كانت جالسة شادة تصاور الياس وايوب والفرقة كاملة مشعكة ولابسة بيجامة ومراشقاش ليها
هبة : وتي مالكي اصحبتي مغوبشة هاكاك وغير ضحكي شوية طيحتي عليا الكابة
فاتي : طالع ليا الخرا
هبة : ههه باينة غير الوداد وهرموناتك مشقلبين نوضي ضربيها بتدويشة ونشدو شي فيلم
فاتي : ديري ليا غير واحد الخير خلي ليا طوموبيلتك عاوتاني نمشي نشوف الياس
هبة : ههه واش معييتيش اصحبتي عيقتي والله كل مرة كتمشي تبقاي حاضياهم من بعيد ونتي عارفة عمرك غاتدخلي
فاتي قلبات عينيها دايرة براسها مكتسمعهاش
فاتي : هااااخرا هاحنا بدينا وصافي يوميا كتقولي ليا هدشي غير خليني لا حفظك اصحبتي
هبة شدات في ذراعها وجاوباتها بكل حب
هبة : راه عارفاني ماغانقولش ليك لا نتي راه ختي
فاتي : لهلا يخطيك عليا علاه اصلن انا عندي من غيرك الهبيلة.
هبة ضحكات وقالت ليها : يلاه يلاه سيري ولا غاتفوتي إلياس ديالك هههه
فاتي ناضت لبسات سروال كحل وقاميجة كحلة ولوات واحد الفولار هي مكديرش الفولار ولكن دارتو باش تغطي راسها وتهبطو على عويناتها باش مايعرفها حد . لبساات سبادرية بيضا وهزات صاكها وخرجات ديمارات الطوموبيل ومشات قاصدة الياس هههه ،وصلات وتخبات في واحد القنت جنب الطوموبيلات حدا الباركينگ وكيبان ليها الدنيا مبلوكية ببنادم والاضواء والموسيقى عالية والباب منين كيدخلو فيه ليگارد وبنادم كيدخل حتى كيوريهم التيكي وهي كتسنى ومخلوعة لايقشعها شي واحد ويقوليها اشكديري هنا ويشدوها يغبروها شوية كتبان ليها الطوموبيل لي مرسومة فيها
🔥🇲🇦 𝙏𝙞𝙜𝙚𝙧𝙨 𝙩𝙚𝙖𝙢 🏎 🔥
ولي كتعني فريق النمور
و الطوموبيل كانت كلها مزوقة وفي اللون الأحمر
خرج الياس والفريق ديالو وغادين باش يدخلو وفي داك الوقت لي كان غادي ضور وجهو شوية جهة ليسر كيبان ليه شي واحد من بعيد مخبي لكن معرفوش شكون هذا واش بنت ولا ولد ولا شي واحد عندو معاه شي حساب الياس ضار ضحكة وطلع حاجبو مكرهش يعرف هاد خونا لي مخبي لي معندوش دعوة اصلن اشنو كيدير هنا كمل طريقو عندو سباق ومخصوش يتعطل من بعد ويكتاشف شكون هذا
فاتي كانت مخبية وغير بان ليها الياس خارج من الطوموبيل والفريق ديالو مدقينو مكيبانش ليها مزيان وحاولات تطل مزيان ولكن على غفلة الياس تلفت وهي ترجع تخبا دغيا قلبها غايخرج من بلاصتو على شوية كانت غاتشد حطات يديها على قلبها كتنهج بالخلعة
فاتي : ناااري ناااري مت بالخلعة على شوية كان غايشوفني اخخ مالقى فين يتلفت غير لهاد الجهة
اخخ على زهر
فاتي واخا مخلوعة ولكن عندها واحد السنطيحة مكتحشمش مشبعاتش مني شافتو على بعد السيدة بغات تبعو صافي مبقاتش باغا البعد فاتي زعمات شوية وزادت لقدام حتى قربات لگارد المسخوطة جالسة كتفكر شي كذبة ولا شي حاجة كيفاش تدخل لداخل وتشوف الياس مسابق .
إلياس مشاو للمرأب دخل حسان كيقاد شي حوايج في الموطور الفولون واش ثقيل كيشوف البنووات وكيشوف واش كولشي هو هاداك وطوموبيلات ايوب وإلياس موجودين اما سمير مشا عند الشخص لي مكلف في الفريق لاخر بالفلوس باش يقاديو المسائل
ايوب وإلياس كيلبسو اللبسة ديال السباق لي كتحميك لي وقع شي حريق يعني ماغاتحرق ماوالو وجدو لي كاسك دياولهم ولبسو ليگات ضروري يقدرو الليدين يعرقو ويسببو الخسارة .
