Tell me''Love You'' [completed]

Part.10

ယောအိပ်ရာကနိုးတော့ညခုနှစ်နာရီပင်ထိုးနေပြီ။
ကိုကိုကလည်းခုထိမလှုပ်မယှက်အိပ်နေဆဲ။
ယောကိုကို့လက်တွေကိုအသာဖယ်ကာအိပ်ရာကထဖို့ပြင်တော့ကိုကိုကယောကိုပြန်ဆွဲဖက်ထားလေသည်။

''ကိုကို ကိုကိုနိုးနေပြီလား''

''အွန်း''

ယောကိုကိုနဲ့မျက်နှာချင်းဆိုင်အိပ်လိုက်ပြီး

''ကိုကိုသက်သာလားဟင်''

''သိပ်မသက်သာသေးဘူး''

ကိုကိုကမျက်လုံးမဖွင့်ဘဲယောမေးသမျှကိုဖြေနေ၏။

''ယောတို့ဆေးခန်းသွားပြရအောင်လေ နော်ကိုကို''

''မသွားဘူး သွားလည်းမထူးဘူး''

''ကိုကိုကလည်း အဲဒါဆိုညစာစားပြီးဆေးလေးတော့သောက်လိုက်နော်''

''ခုနကမှသောက်ထားတာလေ''

''ဒါဆိုညစာစာတော့စားနော် ​ယောလေ ကိုကို့အတွက်ခေါက်ဆွဲပြုတ်ပေးမယ် ကိုကိုစားမလား''

ကိုကိုကမျက်လုံးတွေဖွင့်လာပြီးယောကိုသူနဲ့ပိုပြီးနီးကပ်သွားအောင်ဆွဲကပ်ကာ

''ယော''

''ဟင်''

''ကိုကိုကခေါက်ဆွဲစားချင်တာမဟုတ်ဘူး မက်မွန်သီးစားချင်တာ''

''ဟမ် ​ဒီအချိန်ကြီးမက်မွန်သီးကဘယ်ကရမှာလဲကိုကိုရဲ့''

''ကိုကိုပြောတာအသီးမက်မွန်သီးကိုပြောတာမဟုတ်ဘူး ယောရဲ့မက်မွန်သီးကိုပြောတာ''

''ဟင် ယောရဲ့မက်မွန် အာ ကိုကိုနော် ဘာတွေပြောနေတာလဲ နေမကောင်းဘူးဆိုပြီးတော့နော် ဖယ်တော့ ယောကိုကို့အတွက်ခေါက်ဆွဲသွားပြုတ်ပေးမယ်''

''ကိုကိုလည်းလိုက်မယ်''

''အင်း''

ယောကိုကို့အားအိပ်ရာမှထူပေးပြီးကိုကိုနဲ့အတူအောက်ထပ်ကိုဆင်းခဲ့၏။

ယောတို့ကိုမြင်တော့မဝေကအိုးခွက်ပန်းကန်တွေဆေးနေရင်းမှ

''အယ် မမလေးတို့ဆင်းလာကြပြီလား မဝေကမမလေးတို့ညစာမစားတော့ဘူးထင်လို့မဝေကဟင်းပန်းကန်တွေတောင်ရေခဲသေတ္တာထဲထည့်လိုက်ပြီ မဝေပြန်နွှေးပေးမယ်နော်''