انزلى يا مجنونه
نزلت زينه وقعدت على الرصيف نزل وراها عامر
=ايه الجنان ده قومى معايا
_امشى وملكش دعوه بيا
عامر : زينه انتى مش صغيره على عمايلك دى يلا
علشان اوصلك البيت
= ملكش دعوه بيا لو سمحت امشى بدل ما اصوت والم
عليك الناس واقول بيتحرش بيا
عامر : هتحرش بيكى على ايه انتى فاكره نفسك بنت
اصلا
مفيش فيكى اى انوثه ، بشوفك واحد صاحبى
حتى لبسك كله زى الولاد وعلطول رابطه شعرك
بصتله بضيق وصدمه وقامت وقفت تاكسى وركبت
فيه
غمض عامر عينه
اوووف انا غبى ازاى اقولها حاجه زى دى .
________ميرا____________ميرا _____
أول ما ركبت التاكسى نزلت دموعها بصمت
السواق : فى حاجه يا استاذه بتعيطى ليه
زينه : مفيش حاجه ممكن لو سمحت توصلنى وانت
ساكت
=الحق عليا ان قلقت عليكى
بعد شويه نزلت من التاكسى وطلعت شقتها
شافتها والدتها: اتأخرت كده ليه يا زيزى
زينه : مراد بيه كان بيخلص شغله قبل ما يسافر يا
ماما
=ربنا يعينك يبنتى هحضرلك العشا
_لا ياست الكل انا اكلت فى الشغل ادخل نامى انتى
=ماشى يا حبيبتى تصبحى على خير
_وانتى بخير يا ماما
دخلت اوضتها ووقفت ادامه مرايتها وفكت شعرها
الحريرى الطويل نزل كشلال على ضهرها
زينه : ماشى يا عامر انا هوريك انا شبهه الولاد ازاى
________ميرا______________ميرا_______
راحت اسيل ل مكتب احمد
=لو سمحتى يا انسه عاوزه اقابل احمد بيه
ومتقوليش
مش فاضى او مش هنا انا بقالى اسبوع كل يوم
اجى
السكرتيره : والله دى اوامر احمد بيه انا ماليش دخل
أنت تقرأ
بين أحضان مغتصبى
Romanceالكل تخلى عنها اهلها وحب حياتها التى كانت تستأمنه على نفسها باعها وقبض تمن شرفها اما هو اغتصبها واهانها وقتل براءتها فما سبيل للخلاص سوى الموت 💔
