💦حب_من_اول_باسينة💦
✨كاتبة: ســــــــاࢪو✍🏻
#حلقة:09
يسمع فيها تعرش... وترمرم خرج عارفها غير هي...
_ياسين: مالك تبلبلي
_ريحاب: باااعد عليا ماتدرونجينيش انت ثاني
_ياسين: اهدري مسقم خير مانخسرلك وجهك
_ريحاب: شاتبغي مني بعد من طريقي
_ياسين: يووو شكون زعفلنا شرشابيل الدار...
_ريحاب: معادش تقولي شرشابيل... بعد عليا خلي ندخل ونحكيلك.... ستنا سع لعجوز وين قاعدة لاتشوفني
_ياسين: ادخلي ماهيش هنا راحت عند ماني... قالك جاتها حالتها كي العادة ولعوايد
ضحكت عليه تفكرت مماتها كي تجيها حالتها تولي تدير في دراما وتمثل عليهم بلي عندها زهايمر.... وتقعد تقعد تبدا تقلك ايي ياضهري اي ياركايبي... ايي ياراسي... غادي نمو!ت.... وهوما يسايرو فيها كي شغل معلابالهمش بلي تدير فيها بلعاني بسك شحال من مرة يدوها لطبيب ويقلهم حالتها جد سليمة
_ريحاب: وشنو المرة هذي
_ياسين: قالت عندها لبواسر ههههه
_ريحاب: ههههه لاااا غير هذي مايمكنش
_ياسين: ياو تسمعك قلتي هك تتزوج بيك... تعرفيها كذبيها في كلش غير كي تمثل بالمرض
_ريحاب: ربي يهديها ماني مسكينة مرا كبيرة كل ماتكبار عقلها يصغار
_ياسين: اهيه وانتي مالك
_ريحاب: ماتفكرنيش درك كنت غايا... استنى نقلع خماري ونحط الباسينة في لبلاكار ونجي...
كملت قلعت خمارها... وبدلت قشها وحطت الباسينة في لبلاكار... وراحت لفريجيدار جبدت البيض وطماطم طيب في عجة بيض بالطماطم.... ونساتو هوا يستنا فيها... شم ريحة العجة جاها كيف القط
_ياسين: اممم ريحة عجة
_ريحاب: وين راهي العجة منيش نشوف فيها
_ياسين: غير شوية برك
ريحاب: امشي جيب طرف خبز.....
ياسين: هاكي ديريلي ني جيعان
_شافت فيه بصدمة...
_ريحاب: منيتك ياسين خويا.... جايبلي باقيت تاع خبز كاملة باش نديرلك فيها شويتح نتاع بيض
_ياسين: وين راكي تشوفي فيها الباقيت تزعقي بيا
_ريحاب: ديرلي كيف مولا طاكسي انت
_ياسين: شكون مولا طاكسي
_ريحاب: شد عند هذا واحد الرخيس بغا يزربحني معلابالوش بلي انا ريحاب بنت عبلة
_ياسين: الحق فيه كي معلابالوش
_ريحاب: مزاش لصق فيا يوصلني ذراع... وزيد يخلص عليا قالي عطيني عشرين الف
_ياسين: من حقو
_ريحاب: الااااا منين من حقو هذي منين... قتلو انا وصلني بسيف.... عشرين الف دورني على الجي كامل وبالكار
_ياسين: سبحان الله سمعتها غير من عندك المعلومة هذي
_ريحاب: اسكت عليا
_ياسين: ايا احذفي الفوطوات درك
'ريحاب: وشمن فوطوات
_ياسين: نسقلك ريحاب
_ريحاب: اااا صايي تفكرتهم... جبدت برطابلها وحذفت الفوطوات
#saroo
#ممنوع_النقل_من_دون_اخذ_اذن_مني
أنت تقرأ
حب من اول باسينة
Humor✨جييتكم بكرونيك قصير...حفيفة... كوميدية من عنوانها باينة نتاع ضحك... فكرتها كانت بسبب منشور حطاتو ملوكة يعني الفكرة كانت بسبابها مام العنوان اختراتو هي.... مهم ديديكاس الملوكة وميلو.... ♡ 💦عنــــــــــــــــوان لكرونيك: ...
