حب من اول باسينة

حب_من_اول_باسينة💦

✨كاتبة: ســــــــاࢪو✍🏻

#حلقة:11 والاخيرة

تعدللها في شعرها... وتركبلها في لمساسك
_ريحاب: اععع سيبيلي شعري درك نطلعو طوماطيشة الفوق
_رقية: اركحي خلي نعدلك ياهم... تخرجيلهم تخلعي تقعدي بايرة...
_ريحاب: بلعيه خير مانخليك انتي البايرة ومانزوجكش بياسين خووووويا
_رقية: ديما تطمعي فيا بياسين خووووويا هذا وماشفنا والو... هاه استني شوية بسم الله ماشاءالله تهبلي عمري
_ريحاب: ديما نهبل ويااربي فيها فرانسا نجيبلكم حوايج فرانسا
_رقية: احلام اليقضة مش حاتبطليهم
_ريحاب: غيارة
فتحت الباب شافت فيهم تأثرت بشووفة بنتها بصح مابينتش
_عبلة: كان كملتو هيا اخرجو... وبلا مانوصيك ديري كيف ماقتلك
_ريحاب: اتهني ماما
عبلة: هيا انا نروح مايكون غير الخير
... شوية وخرجو بعد ماقعدت مع امو وشافتها وقاع...ناضت راحت للكوزينة رفدت سينية نتاع القهوة وراحت لاشومبر لي قاعد فيها هوا... وهنا كانت صدمة ليها ماتوقعاتوش هوا
_ريحاب: هذااا انت
_شهاب: ماعندكش باسينة باش تحللي راسي بيها على اربعة
_ريحاب: واش راك دير هنا
_شهاب: شوفت عينك جاي نخطب... هيا اقعدي نهدرو شوية ونتفاهمو
راحت قعدت مقابلاتو.. وللامانة عجبها اسلوبو في الهدرة وتعاملو
_شهاب: ناس كي يحبو واحد ولا وحدة بشكل يجذب وانا حبيتك بباسينة
_ريحاب: وشنو يعني انا مبهدلة
_شهاب: هههه لالا اما حب من اول باسينة... بما انو عاجبتني وكاش شروط
_ريحاب: كيف ماقلتلك قبيلا..
_شهاب: ايا على بركة الله.... خرج دراهم من جيبو خرج تسعة مياء وخمسين ورقة من بعد بدا يحطلها في صرف
_ريحاب: وشنوو هذا
_شهاب: 980 حق شوفة والعشرين الف نقصتهالك حق الكورصة لي زربحتيني فيها
_ريحاب: يجيك نهار وخرجلك دراهمك من عينيك ياسي شهااب
..... بعد عامين
قاعدة في طابلة الكوزينة... تاكل في زرودية
_شهاب: حبسي من ماكلة زرودية لايطلعولي ولادي ارانب ليك 9شهر وانتي عقاب زرودية ناس تتوحم غير اربعة شهر وانتي ملي رفدتي
_ريحاب: واش تسالني
_شهاب: رحوبة يارحوبة علجالك نشريلك ارنوبة
_ريحاب: ناس يشرولهم محزمة هاهو الفم قد واش سبيعيات يوصلو للكتف... سنسلة توصل لصرة ذهب ايطاليا غرازيلا الله الله... وانا يقلي نشريلك ارنب
_شهاب: نحبك ياباسينتي بهبالك وبشروطك وبكل شي فيك....... النهـــــــــــاية

#saroo
#ممنوع _النقل_من_دون_اخذ_اذن_مني