💦حب_من_اول_باسينة💦
✨كاتبة: ســــــــاࢪو✍🏻
#حلقة: 05
جات تجري مخلوعة من صوت لعياط
_عبلة: واش بيك تعيط واش كاين
_سعيد: ولاد بسمله... ياودي هاهي جاتكم ادوها والله انا عاقل
_عبلة: يدو شكون مالك ياراجل هبلت... يااسيين افتح ضو....
راح يجري يفتح ضو... وهنا كانت ليه صدمة كي شافها طاح في لرض قريب يبكي
_ريحاب: بابا علاه كنت تعيط خلعتني معاك...
_عبلة: وشبيك اراجل... مكاين والو غير بنتك... شافت في حالتها مليح من بعد فهمت
_عبلة: ايوااا درك فهمت... وانتي يالخنز علاه شعرك طالع لسماء ماتعرفيش تمشطيه وتظفريه قبل ماترقدي... واش منوضك في نص الليل هاك...
طلعتلها الخبز توريلها فيه
_ريحاب: والو جعت نضت ناكل ايا من بعد نلقى الحاج يعيط... ويقول ادو عبلة هي لمشرارة... ومنعرف وشنو
_سعيد: يعطيهالك ربي قد راسك ان شاء الله
_ريحاب: علاه اا لحاج دعوة في نص لليل والله لاحرام عليك
حطت ايدها على جنابها وتهز في رجليها وعاقدة حواجبها
_عبلة: اهيه مام انا سمعت وكذبت وذنيا... انا وليت مشرارة ااسعيد... وشكون لي يدوني هاذو وانت والله غير خاطيك وانسان متقي ربي...
_ياسين: جاك ملك المو!ت ياتارك الصلاة
_سعيد: ماقلتش انا وقتاش قلت... مانيش عابي ومرانيش قاع متفكر
_عبلة: احشيهالي... اسمع جيب لبوك الماء يشرب تتنحالو الخلعة
_سعيد: جيبوهالي
_ياسين: شكون
شارلهم بصبعو... لريحاب قعدت تشوف فيه وحايرة
_ريحاب: ااا علاه الحاج واش درتلك
وسيم: بابا نجيبلك نعالة
_سعيد: جيب اليوم ناكللها راسها... اليوم نبيتها بسخانتها... احكموهالي...
مزالو يهدرو... تضر!ب دورة وتهرب لشومبرتها تجري وغلقت الباب
_ريحاب: واش درت انا ياديني... مزلت صغيرة وكيوت استغلوني وبغاو يعذ!بوني علابالي بيهم مراهمش اهلي خطفوني من سبيطار عندي احساس بلي اهلي عندهم قصر السلطان... ويجيبولهم الماكلة للفراش والجواري دور عليهم...
#saroo
#ممنوع_النقل_إلا_بأخذ_إن_مني
أنت تقرأ
حب من اول باسينة
Humor✨جييتكم بكرونيك قصير...حفيفة... كوميدية من عنوانها باينة نتاع ضحك... فكرتها كانت بسبب منشور حطاتو ملوكة يعني الفكرة كانت بسبابها مام العنوان اختراتو هي.... مهم ديديكاس الملوكة وميلو.... ♡ 💦عنــــــــــــــــوان لكرونيك: ...
