صلوا على سيدنا محمد❤
كل سنه وكل حبايبي طيبين رمضان كريم عليكُم أتمنى من كُل الناس الحلوه تركز في الشهر كويس وتكثف عباداتها وتطلع من رمضان متغيره للأحسن ❤ونبعد عن المسلسلات والبرامج إلي هتلهينا عن ذكر ربنا وتضيع ثواب صيام النهار بسبب الاغاني والإعلانات ورمضان جي فرصه لينا كلنا عشان نتوب الدنيا بتخلص لسه قدامنا فرصه نتقل كفه الحسنات ونكون من العتقاء من النار، النهار للصيام وللعباده والليل لقيام اللين والدعاء بالمغفره وخلو رمضان يكون بدايه ليكم أنكم تكونوا احسن نسخه من نفسكم واتمنى متنسونيش معاكم في الدعاء واهم حاجه معلش عشان نركز واحنا بندعي😂🤌🏻 تدعولي ان اكون اجمد كاتبه محصلتش واتشهر موت موت والكل يحبني ويحب كتاباتي وابقا لعنه كده مش عارفين تخلصوا منها 😂❤والزوج الصالح الي يكون بيحبني ويتقي الله فيا وكمان عوزاكم تدعولي أخرج من رمضان بصفات أحسن واسيب الذنوب إلي بعملها ويارب نخش الجنه كلنا🥺💖
اهممممم حاااااجه مننساش نجمه الننوووووسسسسسسسس😡❤
****************★****************★************
عندما أستمعت لقول شقيقها دق قلبها بخوف ونظرت له بتوتر قائله: هنمشي ليه.
نظر لها بهدوء وقال: بيتنا أتظبط خلاص يا ندى لازم نمشي ومنتقلش عليهُم أكتر من كده مهما كانوا مرحبين بينا أحنا وسطُهم ضيوف ومقيدين حُريتهم.
أبتسمت إبتسامه مُرتعشه حزينه وأمائت له بلموافقه ثُم صمتت من جديد وهي تتأمل الطريق أمامها وتتأمل المكان من حولها وكأنها تودعه وهي حزينه أنها ستبتعد عنهم وتعود لبيتها من جديد وتكون وحيده كما كانت لَكن تذكرت أمر شقيقها فإبتسمت بمُشاغبه وهي تنظُر له وتقول: بس إيه بقا إلي أتقال على الباب برا ده أنسه سناء أنسه سناء وعمال تدافع عن الأنسه سناء وكمان متقدملها من ورايا أيه الحكايه ما تفهمني.
كان ينظُر أمامه هو الأخر وعندما أستمع لحديثها أبتسم برقه ونظر للأسفل وقال بصوت هاديء: الحكايه يا ستي أني مُعجب بسناء من ساعه ما شُفتها وأنا مش على بعضي عاوز أبُصلها طول الوقت، عاجبني أوي حكايه عفويتها وأنها بتتعامل بشخصيتها ومش هاممها رأي حد فيها....كان عليها حتت ضحكه أول ما جينا يلاهوي دوبتني.
ثم ضحك بخفه وأكمل قائلًا: سمعت الضحكه من هنا أتشقط أنا من هنا.
ضحكت على حديثه وهي سعيده لأجله فقالت له: طب أنتَ فعلًا طلبت أيدها من سيد أو حتى كلمت والدتها.
ذم على شفتيه برفض وهو يهز رأسه يمينًا ويسارًا وبنظره بريئه أكمل قائلًا: لسه معملتش أي حاجه بس سألت سيد بطريقه غير مُباشره عشان ميلاحظش أن كلامي ده وراه حاجه وعرفت أن مفيش كلام عليها من حد حاليًا بس قالي أن كلوا عاوز يجوزها لعيالهُم في العيله فا خايف أوي أستنا وتضيع مني ولقيت نفسي بدون تفكير بقول الكلام ده لم البنت دي ضايقتها بس مش عارف ليه سيد كان بيجاريني في الكلام وحاسس إن والدتها حاليًا ساكته عشان مستنياني أجي أكلمها وفعلًا ده إلي هيحصل.
