الياس : واش عرفتي مخك شنو درتي ولا لا؟؟؟ واش عارفة شنو درتي؟؟
فاتي مفهماتوش غير كتشوف ، الياس بدا كيغوت مبقاش مسوق لشي حد
الياس : هضري... هضري... هضري جاوبي حلي فمك
فاتي كتحاول تهدنو شدات في يديه ونترها
فاتي : إلياس مالك... هاه علاش كتغوت ؟؟؟
الياس : باغا تموتي ياك.. هضري... باغا تحرقي وتحرقيني معاك ياك؟؟؟ هدشي لي بغيتي؟ علاش غادا كتجري باغا تدخلي وسط العافية باش تجبديني مفهمتش؟؟؟
فاتي بدات كتبكي علاش كيغوت عليها وهي كانت باغاه يبقى غير مزيان
الياس : عارفة اللبسة كينة وداير الكاسك ولكن نتي لاوقعات لك شي حاجة واش دايرة شي خرية؟؟؟
واش باغا تموتي علاش داخلة شوفي يديك كون تحرقتي فشي بلاصة اخرى
فاتي مكتجاوبوش غير ساكتة كتبكي ، الياس هضر وخرج دكشي لي عندو عاد برد
الياس : سيري جيبي بيافين واجي
فاتي مكتجاوبوش غير كتبكي وواقفة في بلاصتها
الياس : فاطمة الزهراء وسيري
فاتي مشات كتجر في رجليها قريبة الطيح بالسخفة
جابت ليه بيافين وجرها تجلس حداه وبدا كيدهن ليها الحرقة ببيافين شوية بشوية
الياس كيشوف فيها وكيبانو ليه الدموع غامحطوطين شوية وينزلو بقات فيه وجرها عنقها وهي عاد طلقات دوك الدموع لي كانت حابسة
الياس : اخر مرة تديري هاكاك نتي اهم شخص في حياتي منقدرش نشوف شي حاجة واقعة ليك خايبة
فاتي : امم... واخا
ايوب وهبة وحسان واناس وسكينة وسمير حتى هو مجموعين كياكلو
سمير : دابا شنو غانديرو؟؟
اناس : هضرت مع البوص وقلت ليه إلياس ماغايلعبش حتى يبرا ويولي بيخير
سمير : شنو قالك؟؟
حسان : شنو غايقول باينة أيوب غايلعب بوحدو ضدهم بزوج مزال عندو جوج مسابقات
هبة : ولكن ميمكنش يلعب بوحدو خاص ضروري واحد اخر
أيوب : شي حاجة خارج القواعد يغيب واحد ويلعب واحد إما غادي يربحو إما غادي تأجل والبوص مستحيل يخلي المسابقة تأجل.
هبة : فاطمة الزهراء راه كتحماق على السباق وإلى تدربات غير شوية غايكون كولشي مزيان واصلن قالت ليا ديجا إلياس مواعدها تركب معاه في الطوموبيل
أناس : اه ولكن هدشي حتى يربح إلياس وغادي تركب في الطوموبيل معاه يعني ماشي بحدها ولا ضددهم
سكينة : مستحيل يخليها تلعب...نوضو نوضو يلاه
إلياس مخلا حتى واحد يعتني بيه من غير فاتي قتليه ايوب خليني نجلس معاه بينما برات يدك ورجلك ولكن مابغاش وفاتي معندها حتى مشكل قبلات تعتني بيه حتى يولي بيخير
غادا شادة فيه حتى دخلو للدار كانت ديك الساعة العشية وكلشي مشا بحالو
إلياس : بغيت ندوش معنديش كيفاش عاونيني
فاتي حشمت وحدرات راسها معرفت كيدير تسلت منو
فاتي : احم غير سير متقربش الما ليديك ورجليك غير سير سير سير
فاتي ددفعاتو للدوش دخل وجات باغا تهرب وجرها وسد الباب تكاها على الحيط وحاصرها بيديه
إلياس : مبغيتيش نعاونيني... اممم مناش خايفة نتي؟؟
فاتي ولات غير كتبحلق في عينيها والمش كلا ليها اللسان
