بين أحضان مغتصبى

البارت الثاني والعشرون

تبارك : انا قررت اطلق من مراد

اسلام : متأكده من قرارك ده

تبارك : جدا جدااا انا قبل ما اجيلك روحت ل ماما

بيتها خلاص يا اسلام مبقتش خايفه من مراد يعرف

بوجود تيام بالعكس

انا حباه يعرف بس لازم يرجع يلاقيني قويه وده مش

هيحصل غير بمساعدتك ليا

اسلام: مساعدتى ازاى

= تساعدني مش انت دكتور نفسى

ضحك اسلام : والمفروض منى ادخل قلبك وامسح

مراد يعنى

تبارك : شششش اضحك بصوت واطى تيام كده

يصحى

اخد منها الولد

سبيه معايا شويه وحشنى اوى

تبارك : صحيح ساره فين

اسلام: سابت الشغل

= ليه كده

اتنهد بصوت عالى تقريبا كده بتحبنى

تبارك بصدمه: بتحبك ازاى يعنى حب اللى هو بين

واحد وواحده

بصلها اسلام بتفحص اه

.تبارك بعصبيه : وانت بقا بتحبها ؟؟

اسلام : الحب ده حاجه عجيبه اوى مش بايد حد

ومش بمزاجنا نحب حد ونطلع حد من قلبنا

فهمت هى اللى هو يقصده

=بصى يا تبارك مراد عنده عقد كتير وكلاكيع فى

حياته

بس هو من جواه شخص حنين جدا

تبارك : بتغير الموضوع ليه احنا فى حكايتك انت

وساره

= علطول عملتيها حكايه البنت بعدت واختارت الطريق

اللى هتمشى فيه خلاص

=وانت مش زعلان علشان مشت

_ بينى وبينك البت موزه وكانت عامله حس وجو

للعياده بعد ما مشت الدنيا كأيبه كده

تبارك بحزن : لو اتجوزت انا هروح فين يا اسلام

ضحك بصوت عالى فتح تيام عيونه وبدأ فى البكاء

اخدته منه وهى متعصبه وحاولت تسكته

= انتى مدايقه من حب ساره ليا علشان خايفه اتجوزها

وابعد عنك مش كده