💦حب_من_اول_باسينة💦
✨كاتبة: ســــــــاࢪو✍🏻
#حلقة: 03
ريحاب: ياسين نوض... يااسيين نووض عاوني
_ياسين بنعاس: ريحاب اخرجي واغلقي الباب من وراك وارجعي من بعد
_ريحاب: شوف كيفاه يدير... تقول عليا رحت لقزانو وتقلي ارجعي من بعد... بدات تحرك فيه وتنحيلو في لغطااء
_ريحاب: ياسين نوض يازح تقول اصحاب الكهف
_فتح عين ومغمض عين... ماهوش قادر ينوض
_ياسين: غير الخير واشبيك
_ريحاب: اعطيني دوميل صون
_ياسين: دوميل صون نتاع وشنو
_ريحاب: والو جيت نسقسي في على تاريخ المريخي... هاااباينة دراهم
_ياسين: تتمني** بيا قالولك عليا نخدم في الخاليج ولا وريث تبون
_ريحاب: ياسين يعيشك نستحقها والله كي تنزلي منحة البطالة... نردهالك ونزيدك عليها سيكونت ميل
_ياسين: فااش تستحقيها
_ريحاب: جبدت الباسينة الروج من لبلاكار الفوق... غسلتلك بيها حوايجك... وراس خوك منعرف واش فيه خدمي ولا حجر ضر!بتو بيها لراس تكسرت... بغيت نشري باسينة اخرى
طرشق عليها بضحك متشمت فيها... وهي غوبشت ملامحها
_ريحاب: يااسيين واش يضحك في جدك مش وقتك دركا
_يااسين: الباسينة الروج تاع لعجووز... اليوم تنفيك للموزنبيق
_ريحاب: زيد على مابيا انت
_ياسين: نفكرك بلي دارت عليها حرب هذيك الباسينة في سوق... وتدابزت عليها هي ومرا... وحشمت الحاج معاها قريب يتبرا منها ويااا ختي كنتي ناس ملاح
_ريحاب: سسينو خويا لعزيز اعطيني دراهم نشريلها باسينة كيفها
_ياسين: معنديش روحي قيليني واغلقي الباب من وراك خلي نرقد
_ريحاب: ياسين تجيب دراهم ولالا
_ياسين: لا وجاء يتغم باش يرقد... يشوف فيها توجهت لخزانتو فتحتها... وبدات تصور فيها وتصور في حالة شومبرتو
_ياسين: واش راكي ديري
_ريحاب: دير تشيز تشو
_ياسين: قلتلك واش راكي ديري واش تصوري
_ريحاب: غادي نحطها في قروب البيوت النظيفة... ومربيين الكلا!ب والقطك حشاهم نظاف عليك.... نقلهم شوفو شومبرت خويا كيفاه تبرق من شدة نظافة
_ياسين: منيتك
_ريحاب: لالا من ريتي... واش رايك نبعثهم لرقية... نقلها شوفي ياسين جانتل مان... اسكو مزال يبانلك جانتل مان ولا معفون مان.... ونزيدلها هذي العبارة شووفي شومبرة يااسين لخامج لمعفن لي ريحتها تقول مربي فيها الخنازير.... وخزانتو لي الله لايشوفك ولا يوريك... راهو مربي فيها الافاعي والحنوشة مش غير دود وتتنظف غير كل راس عام....
_ياسين: احذفيهم
_ريحاب: لالا... وتديرلي حاجة ياياسين قسم بالله غير عندي عليهم خمس نسخ ومراكش عابي وين منشرتهم.... والله لاتلقى روحك في قروب مطلقات العراق هاني قتلك.... وقد اعذر من انذر
_ياسين: ياخي افعى ياخي... بدلوك في سبيطار مراكيش اختنا نتي...
_ريحاب: غير ماتخممش
_ياسين: قارعي نوض نتغسل...
_ريحاب: روح راني نستنا فيك دهر لابغا
راح تغسل ومشا لكوفر تاع خزانتو جاء باش يفتحو... دارلها لقاها تطول في راسها باش تشوفو
_ياسين: واش راكي ديري
_ريحاب: كمل كمل مراني ندير في والو
_ياسين: امشي لهيه... درك نجيبهالك
مشات قاعدة تستنا فيه.... شوية وجابلها دراهم
ريحاب: كون ملول هك ولا وصلت روحك لمواصل وتهدييد...
_ياسين: احذفيهم درك
_ريحاب: نو نو نو ثقة في الوثيقة... بعد مانشري الباسينة نحذفهم قدام عينيك وزيد نوض يزيك راك خمرت ناس تصلي الجمعة وانت داير كي ابليس ماهو صاحبك
_ياسين: مدخلكش وبدلي عليا وجهك من هنا
#saroo
#ممنوع_النقل_دون_اخذ_اذن_مني
أنت تقرأ
حب من اول باسينة
Humor✨جييتكم بكرونيك قصير...حفيفة... كوميدية من عنوانها باينة نتاع ضحك... فكرتها كانت بسبب منشور حطاتو ملوكة يعني الفكرة كانت بسبابها مام العنوان اختراتو هي.... مهم ديديكاس الملوكة وميلو.... ♡ 💦عنــــــــــــــــوان لكرونيك: ...
