الفصل الرابع "دقة قلب"
نظر له باسل للحظات رافعًا أحد حاجبيه باستنفار ليتنهد قائلًا ببعض الحدة ممزوجه بضيق:
_أي الكلمتين مش واضحين بقولك أطلع بره، مش معنى إنِ سكت على وجودك هنا وقعادك مع أختي قدام حسام، فأني راضي لا أنا سكت بس عِند في حسام مش أكتر غير كدا مشكور ويلا مع السلامه.
نظر يوسف ليُمنى فوجدها مرتبكه ومتوتره اقترب منها مربتًا على راسها بحنان وهدوء قائلًا دون أن يعير باسل أي اهتمام:
_أنا همشي الوقتي بس عشان أسيبك ترتاحي لأنك مش هتستحملي اي ضغط أو شد وجذب قدامك، لكن مش محتاجه أقولك إنك لو احتاجتي أي حاجه في أي وقت أتصلي بيا يا يُمنى، وهبقى أطمن عليكِ تاني.
عقد باسل حاجبيه بضيق فالواقف امامه يسفهه كلامه ولا يعيره أي اعتبار!! انتظر خروج يوسف من الغرفه لينظر لأخته مقتربًا منها قائلًا بعدما جلس جوارها وعانقها مربتًا على ظهرها بحنان:
_اللي أسمه يوسف دا سئِل جدًا، بس شكله كدا والله أعلم معجب بيكِ.
ابعد راسه ينظر لوجهها يحاول قراءة ملامحها ليجدها مرتبكه فتنهد بهدوء متفوهًا بعتاب:
_الظاهر إن السنه ونص اللي فاتوا دول كنت غافل عن حاجات كتير وهتقوليهالي يا يُمنى مش عشان أعاقبك عليها، لا عشان أنا أخوكي وسندك وصاحبك وبير أسرارك زي ما أنتِ بير أسراري ولا أنتِ عندك راي تاني؟
هزت راسها بالنفي وهي تختبئ به مرة أخرى تطلب منه بعض الأمان أن يطمئنها ويخبرها أن كل شيء على ما يرام وأنها ستكون بخير وكل سيء سيمر ولكن هيهات فعقلها يرفض فكرة ان كل سيء سيمضي فكيف لقلب تفتت أن يعود كما كان.
...
خرج من المستشفى بثبات وخطوات هاديه ليجد ما يعيق طريقه وعلى وجهه كل معاني الحقد والغضب يقف امامه ينوي الشر ولا شيء سوى الشر:
_أنت عايز اي، ملقيتش غير يُمنى وتقرب منها أنت عارف أن يمنى تخصني وبتاعتي وأننا بنحب بعض، ليه كل حاجه بعوزها بتحاول تاخدها ليه بتطمع في اللي فأيدي ومعايا؟! أنت اناني يا يوسف وأنا مش هسيبك تتهنى أبدًا.
كاد أن يسدد له ضربه تفاداها الاخر قابضًا على ذراعه قائلًا بحده:
_أولًا بطل تبقى بؤق دايما وبتاع كلام وبس خليك مرة افعال من غير كلام، ثانيا ودا الأهم يُمنى مش بتاعتك و..
قاطعه حسام بانفعال يحاول ان يفلت ذراعه من قبضته لكن دون فائدة:
_ولا يُمنى بتاعتك يا يوسف.
رفع يوسف حاجبه باستنكار قائلًا بنفس النبره الثابته:
_مين قالك أن يمُنى بتاعت حد يمنى بتاعت نفسها وخد بالك أنت مش الضحيه هنا يا حسام أنت هنا الخاين والغدار ولو مش واخد بالك أنت سايب مراتك بعد فرحكم بيوم وجاي تطمن على اللي غدرت بيها، هو مش كدا يعتبر بتعمل عملتك تاني وتغدر بالغالبانه اللي استأمنتك على نفسها واتجوزتك؟! ولا أنا غلطان؟ أما بالنسبه لاني باخد اللي في ايدك ومعاك فأنت خايب يا حسام وانا مباخدش حاجه إلا اللي أستحقاها.
