافي وانا عايش ولا حيقدر ايجي يقربك خلاص توا ينحبس
لعند ايعفن
انا زدت حضنته🫂 : ربي مايحرمني منكم
ياسر ابتسم😊 : ولا منك
ياسر : توا صبي يابكاية اغسلي وجك وتغدي
انا ابتسمت 😊: تمام
_____________________
عند أهل سندس
سليم : ويييييين الغداء الزح جعان
ام سندس : هي ياوليدي قريب ايطيب
سليم : كيييف قريب ايطيب توا دبرلي حاجه ناكلها
ام سندس : باهي ياوليدي عدي تو انديرلك سندوتش بالتن
سليم : فيسع اسرعي
سندس : احترم نفسك كنك اتعيط في وجه امي انت
سليم ضربها كفف😠👋🏻 : سكري فمك انتي مادخلكش
سندس : مانيش ساكتة خلاص ماسكتتت الا واجد
سليم تم يضرب فيها على خشت باته
: سلييييم اطلق البنت ومعاش تقربها
سليم : ربي بنتك راهي مش متربية القليلة الأدب
الاب ضربه كف👋🏻 : احترم نفسك انت إلى قليل الادب
تموا يتعاركوا وطيح عليهم امهم اغمى عليها
سندس اتعيط : ماااماااا
الاب وسليم شالوها وركبوها ف السيارة
طلعت اسراء : شن فيه خيركم
سندس : ماما اغمى عليها
اسراء : شنوو
سندس خذت عبايه وشاح وركبت ف سيارة تلبس امها وصلوا للمستشفى
وتموا يستنوا وبعدها طلع للدكتور : انت أهل المريضه
سندس : نعم نحنا
الدكتور ايبحت في سندس كيف خشمها احمر مم البكاء ودموعها ينزلن😭 بعدين استقاظ على روحه : الوالدة عندها القلب ومن الزعل اغمى عليها فحاولوا تبعدوها عن الزعل والحزن لان مرات لاقدر الله اتموت
سندس والاب : القلبب😨
الدكتور : كيف مش عالمين
الاب : لالا
الدكتور : توا تقعد ف العنايه انشوفوا حالتها وكل اسبوع اتجبوها بيش انديرولها فحص
الاب : انشالله
سندس انهارت ابكاء
قعدوا ق العنايه لين جي اليل
سندس : بابا عدى الحوش تريح من الصبح وانت امصبي
الاب : لالا يابنتي مايصير انخليك هنا ابروحك
سندس : بابا عشان خاطري هدي وبعدين انا هنقعد مع ماما ف الدار اطمن يابابا
الاب : تمام ديري بالك من روحك
عدى الاب قعدت سندس ابروحها ف الممر بعدى بأنها انهارت تمت تبكي وضامه رجليها : اخخخخ يارب ساعدنا ياااارب انا مالي غيرك يارب
وفجأة حست بيد في كتفها انفجرت صبت طول بحتت لقت الدكتور : خير يادكتور في حاجة
الدكتور : لالا بس القيتك تبكي جبتلك امية تشربي ....مدلها شيشة امية
سندس خذتها😊 : شكرا
الدكتور : ولو كان خاطرك اتفضفضي فضفضيلي عادي اعتبريني صديق
سندس : شكرا دكتور
الدكتور : العفو
سكتوا اشويه
الدكتور : كم عمرك انتي
سندس : عشرين
الدكتور : العمر كله انشالله
سندس ابتسمت 😊
الدكتور : اسمك سندس صح
سندس باستغراب : كيف عرفت
الدكتور ضحك : سمعت باتك قالك سندس
سندس : ايه اسمي سندس
الدكتور : عاشت الاسامي
سندس : وانت اسمك
الدكتور : انا اسمي وسام
سندس : اسمك حلو
الدكتور : شكرا
سندس فطنت الروحها : اه دكتور نبي انخش تصبح على خير
الدكتور ابتسم 😊: انتي من اهله
__________________
جا ثاني يوم وانا كنت خايفه بكل وياسر وعزو طلعوا من انمبدري
سرور : شروق تعالي افطري
شروق نرعش : ماعنديش نية
سرور : كنك ترعشي