فاتي : علاش غانخاف منك
الياس بعد منها وتكا على الحيط وهز يديه لفوق باش ماتقيسهاش فاتي هزات فوطة فيها الما والصابون وبدات كتمسح ليه صدرو وكرشو وكتافو وهو غير كيشوف فيها عارفها نقطة ضعفها هي الكرش مطراسية والكتاف عراض فاتي غير كتشوفهم كتلف على سميتها
الياس جرها حتى تلاحت على صدرو وحط ليديه على عنقها وبقا كيقرب شوية وشوية بشوية وفاتي تكوانسات كيشهيها هاكا مكتقدرش تحكم في راسها
تلاقاو شفايفهم عطاها بوسة كتفيق الواحد واخا يكون ثلاجة
بقا كيبوس فيها وحتى هي بادلاتو ومحاولاتش تبعد
فاتي حسات بيه صافي مبقاش باغي يبعد والى زادو شوية غايخرجو بشي توام هادي مافيهاش الشك
بعدات عليه وهو زاد قرب وباسها عاوتاني وهي بعدات عاوتاني ولكن السيد مبقاش باغي يبعد هي تبعد وهو يبوس
فاتي : احم إلياس
الياس مكيجاوبهاش عينيه غير في فمها الغوزي الكيوت عندها فيم كيوت صغيور ورطيطب متسخاش تحيد فمك عليه كيرجع عاوتاني ببغي يبوسها حتى شدات ليه في وجهو
فاتي : إلياااس راه قلت ليك صافي
إلياس : اااه صافي صافي هاهو حابس اففف متخلي لي يبوس على خاطرو غانبقى تاناكل مك ونتهنى
فاتي خراها بالضحك عاوناتو في الغسيل لبساتو تريكو نص كم مشا جلس بشوية فوق النموسية فاتي جابت فوطة وجلسات قدامو تقابلت معاه وبدات كتمسح في شعرو إلياس مفيكسي عينيه عليها من نهار دخلات لحياتو داك النهار وهو كيفكر فيها ولا باغيها ولا يوميا كيبغيها تجي تشوفو كيتدرب وبعض المرات كتعطل مكتمشيش كتبقى غير في دار الياس وتعارفو مزيان هي عرفاتو من النوع لي الى عجبتيه صافي كيولي معاك مكين لاقهاوي لا ضوران لا زناقي وهي حتى هي معندهاش مع دكشي وفعلا فاتي خلاتو يبغيها ويحماق عليها وباقي ليها حاجة اخرى محقاتهاش ونتوما عارفين علاش اصلن جات من الاول
إلياس : فاطمة الزهراء
الياس حبس ليها يديها لي في شعرو وحطها على وجهو واليد الاخرى شد في صبيعاتها
فاتي : امم مالك؟؟
الياس : عارف شنو باغا ومزال عاقل على الوعد لي عطيتك ولكن نتي عارفة منقدرش نلعب دابا شوفي يدي ورجلي
فاتي : عارفاك مريض احبيبي ومغاديش تقدر توفي بوعدك
الياس : قلت ليك من ورا ما نربح غادي تولي تركبي معايا ونتسابق ولكن دابا ماغانلعب ماغانقدر نحقق ليك طلبك سمحلي ليا بزاف احبيبتي
الياس جرها عنقها وهي عنقاتو من عنقو
فاتي : ماشي مشكل حتال غدا ونهضرو في هاد الموضوع دابا خاصك ترتاح
الياس جرها حداه وعنقها ونعسو بزوج الياس دغيا نعس عضامو كيضروه فاتي لي بقات كتفكر كيفاش تقنعو تلعب في بلاصتو في السباق الجاي وهي عارفة فريق 🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎
شحال حاقدين وباغين غير منين يدوزو ليهم وأكيد غادي يقلبو على شي حاجة باش يخسروهم حيت رفضها الرشوة اكيد غادي يحاولو يديرو شي حاجة.
