حب من اول باسينة

💦حب_من_اول_باسينة💦

✨كاتبة: ســــــــاࢪو✍🏻

#حلقة: 04

... كانت تكونتكتي لحقها ميساج من عند صحبتها... فتحاتو باش تشوفو....
_رقية: اهلا يا البايرة
_ريحاب: اهلين يالالة مولاتي... مرت سلطان وام ولي العهد

_رقية: بركاي من الهدرة السمطة... قوليلي كيراكي
_ريحاب: والله غايا الحمدلله... ونتي كيراكي
_ريحاب: راني بيان... اسمعي يالهجالة...

_رقية: بسم الله الرحمن الرحيم... مالك سحروك...
_ريحاب: واه بهبالك... غدوة تروحي معايا لسوق
_رقية: علاه غير الخخير... كشما عندك دراهم باش تشري... ولا كي العواد تكسريلي رجليا... ودوري على قاع سوق... والحر!ب كامل على صوميل

_ريحاب: بلعي بلعي.. كسرت باسينة لعجوز على راس الكل!ب تاع وسيم... والله ياتفيق بيا راني انا لي قع!رتها غير تقع!رني انا
_رقية: شوااالا... بغيتي تبهدلي بيا قدام ناس باش نقعد بايرة في دار وبونيشة عند نسا الخاوة.. لالا هاختي روحي وحدك نتي لي موالفة على تبهدايل

_ريحاب: روحي معايا انا خيتك مانغيضكش...
_رقية: لاااا الا العرس بالنسبة ليا مسألة حياة او مو!ت... نخاف على روحي يولو يعيطولي البايرة وانا غير عمري24 سنة
_ريحاب: شوف اسيدي وتقوليهالي انا البايرة وعاجبك الحال... وهوا قاع اكبر منك غير بنهار... 
_رقية: ماتخافيش كي نتزوج نزوجلك ولدي

_ريحاب: بلعي فمك عليا كي تتزوجي من بعد ساهل.. قولي تروحي معايا للمارشي ولالا
_رقية: منروحش نبهدل بروحي بباسينة
_ريحاب: صااار هاك وانا خممت فيك نزوجك لياسين خويا توالمو بعضاكم
_رقية: يااا قولي والله
خلتلهاvu وغلقت ليدوني وحطت برطابلها تحت لمخدة.... وناضت للكوزينة كشما تلقى تاكل
_ريحاب: خامجة صحبة الهانا ورقاد الجبانة... ياو كون مانعذبكمش انتي والخنز تاع ياسين.... مانتسماااش ريحاب بنت الحاج

راحت لفريجيدار... جبدت حبة طماطم قسمتها في الخبز.. ودارتلها شوية ملح... ودنيا كانت ظلام غير خيالات تبان... خرج سعيد يشرب في الماء... قابلو خيال مرا لابسة روبة عريضة وقصيرة حد الركبة... وشعرها طالع... حكم في الحيط
_سعيد: بسم الله الرحمن الرحيم اعوذ بكلمات الله التامة من شر ماخل... وهي جاية لجيهتو.... وتاكل في خبز بطماطم وهوا تبانلو راهي هازة كاش حاجة.... وصلت قدامو ... وهوا كان متصمر من الخلعة قريب يتغاشا... فتحت ضو البرطابل وكان متوجه الوجها.... منضرها خلعو... عيط نوض قاع لي في دار مام هي من خلعة ماعرفاتوش علاش يعيط عيطت معاااه
_سعيد: يااابعدوووني انا انسان متقي ربي ونصلي ونحب لخير لناس بعدوووني هاي ليكم عبلة ههي لدير في شر والله لاخطييني انا

#saroo
#ممنوع_النقل_دون_اخذ_اذن_مني