شروق: ماكني شي بعد تطلعي صكري وراك
سرور طلعت وصكرت الباب
______________
قصي ايكلم في واحد : حاصروا المطار كله وبعد اتحقوه امسكوه هو والراجل والبضاعة ماتخليهش يفلت منكم
الراجل : حاضر سيدي
جا عزو : امتى يبي ايجي هذا خيره طول
قصي : اصبر اشوي
قعدو اشوي هكي بعدها جا راجل
: سيدي فرج وصل
قصي : هي بسرعه ديروا الي قلتلكم عليه
خشوا رجاله واجد وحاصروا المطار
على طلعت فرج من الدار إلى كان متفق هو والراجل انه يسلم فيها
والراجل طلع وراه
قضي : ارفعوا ايديكم اديروا حاجه طلقة في رجلكم
الراجل وفرج رفعوا ايديهم عل جيت ياسر يجري خذا فرج من فلينته ويعطيه بوني على وجه ويطيح فيه عرايك جا قصي تم ايحز بيناتهم
قصي : اهدا ياراجل ماديريش هكي
ياسر بعصبية نفض فرج وطيحه
فرج يستفز فيه : ههه شنجو ياخو طليقتيي
ياسر : صكرله فمه خير مانقتله
فرج : ههههههه ماتقدرش ياخو طليقتي ههههههه
ايجي ياسر ويطيح فيه ضرب مرة أخرى
ايجي عزو يمسكه : ياسر اهدا هو يستفز فيك يبيك ادير هكي
ياسر وخر من عليه وعدى 😠
جو الشرطه ومسكوا بيهم
عزو جا لقصي : شكرا والله بدونك كان مانسكنا بيه
قصى : يرا عيب ياراجل كان ما وقفت امعاك في وقت هذا
عزو : بارك الله فيك ،،سكت اشويه بعدين قال ،،،،،،باهي شن رايك اتجيب هلك ونعدو مع بعضنا للشاليه في بحر حاجز فيه وكبير ايسدنا وبزيادة انغيروا جونا
قصي : تمام تو انشوف العيلة
عزو : اوكي هيا سلام عليكم😊
وكل واحد روح
________________
عندي اني كنت خايفة ونراجي في عزو وياسر تميت انراجي فيهم وبعدها سمعت صوت باب انفتح طلعت نجري ألقيت ياسر
اني :ءء شنو صار ياسر ءءوين عزو
ياسر جا حضني🫂 : ماصار شي تريحي وفرج معاش فيه بح
اني : كيف بح
ياسر : حكالها كل شي وكيف قصي ساعدهم وهكي
اني : والله بارك الله فيه
ياسر : اي والله توا جيعان عدى دريلي حاجه ناكلها
اني : حتى اني تو انصبي اندير حاجه اناووياك وعزو أكيدة حتى هو جيعان
على خشت عزو : اي والله جيعان بكل
عديت درت بريوش وحطيت وكليناه
وبعدها تمينا انهدرزوا
عزو : اسمعوا
نحنا : نعم
عزو : حجزت في شاليه بكرا وعزمت صاحبي قصي لموا دبشكم مم توا وبكرا فصبخ بدري نتوكلوا
سرور 🤩: يسسسسسس تو انعدي انقولها للبنات وعدت تجري
_____________________
عند سندس كانت راقدة
على خشت الدكتور وسام يبي يفحص الوالدة يحسابهاواعيه وقف وقعد يتأمل فيها ( سبحانه الله تقول ملاك ماشالله تبارك الرحمن ) وبعدها صحى على روحه طلع من الدار وطق الباب نطت سندس مم النوم صبت حلت الباب لقت الدكتور وسام : صباح الخير
سندس : صباح النور
وسام : جيت نشوف حالة الوالدة بيش انديرلها خروج
سندس😳 : ءء تفضل ووخرت
خش قعد يفحص فيها على خشت الاب
: سلام عليكم
نحنا : وعليكم السلام
كمل الفحص : توا حنديرلها خروج بس حاولوا ما تزعلوهاش وحاولوا تبعدوها عن حمل الحاجات الثقيله وماتصبيش واجد
نحنا : انشالله
دكتور وسام : انشالله الف لاباس عليك
الام : ماريت بأس
عدى دكتور وسام ولحقه الاب
