أضحكي لي ياليال العُمر دام العُمر مرّة

البارت العاشر

التنزيل اليومي و التشبيهات بالانستا: _rwaia11 ورابط الانستا هنا بحسابي موجود
قراءة مُمتعه💘

رجعت خطواتها من تقدم لها يلف انظاره للبيت بأعجاب:والله حلو اشوفك مختفيه طلعتي مبسوطه حياة اغنياء
صدت تمشي بخطواتها السريعه للغُرفه لكنه كان اسرع منها يفتح الباب بقوته وصرخت من شد شعّرها يضحك بعالي صوته:وين بتهربين مني؟ اخوك ومرقّد بالمستشفى قولي لي وين؟
صرخت من صفعها يرمّيها على الجدار:هذي انذار احمر لواحد بيفهم انه تحذير مني له
تقدم يصفعها للمره الثانيه يلكمهّا يملآ ملامحها بالاثار,كانت صرخاتها تتردد على جدران الشقه كامله من كانت ساعه طويلة مليان بالالم والبُكاء ابعد عنها بعد طويل الوقت يلهثّ بتعب:من زمان عن الرياضه هذي تحركت عضامي
كانت متمدده على الارض يدور رأسها من شديد الألم سكرت عيونها تحاول تغيب عن الوعي ماودها تحسّ بالأكثر فتحتهم بعد طويل الوقت تلمح خروجه سندت نفسها تجلس على الارض وتنزل يدها من ثغرها تلمح الدم اللي ملآها بكّت بحسرتها ومن كل شعور داخلها يضغط عليها لفت لصوت جوالها وقفت بصعوبه تأخذه بين يدينها المُرتجفه:هلا ليال
عقد حواجبها ليال من صوت سارة:فيك شيء؟ ماجيتي وبهاج استغرب
رفعت يدها لثغرها تكتم شهقاتها تنطق بصعوبه:جايه
نزلت جوالها تمشي بخطوات مُتعبه دخلت تفتح المويه فوق رأسها تتمنى لو تنغسل اتعابها الداخليه مع الخارجيه,لفت بعد طويل الوقت الصامت بينها وبين نفسها تغير ملابسها تقدمت للمرايه ولا مره صقر تعمد يعّلم على ملامحها دائمًا علاماته بالاماكن المُغلقه فهمت انها فعلًا رساله ولكن كل ظنها انها لبهاج,تنهدت تأخذ بيدها كل شيء ممكن يختفي الاثار وبكت بعد الدقائق الطويله لان ولا شيء كان قادر يخّفي الوحشيه عليها تنهدت تمشي تلبس عبايتها وتلف طرحتّها على شعرها اخذت النظاره ترفعها لعيونها تخفي فيها كدماتها ومشت خطواتها المليانه باليأس والصمت لانها تعودته ماتعودت كثيِر البكآء والإنهيار,
-
"المُستشفى"
ابتسمت ليال من دخلت الغُرفه لوجود حسناء وميثاء تقدمت تبادلهم السلام تجاورهم الجلوس وابتسمت حسناء تناظرها:ماشاء الله ماتوقعتك جراحه ناجحه مثل كذا شكلك مايعطي
ضحكت تأخذ كوب قهوه بيدها:المظاهر خداعه يعني
ابتسمت ميثاء لها ولفت لبهاج:لايقين لبعض مره مظاهركم غير عن داخلكم
اعتدل بهاج يجلس وتنهد من حّس بشديد ألألم مايوعى عليهم ابد وقفت ليال بسرعتها تمسّك ذراعه:بهاج وش فيك؟
هز راسه بالرفض مايقدر على الكلام ولفت بسرعتها تأخذ المُسكن تشربّه:قلت لك مايصلح توقف تحركت كثير بعد العمليه !
زفّر يفتح عيونه يناظرها يشد على يدها:لا تخافين مابّي شيء
حسناء:اي والله بهاج وجهك اصفر من الوجع لا تتحرك
وقفت ميثاء تمشي لبهاج تتحّسس حرارته:ماعليك حراره

