💦حب_من_اول_باسينة💦
✨كاتبة: ســــــــاࢪو✍🏻
#حلقة: 07
بعد عناء طوييل وبعد مالقات باسينة كيف ماحبت عليها... وبعد مدابزاات مع البياعة ونقصولها من سوم خارجة من المارشي. ... حاطت الباسينة في لرض... وخرجت صاكوشها تحسب في دراهمها... شافت في شمس لي ساطعة قريب عينيها يتعمااو
_ريحاب: ياازح شمس تضر!ب تصرع... وسخانة لي جمل ويطلب فيها بيبسي... احممم على ذكر البيبسي... نحي خمسة الالف على جيهة نشري بيها قابسة كرايم... ولي بقات نفوت نشري شوية مكياج... من كوسميتيك فضيلة الغولة... تبيع فيهم رخاس....
هزت الباسينة حطتها فوق من راسها وماهيش منتبها لي يشوف فيها وعينيه قريب يخرجو... واقف قدام من تاكسيتو... خرج نتاع طاكسي حطها الفوق... وراحلها
_شهاب: بسس الزين
_ريحاب: مال دين عمارك واش تحوس عندي
_شهاب: صايي ماتاكليناش برك.... غضتيني قاعدة في شمس
_ريحاب: اودي روح اخطا جدي ماجيتش نشكيلك
_شهاب: حبيت نوصلك برك هذا مكان
_ريحاب: لالا يكثر خيرك ويرحم والديك ماتوصلنييش
_شهاب: هاهي تاكسيتي عندك علاش تخافي مراحش نخطفك... هاهي فيها تاكسي من الفوق الا بغيتي صوري رقم
_ريحاب: وشكون قالك خايفة... مانروحش مانروحش
_شهاب: والله ماتجيها قاعدة في شمس
_ريحاب: اودي والله ماصارها خليني برك
_شهاب: والله مكانها طفلة شابة كيفك وحدها في شمس والله قطعتيلي قلبي
بعد ماهي تحلف وهو يحلف... بمجرد ماقلها طفلة شابة كيفك تبسمت
_ريحاب: ايه معليش وصلني
_شهاب: هاهي الهدرة المزيانة... راح حللها الباب وركبت مام هوا ركب وشغل طاكسي... فتح غنية نجمة قطبية(ديديكاس لرابح درياسي 😂)
_شهاب: اهيه ازين وين تبغي نوصل
بدات تتكاهن عليه زعما رزينة وعاقلة
_ريحاب: لدار... امشي درك نعتلك طريق
_شهاب: ماقلتيليش واش اسمك
_ريحاب: اسمي ريحاب
_شهاب: وانا اسمي شهاب رحوبة يارحوبة علجال نشريلك ارنوبة
ضحكت عليه..
_ريحاب: هههه تعرف تنكت
شهاب: نعرف نعرف بزاف كانو يسموني ملك نكت كي كانت صغير
_ريحاب: راك تبان بسلامتك
_شهاب: قلتي حاجة
_ريحاب: ههه ماقلت والو قتلك الله يبارك.....
#Saroo
#ممنوع_النقل_من_دون_اخذ_اذن_مني
أنت تقرأ
حب من اول باسينة
Mizah✨جييتكم بكرونيك قصير...حفيفة... كوميدية من عنوانها باينة نتاع ضحك... فكرتها كانت بسبب منشور حطاتو ملوكة يعني الفكرة كانت بسبابها مام العنوان اختراتو هي.... مهم ديديكاس الملوكة وميلو.... ♡ 💦عنــــــــــــــــوان لكرونيك: ...