كولشي ركب في طوموبيلتو والسباق مابقى ليه والو ديماراو الطوموبيل كيتسناو طلقة النار في السما
كولشي واقف في الخط كولشي مديماري الطوموبيل دماغهم مع الفوز إلياس جهة ليسر وجنبو أيوب ومن جهة ليمن كين الفريق الثاني
أيوب شاف في إلياس ودار براسو زعمة واجد الياس حرك راسو
البنت تيرات في السما غير تسمعات الطلقة و كولشي كسيراو غادين طايرين الياس في المقدمة وعينيه حمرين ومركزين على الطريق الطوموبيل كدور وكتكمل بلاما تخرج والجمهور كيغوت كولشي كيشجع النص كيشجعو فريق النمور ولاخرين كيشجعو الفريق الثاني لي كانت سميتو
🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎
لي كان فيه الشخص لي سميتو رضوان عندو حتى هو جمهورو ولي معروف بسباقاتو واخا ماربحش بزاف ديال السباقات ولكن جا الوقت لي كان كيتسناه
إلياس فاش يلاه دخل لهاد العالم كان محگرور وكان أول واحد كيحتاقرو هو رضوان هو شخص حقود ومحساد كيبغي يكون هو محور الكون يعني مكيبغيش لي يكون حسن منو من وجهو تقدر تشوف الشر وتعرفو شيطان مكيدخلش للخاطر هو دخل للسباقات غير بسمعة واليديه يعني السيد راه يديه وكتافو باردين قليل فين كيربح غير ايلا غش وسيفط شي واحد يدير شي مشكلة في طوموبيلت الخصم ديالو
فريق 🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎
كيتكون من رضوان لي كيحصل على المركز الأول بسباب الرشوة والغش والى سبب للخصم ديالو شي مشكلة في الطوموبيل يعني كيكون متافق مع ميكانيكي وكيسيفطو بالتخبية كيقدي الأمور وكيرجع يخلصو هاد الميكانيكي لي حتى هو خدام غير بالغش وكيياخد الفلوس من عند رضوان سميتو ياسين ، كين لي مكلف بمرآبهم حتى هوما سميتو أشرف وكين لي مكلف بالفلوس السي عزيز ولي كيتسابق مع رضوان سميتو جواد ، نرجعو للسباق
أيوب في المركز الثاني وكيحاول يبقى قدام جواد باش مايدوبلوش أما إلياس فغادي في نفس الطريق مع رضوان بزوج بيهم في المركز الأول رضوان سايق معصب ماشي بحال إلياس لي متأكد ومتيقن ان هاد الشخص لي لاعب ضدو مكيسوى حتى بصلة ومعندو لاقيمة لا شخصية ليس سوى عبء على المجتمع
الجمهور كيغوت وكيشجع مووسيقى عالية والياس لي سايق كيضحك ورضوان لي غايتفرگع بالفقصة
أيوب مسيطر على جواد وفاش غايقربو لخط النهاية غاينفد الخطة
فاش كيقربو للخط الياس وايوب كيكسيريو في دقة وحدة وكيمشيو بالسرعة الفائقة كيولي إلياس حابس رضوان وراه وفاش كيكسيري أيوب راه كيولي في المركز الأول ولا الثاني على حساب شكون سبق واش ايوب ولا الياس ماشي ديما كيطبقو هادشي اغلبية كيلعبو مع لعابا كبار ومتسابقين كبار ولكن ديجا هضرو بيناتهم وعرفو بلي هذا كتافو باردين وكيعول غير على الرشوة عرفو بلي غايربحو السباق ميا في الميا
قربو للخط ونفدو الخطة رضوان وجواد مفهمو والو ولاو متأخرين رضوان من بعدما كان في المركز الثاني ولا في الثالث وايوب في الثاني وقريب بزاف لإلياس يعني بحالي قد قد وصافي فايتو غير بشوية
دازو على الخط وتعالاو الاصوات والغوات والتصفيق مبروك الفوز لفريق
🔥🇲🇦 𝙏𝙞𝙜𝙚𝙧𝙨 𝙩𝙚𝙖𝙢 🏎 🔥
إلياس خرج من الطوموبيل وعلى وجهو ضحكة انتصار وشوفة الاحتقار لرضوان وفريقو
رضوان نزل منير وعرقان معصب ومراضيش كيفاش خسر وهو ديما كيربحوه كيفاش هذا فلت ليه كيسول مع راسو واش رجالي متكلفوش بالرشوة غادي باغي يضرب الياس ولكن وقفوه
رضوان : حسابي معاك مزال طويل والمرة الجاية غادي نربحك بلاما تفرح بزاف
الياس غير كيشوف وكيحرك في راسو وداير ليه الشوفة ديال اهاااه دابا نشوفو ومشا خرج شاعل وخلا فريق إلياس شاداهم الضحكة
أيوب : هههه واش شفتو كمارتو شفتو وجهو ههه
أناس : ههه يلاه سيرو دوشو براكة حتال غدا ونتلاقاو
سمير ددوز الفلوس في لي كونط ديالهم
إلياس : تهلاو
YOU ARE READING
لعبة الخارجون عن القانون 🇲🇦🏎❤
Romanceهلوووو هلوووو مرحبا بيكم في قصة جديدة هاد المرة كين غير السرعة وعان عااااان عاااااااااااااااااان🥱🏎❤
