ضمتها سمّراء بقوه وهي تنطق بفرح : الحمدلله والله شلت همك مره
سندت راسها غرور على كتف سمّراء " رماد " وأبتسامه صغيره مزينه وجهها الحزين ، وجود رماد معها الحين فتح بداخلها مشاعر قديمه وشعور الحُب الصادق والمشاعر الجميله اللي تركتها من زمن طوييل ، تركتها جسد دون روح ، دون مشاعر وفي صمت ذابح لها .
-
« الجازي »
رفعت عينها ببكي من قفل عـبـدالـرحمــن الباب بوجهها بعد ما نطق بجملته الحارقه لها " الله ما رزقني بعيال وش تبين جايه بعد ما دفنتي نفسك قدامي ؟ " ركبت السياره من فتح لها صقر اللي حزنان على حالها واللي وصلت لذا الحال بكلمه منه وهو غافل أنها بتدمر حياه أشخاص
مسك خط الديره وهو يسمع صوت شهقاتها العاليه والمدميه لقلبه .
بعد ربع ساعه رفع عيونه لها من لاحظها هدت شوي : شدي حيلش بوديش تتعرفين على أهلي
نطق بلطف وهو يحاول يطلعها من قوقعه الحزن المحيطه بها : ما أقول إلا الله يعينش على عصى أمي اللي بتسير على جسمش!
ضحكت بخفه الجازي من طريقه كلامه عن أمه وبفضول : ليه بتسير عصاها علي ؟
رفع كتفه بهدوء وهو يقلد صوت أمه : يحق لك يوم ترفض بنات الناس بس أنك تخبي هالجوهره عنا مالك حق ياصقير !
عدلت جلستها بذهول : قالته هي ؟
ضحك بخفه من ألتمس التوتر بنبرتها : لا ، بس بتقوله أول ما ندخل !
رفعت حاجبها بتحدي من ثقته : وأن ما قالته ؟
صقر بتحدي : أذبحو الجازي !
شهقت برعب من كلامه وسرعان ما نطق وهو يبرر : ناقتي!
رجعت جسدها لورا براحه بعد ما تمكن منها الخوف : بغيت تطير عقلي والله .
« بيت قايد »
كانت الحركه بكُل البيت اللي ينظف واللي يجهز الحلا واللي يرتب نفسه مستعدين لزوجه صقر اللي جات بدون سابق أنذار رفعت جود أيان وهو تبوس خدها بقوه : أكلك أنا ؟
هزت راسها أيان بنفي وهي تبوس جود بقوه : أكلك انا ؟
ضحكت جود بصدمه من تقليد أيان لها ، هزت راسها بخفه وهي تنطق بعذوبه : كليني ياشيخه راضين والله
نزلت أيان وهي تحضن رجول أمها بقوه وبطفوليه : بابا متى ياخذنا عنده ؟
وضوح رفعت عيونها بصدمه لجود اللي كانت مصدومه بعد من كلام أيان وأصرارها على متى بيروحون عند عمها : قريب يا ماما روحي عند جدو يبيك تلعبين معه !
نزلت للأسفل وهي تلم رجولها لصدرها و تغرز وجهها بفخوذها وبخوف : تتعبني ياجود ! تعلقها في عمها مو طبيعي والله واخاف لو ما وافقت يبعدونها عني والله أموت !!
عضت شفتها جود بـ ألم على حال وضوح اللي يكسر الخاطر وما كان بيدها الا انها تهديها وتدلها على ربها توكل أمرها له ويكتب لها الخيره .
طلعت من صدع بـ أنحاء البيت صوت صقر العالي : ياقوم !
ضحكت بخفه من أستقبلته أم بادي بالعصى عند الباب : النحشه ياعمي !
صقر وهو يضم أمه بعنف : افا ياأميمه صقر هذا أستقبال لوليدش العريس ؟
بعدته بقرف أم بادي وهي تحرك عصاها بالهواء : أبعد عن وجهي خل أشوف هالمسكينه اللي الله بلاها ببليه ما اقول الا الله يعينها
قطب حاجبه صقر بعدم أعجاب لكلام أمه لف راسه لجود وهو ينطق بحزن : يرضيش ياجويده قلبي ؟
هزت راسها بنفي وهي تسلم عليه بحراره ، صرخت بـ ألم من ضربتها جدتها بالعصى : ابعدي عن هالفاسق لا يعديش ، دفت صقر من يده وهي تبتسم بحب للجازي : هلا والله أرحبي يايمه تو ما نورت ديارنا !
تقدمت الجازي بخفوت لها وهي تقبل راسها بخجل : منوره بـ أهلها يايمه!
سحبتها أم بادي بعد ما سلمت على جود وهي تجلسها بالصاله وبحنيه : خذي راحتك مافي حد هنيا يا أمي أنتي
صقر وهو يهمس لجود بذهول : والله وطاح كرتي
هزت راسها جود وهي تضحك بعذوبه : اي والله ياعمي انه طار مو بس طاح
لف على أمه اللي جايه تهدده بالعصى : لبيه ياقلب صقر ؟
أم بادي وهي متكتفه بغضب : ليه ما علمتني عنها من زمان هاه ؟ يحق لك يوم ترفض بنات الناس بس أنك تخبي هالجوهره عنا مالك حق ياصقير !