بلعت ريقها ليال ماتعرف وش الشعور اللي حست فيه من يدين ميثاء على جبين بهاج تصد عنهم تهّذب نفسها عن الأحاسيس داخلها لف بهـاج يفهمها ويفهم حتى صمتها ابتسم رغم الالم يشدّ يدها يفهمها ان زعلّها يفهمه ويعرفه,رفعت عيونها له تشد على يده بالمّثل وصدت عنهم:انا بخرج بشوف ابوي
-
عقد حواجبه سلطان من لمح البنت المُتقدمه بسرعتها تغطي ملامحها بالكمام وعيونها بالنظاره الشمسيه كل الافكار السوديه بأنها تكون من طرف فيصل جت بباله تقدم بسرعته لها يردها عن دخول ممر جناح بهاج يوقف قبّالها:مين انتِ؟
تنهدت سارة من وجوده:سارة ابعد بروح لبهاج
عقد حواجبه من شكلها الغريب يهز راسه بالرفض:ليه كذا شكلك؟ابعدي النظاره اشوف
تكتفت بقّل صبر من ألم جسدها كله ووقوفها الطويل:سلطان لو سمحت ابعد مو فاضيه للتفاهات انا!
رفع يده ينزل النظاره عن عيونها يسكن كونه كله من كدماتها الواضح انها حاولت تخفيهم لكن بدون فائدة نطق بحدته:كيف وصلك؟
رفعت كتوفها بعدم معرفه:كنت بشقه بهاج واتوقع انه كان يراقبني واضح بيوصل رساله لبهاج لانه تكلم عن شيء مثل الرسالة
شد على يده سلطان يناظرها يتفحص كل الرضوض عليها ودموعها المتجمعه بمحاجرها يفهم ان الرسالة له بسبب المبلغ يهز راسه:فهمت وش يبي فهمت والله مايمر هالموضوع
شهقت ليال من خلف سلطان تمشي لساره تشد على كتوفها:صقر؟ حسبي الله عليه
هزت راسها تحاوطها ليال ونزلت كل دموعها المتحجره فيها تشد على ليال:حاولت ابعده بس هو كان اقوى مني
هز راسه سلطان:انا اعرف ابعده ليال جهزي تقرير بالكدمات لها بنعرضه للشرطه
تنهدت ليال تناظرها:بجهزه
ابعدت سارة تناظر ليال:مايحتاج بس ساعديني اخفيهم بهاج اذا عرف ماراح يتحمل وهو تعبان
هزت راسها ليال:تعالي معي
اخذتها تدخّلها المكتب تحاول تساعدها على علاج خارجّها رغم صعُوبه الموضوع ووحشيته
-
"جناح عبدالعزيز"
ابتسم بواسع ثغره من وقّفت أفنان على الباب ينطق بعالي صوته:هلا بأفنان تعالي
كانت تخجل وتتحطم من داخلها كثير على اللي صار ومن استقباله لها,دخلت تمشي خطواتها ووقفت امامه تمامًا رفعت عيونها له تهمس:آسفه
عقد حواجبه يقربها لحضنه يحاوطها:على وشو بس؟ لااسمعها منك هالكلمه ابد انتِ بنتي ان ماضحيت بروحي لك ليه اكون اب؟
ابتسمت لانه فعلًا ابوها الروحّي قريب منها وكثير تشد عليه وابتعدت تناظره:انت ابوي فعلًا
ضحكت الهنوف لهم تمد القهوه لأفنان:وسعّي صدرك طيب عمك ومافيه الا العافيه
لفت لدخول الجوهره يعدل جلسته عبدالعزيز من تقدمت تحاوطه يقبل راسها:الله يطول بعمرك يالشيخه ابتسمت رغم كثير عّبرتها تقابله الجلوس:الحمد لله على سلامتك عزيز