سەدەی پیاو✔️

Part 9

سەختە بڕوا بکەم چیتر خاتو گالێریۆ لەگەڵ ئێمە نیە ، ئەو ڕۆشت بۆ ئاسمانەکان ، جەستەکەی سوتێنرا و بینیم کە دوکەڵەکەی ئەڕوا بۆ ئاسمان ئەوەی ھەمیشە قەشە نیکۆلاس باسی ئەکا ، رۆحە پاکەکان ئەڕۆن بۆ ئاسمان بۆلای پەروەردگار

ھەموومان لە کلێسەداین نزیکی مانگێک بەسەر لەدایک بونی یەکەم کچی بەڕێز گالێریۆ تێپەڕیوە یا باشتر بڵێم مانگێک بەسەر مردنەکەی خاتو گالێریۆ تێپەڕیوە

ڕۆژی یەک شەممان لەکلێسا کۆ ئەبینەوە بۆ نزاکردن بۆخۆمان و بۆ مردوەکان ، من نزا بۆ خاتو گالێریۆ ئەکەم پێم وایە زۆربەی ئەوانەی لێرەن نزای بۆ ئەکەن سەیرێکی ڕیزی تەنیشتم کرد لە کورسی پێشەوە بەڕێز گالێریۆ دانیشتبوو دەستەکانی لەیەک ئاڵاندبوو و نزای ئەکرد ،

حەزەکەم بزانم نزا بۆ چی ئەکا ، سامان !! خۆ ئەو دەوڵەمەندترینە لە گوندەکە ، دەسەڵات !! خۆ ئەو دەسەڵاتیشی ھەیە و کوێخای گوندەکەیە و کەس لەقسەی دەرناچێ وە ھەروەھا لە دەساڵتدارانی پایتەخت نزیکە

لەوانەیە بۆ کەسێکی ئازیزی نزا بکات ، ئەکرێ بۆ خاتو گالێریۆ بێت ؟ پێم وانیە بکوژی کەسێک نزا بۆ کوژراوەکە بکات ، پێم وایە نزا بۆ ئەوە ئەکا کە خودا لە دونیاکەیتریش ھەمان دەسەڵات و پلەو پایەی پێ بدات

خەڵک زیاترو زیاتر ئەھاتن بۆ کڵێساکە و خەریک بوو ھەموو کورسیە بەتاڵەکان پڕ ئەبوونەوە ، قەشە نیکۆلاس ھات و لەپێشەوە وەستاو دەستی کرد بە وتاردان ، لە ھەفتەیەکدا دوو ڕۆژ وتارمان بۆ ئەدا بەڕاستی قسەکانی کاریگەرن ، زۆرجار ئافرەتەکان ئەجاتە گریان وە ھەموو کاتێ بەتەمەنەکان ئەخاتە گریانێکی قوڵ بە وتارە کاریگەرەکانی ، بەڵام ھیچ کات کاری لەمن نەئەکرد زۆر باش لە قسەکانی تێنەئەگەشم بەھەرحاڵ تاکە شتێک لێی حاڵی بم ئەوەیە کە دوای مردن ئەڕۆین بۆ بەھەشت

دواتر بەیەکەوە دەستمان بە وتنەوەی دەقەکانی ئینجیل کرد و مەراسیمی نزاکردن تەواو بوو ،لەکۆتاییدا ھەمومان ھەستاینەوەو کاتی ڕۆشتن ھات ،

بینیم بەڕێز گالێریۆ ڕۆشت بۆ لای قشەو دوای سڵاو کردن دەستیان بە گفتوگۆکرد ، پێم وابوو دەربارەی کچە تازە لەدایک بوەکەی قسەئەکا بەڵام گوێبیست نەبووم کە چی ئەڵێ بەھەرحاڵ دوای سڵاوکردن لە قەشە ئێمە ڕۆشتینەوە بۆ ماڵەوە

چەند ڕۆژێک تێەڕی بەسەر ئەوەیا دایکم و باوکم لەسەر مێزی نانخواردن دەستیانکرد بە قسە دەربارەی بەڕێز گالێریۆ

خاتو لانی
" ئەوە شتێکی خراپ نیە کە کچەکەی بۆ کلێسا تەرخان بکات "