الام بحتت في سندس : مشالله عليه الولد ذوق وأخلاق سلم إلى رباه
سندس : ايه والله
الام : شكله معجب بيك ايبحت فيك وخلاص مانزل اعيونه
سندس بهزوه مختلطةبالاحراج : شني معجب بي اني ههه خليني ساكتة
ألام : شن ناقصك سمحه وأخلاق وذوق
اني تنهدت : ايصير خير
جا الاب وروحوا للحوش اسراء جت تجري حضنت الام وبعدها بشوية خذوها حطوها فالدار ترتاح
____________________
عند قصي روحت وكنت تالف بكل خشيت رقدت. وبعدها نضت عل غداء تغدينا
وتمينا انهدرزوا
اني : امي بكرا عازمنا صاحبي في شاليه عل البحر لموا دبشكم وانتي يانوران جو مكياج ودقيق الي تحطي اديريه ياويلك
نوران من كل فرحتها تكت اتزغرد : لولولولوليي لولولولي طيب فينا 🤣
قصي وج فيها المخدة : عدى مافيش حشم بكل
عادل : هههه انا را مايصير مني عدو انتو
اني : علاش
عادل : عندي اجتماع بكرافي #$# واحتمال انباتوا غادي
اني : اتجي بسلامة
نوران : عدت تجري رنت على سرور ردت
نوران :اسمعي الخبارة هذ
سرور : شنو
نوران :بكرا ماشيين للشاليه صاحب قصي عازمنا
سرور : والله
نوران : ايه دعيتله من وسط قلبي عشان عزمنا كسااد بكل
سرور ضحكت😄 : واذا قلتلك صاحب قصي هو عزو
نوران : كذاااااابه يس يعني اتلاقوا غادي وعدينا جوو
سرور: ايه
نوران: خلاص وجك خليني انوتي
الدبش
سرور: باي
نوران عدت تجري للمراد : مراااااااد😅
مراد كان راقد نط مفجوع : كنك ياحمارة
نوران : على قولتك الحمارة مانيش قايلة
مراد رد غمض اعيونه: باهي اقلبي وجك
نوران : لكن هالمرة انسامحك اليوم ماشيين للبحر عازمنا صاحب قصي عزو
مراد : باهي
نوران : جايين معاهم منننننن
مراد : من
نوران : خالتهم
مراد :باهي ياباردة امنوضنتي عشان اتقولي هذ
نوران : ما ياغبي خالتهم بنتها ولاء
مراد نط😲 : صح كيف مافكرتش فيها
نوران : ما اصلك غبي
مراد : لنقانك الا ثلبة
نوران : نعجبك بس مش ثلبة
مراد : انتي الجمال كله والله عسل
مراد : باهي يااختي العزيزة شن نلبس هذ ولاهذه
نوران : التيشيرت الاسود احلا
وطلع امعاه سروال اقصير ابيض
مراد : تمام بكل توا اطلعي ونبي وتيلي امعاك دبشي طلعي لبسه للعوامه ولبسه أخرى تمام
نوران : باهي لكن عشان هالبشارة نبي حاجه
مراد : قطوسة وجبتها لكي شنو اخري
نوران : هذه خليها بعدين
___________________
اني : هيا ياماما تأخرنا را
ماما : هي هي
سرور أتصور📸 : ووه واخيرا ماشيين للبحر
اني : تعالى هنا وتى امعانا وانتي اتصوري
سرور دارتلها بيدها🤟🏻 وعدت
جو عزو وياسر ركبوا الحاجات وبعدها خالتي جت عشان انعدو مع بعضنا
وركبنا السيارةوتوكلنا على الله 💕
___________________
انتظروني ف الحلقه القادمة وحنديرها اشوي خيالية ❤️🫶🏻قوليلي رايكم ف الجزء هذا
للكاتبه : لولي
LOLY🥀🍃.
لايك كومنت
(صلوا على رسول الله صلى الله عليه وسلم ) .
أنت تقرأ
بهدلنـِـي الـטּـصِيــب .
Tiểu Thuyết Chungروايه : بهدلني النصيب في أحداث منها واقعيه وحقيقيه وممزوجه بالخيال للكاتبه : LOLY 🥀🍃. اتمنى ان تعجبكم
