حب من اول باسينة

💦حب_من_اول_باسينة💦

✨كاتبة: ســــــــاࢪو✍🏻

#حلقة: 08

_شهاب: الله يبارك فيك... هاه رانا وصلنا
_ريحاب: مرسي
_شهاب: ولو مادرت والو
_ريحاب: معرفتش كيفاه نشكرك والله
_شهاب: مدموازال 20
_ريحاب: ههه لالا غير ماتجيش نهار عشرين عندنا عرس
_شهاب: فهمتش واش راكي تقولي علابالك
_ريحاب: قتلك ماتجيش لدارنا نهار عشرين بسك عندنا عرس ولد عمتي
_شهاب: وانا واش دخلني
_ريحاب: مش قاصد تجي تخطب نهار عشرين
_شهاب: 😂😂 لالا ماقصدتش هكذاك قصدت اعطيني فاميل حق الكورصة

حست دنيا دارت بيها... كيفاه فاميل هذي... ماخمتش في لحشومة لي جاتها قد ماقلها على دراهم... تخمم فاميل تدير بيها دورة حول المدينة وماجاورها بالكار وتفضل الصرف... 15مياء توصلها لدارهم.... يجي يقولها فاميل لعب مع كلش الا مع دراهم تشوف دجاج لكحل

_ريحاب: راك تزعق بيا ولا تزعق بيا.... شوف وجهي مليييح شوف اسكو مكتوب فيه بهلولة ولالا... اذا مكتوب فيه بهلولة قلي وقتها تولي هدرة اخرى
_شهاب: بسم الله الرحمن الرحيم ... مالك درك كنتي لباس عليك
_ريحاب: مزاش مركبني بسيف ولاصق فيا كي لصقة... وبزاااف حوايج ماشريتهمش في شبابك اوجه الميزيرية وتحوس نعطيك دراهم ياو نعطيك حجرة على سنييك..... روح خويا حمبووووك روح خير مانعطييك ضر!بة بباسينة نقسملك راسك على اربعة... غير سييير رحمة على شوابيين
_شهاب: غادي تاكليلي خبزتي حسبي الله ونعم الوكيل فيك
_ريحاب: حسبي الله في روحك يااالعلقة يالصقة... كان راك تخدم هك مع ناس كل طيش روحك من فوق باطيمة ولا ادفن روحك وانت عايش... يالمرخس ياالبغ!ل بوووربعة
_شهاب: ياخي مهبولة
_ريحاب: امشي خير مانخسرلك وجهك

#saroo
#ممنوع_النقل_من_دون_اخذ_اذن_مني