أضحكي لي ياليال العُمر دام العُمر مرّة

البارت الثاني

انستقرام :_rwaia11 موجوده فيه التشبيهات والتنزيل فيه أسرع ❤️

بنصف الاسطبل الكبير, تتمشى بين الخيول بفستانها الوردي تتأملهم بتركيز تام وهدوء ,جذبها وجود شخص يمشي بأتجاه الإسطبل والواضح انه من عيال عمها لكن بسبب ضعف نظرها ماركزت مين بالضبط صدت عنه متجاهله وجوده تمشي خطواتها تنزل رأسها لأجل تطلع من بين حدود الإسطبل بأستعجال ومن غير ادراك وقعت على الارض بسبب السياج الي تعلق بطرفه كعبها تصرخ بألم من ركبتها يلتفت لها بغرابه من منظرها يتوجه لها ويهز راسه بمعنى"عمياء" اللي كادت تكون على طرف لسانه لولا مُلاحظته لتبلل ملامحها من دموعها مد يده بصمت لأجل يساعدها توقف, رفع حاجبه بغضب من رفضها ونطقها:مالك دخل فيني روح بعيد حاكم ,ضحك بسخريه:يعني تتوقعين اهتميت بشكل خاص فيك بسبب يدي اللي مديتها لك؟ لا ترفعين سقف احلامك يابنت خالد ,الانسانيه هي السبب ولو كان اي شخص غيرك بمكانك كنت مديتها له ماهو شي خاص لك ,صُعقت من رده الغير متوقع و"القاسي" بنظرها رغم ان مابينهم الا لحظات قليله وكان يبان على عيونه حُبه لها ولكن اخر فترة صار قاسي لها ولمشاعرها والسبب غير واضح لها, ولكن الان وكأن شكوكها بدأت تتأكد بأن صاحب رسالة النُقطه هو وربطتها ببالها لأنها ماعرفت رقمه ممكن يكون زعل!,ضحكت تساعد نفسها على الوقوف رغم ألم رُكبتها الفضيع والجرح اللي بدا ينزف وابتسمت بغيض له:وانت غبي اذا تتوقع ان النُقطه تقدر تخليني ألتفت لك,ايش الجديد ياولد تركي؟ دايم ترمي كلامك بثقه ان الشخص اللي قدامك بينجرح وبيستمر يمشي معاك ولكن مو انا هذا الشخص ,عقد حواجبه من كلامها الغير مفهوم له وهو اللي يفهم الكلمات المُبطنه لكن كلامها كان فعلًا غريب :اها تقولين انك مو مهتمه يعني بحاكم؟,ضحك يرفع كتوفه يستكمل كلامه: واضح من ردودك الغير مفهومها تتوقعين منها بتطولين الكلام معي ولكن مايهمني ولا شيء قلتيه ,واذا قصدك بالنقطة شيء مجازي فا أنتي حتى مو نقطة بقاموسي انتي ولأ شي,التفت بيمشي  تاركها الى ان شعر ب ضربتها على ظهره بغضب:انت تافه اكرهك حاكم انا صدق اكرهك تأخذ مني مواقف بدون أسباب تروح وتتوقع اني بنتظر رجعتك انت غلطان انا أفنان الكل يتمنى مني النقطة اللي انت تشوفني اقل منها, انت أساسًا بدون سبب جيت هنا لعندي بس عشان تسمعني كلامك الزفت هذا؟ايش متوقع مني ؟امسك يدينك وانت حتى النقطة ترسلها لي ,انا النقطه؟ وانت اللي لك ليالي طويله صاد عني وتسمعني كلام؟انا افنان تقارني بشي تافه مثل كذا تتوقع برد عليك؟تتوقع بفهم انه انت ؟اذا فعلا انا ولا شي عندك ليه ارسلت لي؟,عقد حواجبه يحاول يستوعب كلامها"لانه مايذكر انه ارسل لها شيء بس هي الان تتهمه بالرسالة اللي مافهم محتواها",رفعت شعرها بيدينها بين رجفة اصابعها الواضحه تناظر عيونه ماتشبع من ضربها لصدره من حُبها المظلوم بنظرها بسبب انه جرح كبريائها وتغيره المُفاجىء اخر فتره بسبب ماتعرفه ,تكمل تضرب صدره برجفتها وتنطق من بين بكائها:اكرهك واتمنى اني ماعرفتك ولا يوم بحياتي اتمنى لو كنت اي شي ثاني الا انك ,رفعت اصبعها تأشر على ايسرها "حاكم قلبي",ختمت حروفها الغاضبه ب "اكرهك",يسمع حروفها يسمع قهرها بين كل كلمه والثانيه يُصعق من دموعها المُتناثره بين عتاب والثاني لأول مره يشعر بأنها "ممكن تكون فعلًا هي تحبه",ماتهون دموعها على قلبه حتى لو كانت هي الغلطانه بنظرة بسبب اقوال فيصل بأنها تحبه وتلتقي معاه بين فترة والثانيه وتتعذر بطلعاتها انها بدار الازياء الخاص ب ليال تساعدها !,مسك يدينها يحاول يمنعها من أنها تألم نفسها وكفوفها بالضرب على صدره ,يناظر لعيونها ووجنتيها العالق فيها شعراتها بسبب دموعها يركز عيونه بين عيونها يحاول يسحب غضبها وانهيارها من روحها يحاول يفهم سبب انهيارها الغريب ,كلامها وحروفها اللي أحرقت له روحه :أفنان انا بسأل...,قاطعته بغضب تمسح دموعها بعشوائية:لا تنطق حروف اسمي بلسانك اتمنى ماعاد تحاول تتخطى حدودك معي انت فقط ولد عمي ,مااهلّك نفسي مع شخص اناني مثلك ,التفتت تمشي خطواتها بصعُوبه من الآلم ولكن تحاول تهرب منه بسرعه لأجل تنهار بعيد عنه لإن قربه مايزيدها الا قهر وألم ,راقبها بين نظراته العالقه فيها يشوف كيف تحاول تسرع خطواتها رغم تعبها ,يحبها ولكن يحب كرامته أكثر,يفكر هل ممكن تكون فعلًا تحب فيصل؟ هل ممكن تكون بيوم معاه بس لأن هو يحبها او لأجل تنسى حُبها الممنوع مع فيصل؟ ,معقول نظرات الحُب اللي كان يشوفها بعيونها ماكانت الا انعكاس مشاعره عليها؟,يغرق بأفكاره يغرق ويتمنى لو انها تمسك هي يدينه يتطمن احساسه تكون هي الصحيح بين كومة اخطاء واغلاط قلبه ..