Tell me''Love You'' [completed]

Part.7

သူအခန်းထဲမှာလှဲနေပေမယ့်စိတ်ကယောဆီသာရောက်နေ၏။ဒီကောင်မလေးကပြောရဆိုရတအားလက်ပေါက်ကပ်တာပင်။
နေ့လည်ကအခန်းထဲဝင်သွားပြီးကတည်းကခုထိလုံးဝပြန်ထွက်မလာသေး။
ချော့ခေါ်လည်းမရ ခြောက်ခေါ်လည်းမရ။

''ချောက်''

ပတ်ဝန်းကျင်ကတိတ်ဆိတ်နေပြီမို့အခန်းတံခါးဖွင့်သံကိုပီပီသသကြားလိုက်ရ၏။
သူချက်ချင်းအခန်းပြင်ကိုအမြန်ပြေးထွက်လာတော့ယောကလှေကားထိပ်မှာတောင်ရောက်နေပြီ။

''ယော''

သူခေါ်တော့​ယောကဖြူဖပ်နေတဲ့မျက်နှာ ခြောက်သွေ့နေတဲ့နှုတ်ခမ်းတွေနဲ့သူ့အားလှည့်ကြည့်လာ၏။

''ယော''

သူချက်ချင်းသူမကိုဆွဲပြီးနဖူးတွေပါးတွေကိုစမ်းကြည့်လိုက်၏။

''ယော မင်းဒီလောက်ပူကျစ်နေတာကိုဘာလို့ပေတေနေတာလဲ ဟမ်''

''ယောကိုလွှတ်ပါ ယောရေအရမ်းဆာလို့ရေသွားသောက်မလို့''

''ငါ့အခန်းထဲမှာရေရှိတယ် လာခဲ့''

သူယောအားဆွဲခေါ်လာ၏။ယောကလည်းသူ့နောက်ကနေတရွတ်တိုက်မတတ်ပါလာလေသည်။

အခန်းထဲရောက်တော့နိဒါန်း ယောအားကုတင်ပေါ်မှာထိုင်စေပြီးရေခရားထဲကရေကိုခွက်ထဲထည့်ကာကမ်းပေးလိုက်၏။

ယော ကိုကိုပေးလာတဲ့ရေကိုအငမ်းမရသောက်လိုက်သည်။ပြီးတော့ဖန်ခွက်အားကိုကို့ကိုပြန်ပေးလိုက်၏။

''လှဲအိပ်လိုက်''

''ဘာလုပ်မလို့လဲ''

''မင်းဘာဖြစ်တာလဲစမ်းသပ်ကြည့်မလို့လေ''

''စမ်းသပ်စရာမလိုပါဘူး ယောဒီအတိုင်းဖျားတာပါ''

''လှဲဆိုလှဲပါ''

ယောကုတင်ထက်မှာလှဲအိပ်လိုက်၏။

ကိုကိုကသူ့နားကြပ်ကိုယူပြီးယောရဲ့ရင်ဘတ်အနှံ့ကိုစမ်းသပ်ပေးသည်။​ပြီးတော့သွေးပေါင်ချိန်တွေရောအကုန်တိုင်းပေးပြီး

''အအေးမိသွားတာ ဖြစ်မှာပေါ့ ရေကိုတစ်နေ့သုံးခါလောက်ချိုးနေတာကို''