💦حب_من_اول_باسينة💦
✨كاتبة: ســــــــاࢪو✍🏻
#حلقة: 01
تسمع في صوت تقربيع... وتكركيير تاع الكنابيات... كمشت ملامحها... وغمت راسها بمخدة على الحس... شوية وتحس بعصاة تنخزلها في ضهرها... تجاهلتها ومدارت حتى حاركة... زادت قوات... نحت لمخدة من على راسها ودارت متقلقة
_ريحا: لعجوووز مالك على صباح ربي ماتخلو الواحد لا يتهنى مايرقد مرتاح... ياو خليني يوم جمعة حمبوك غير خمس دقايق برك
_عبلة: تنوووضي ينوضو بيك ليام ياعرة نساء.... يالخامجة لالياتك راهم متزوجين وبديارهم وانتي قاعدتلي... هنا كي كيسان البيفي تاع صالة
_ريحاب: كملتي يااسلام انشودة الصباحية لي نصبح عليها كل يوم... ناس تسمع لأم كلثوم فيروز... وانا نسمع لأرقى الفن والطرب لسوبر ماما
عبلة: نحسب ثلاثة يالوكان ماتنوضيش... نكسر عليك عصاة بالية
ريحاب بتمسكين: والله لاحرام عليك لعووجز... قولي مرانيش بنت كرشك والله مانزعف... باش ندير حسابي برك
_عبلة: واه لقيتك قدام الجامع قلت نديها نربيها نربح فيها اجر وثواب من عند الله... ايا ضهرتي مشرارة تقول عليا جايبة ضرتي
_ريحاب: شواالا لعجوز انا مشرارة...يعني قليلة خير... ماهو خيري كي نديرو... مايبانلكمش كي شغل على عينيكم حجاب تتعماو عليه
بدات تضر! ب فيها بلعصا وهذيك تنقز
_عبلة: قليلة تربية لسانك نجبدهولك من بلاصتك انايا.... حسبتي روحك كبرتي عليا... وطيري لدووش تلقاي باسينة القش تستنا فيك... وسراول ياسين نتاع دجين حكيهم بصابون الحجرة
_ريحاب: هوا شيخ سعيد وماقدرلكش... تقارعي نقدرلك انا
_عبلة: ريحاب تطيري من قدامي ولا نحكلك راسك على حيط
_ريحاب: شووفي جبهتي شووفي فيها مليح
_عبلة: واش فيها... مافيها والو
_ريحاب: الحمدلله ياربي قلت بلاك... مكتوب فيها شقا والبقا....
_ريحاب: عبولتي درك عندك ماشينة لافي... علاه لازم عليا نغسل الحوايج بإيدي... مش ظلم هذا
_عبلة: باش كي نهار اخر... نفترضو تلقي لي يلمك... وتتزوجي وماتكونش عندو ماشينة... اضر!بي في ذراعك وقولي يرحم لأم لي رباتني
_ريحاب: يرحم لأم لي معذ!بتني لالا علاه نقولها نهار اخر نقولهالك من درك... ياربي وقتاش نتزوجو ونتهنى
_عبلة: كي تولي مرا تاع دار حوسي على زواج....
_ريحاب: عمر الشاقي باقي
#saroo
#ممنوع_النقل_إلا_بإذن مني
أنت تقرأ
حب من اول باسينة
Humor✨جييتكم بكرونيك قصير...حفيفة... كوميدية من عنوانها باينة نتاع ضحك... فكرتها كانت بسبب منشور حطاتو ملوكة يعني الفكرة كانت بسبابها مام العنوان اختراتو هي.... مهم ديديكاس الملوكة وميلو.... ♡ 💦عنــــــــــــــــوان لكرونيك: ...