أيوب نااعس عريان من الفوق ولابس شورط التحت متكي بشعرو المخربق ووشاد في يديه التيليفون دوز لابيل
أيوب : هبة
هبة : الو أيوب يلاه لقيتي غادا نعس وافين صافا؟
ايوب : صافا مزيان نتي بيخير؟
هبة : انا أليز ماموالفش تعيط هاد الوقت شنو كين؟
أيوب : عندي هضرة ضرورية نقولها ليك
هبة : كنكون معاك كل نهار مالك مقلتيها في الصباح
ايوب : امهم وصافي متحكريش دابا نقولك
هبة : ولااااء راه غايضرني راسي قوليا
ايوب : كيف ديما نتلاقاو حدا المرآب
هبة : أيوب غير قوليا عف....
ايوب قطع وتخشا تحت المانطا فيه النعاس هاد الايام كيتدرب بزاف الياس مريض وهو لي معول عليه الفريق
هبة : أيوب... أيوب...
هبة بقات مصدومة زربان دغيا قطع
صبح الصباح الياس فاق لقا فاتي حاطا ليه الفطور وهي في الكوزينة كتهضر في التيليفون
الياس غوبش وجمع فمو بحال شي دري صغير فاتي دخلات لقاتو هااكاك شداتها الضحكة اويلي هذا مالو
فاتي : إلياس هههه مالك صباح النور
الياس : حاطة ليا فتووووور ونتي عارفاااني يدي ضالاااني مبيتيش توكليني
فاتي بدات كضحك عليه ومشات عندو وبدات كتوكل فيه بحال شي مومو والسيد مخشي حداها كيتبوحط بحال شي وليد يلاه زايد
الياس : معامن هضرتي اكبيدة ؟؟
فاتي : ماما ... سولاتني على الامور كيغادا و دكشي صافي
الياس : اممم نسيبتي توحشات بنتها صافي شفرتك ليهم مايبقاوش يسوفوك ههه
فاتي : شفرتي اقلبي وعقلي وكولشي
الياس جاتو فرصة يشد فيها شوية
الياس : امم لا لا مزال ماشفرت واحد الحاجة زوينة وبنينة
فاتي حمارت وتزنگات وخبطاتو لكتفو
فاتي : اليااااااااااس الباسل لاخر
الياس : ااااي كتفي
فاتي تخلعات وشدات فيه
فاتي : قسحتك سمحليا احبيبي سمحليا
الياس : امم قسحتي قليبي مزال مابغيتي تخليني نبوشششك
فاتي عاوتاني حشمها
فاتي : الياااااس راه غانوض ونخليك نعيط على اناس
الياس : اناس مع مرتو تيخليه معاها خليه معايا نتي احسن ههه
فاتي : امم الياس بغيت نهضر معاك ضروري
الياس عارفها اشنو غاتقول اصلن وصلاتو الخبار من عند سمير وحسان بلي السيدة ناوية تلعب في بلاصتو
الياس : لا
فاتي تصدمات مزال حتى ماقالت ليه كتشوفيه خنزر وعينيه تقلبو من الشوفة الحنينة لواحد شاعلة فيه العافية
فاتي : غير سمعني بعدا مزال مقلتش
الياس : لا هي لا افاطمة الزهراء صافي هضرت معاك غير خوي راسك من دكشي حيت مستحيل تسابقي مع 🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎
فاتي : الياااس عفاك غير سمعني بعدا
الياس مجاوبهاش ناض كيلبس مضارب مع الجاكيط مبغاتش تلبس ليه خاص لي يعاونو وهو عصباتو باغي غير يخرج يغبر وجهو لايولي جارحها بشي كلمة ، عصباتو ديك الجاكيط ضربها مع الارض وخرج لابس غير نص كم
فاتي شداتها البكية وعينيها تغرغرو علاش مانخليهاش تحقق حلمها وتسابق ياك كيبغيها وكيحماق عليها علاش مامخليهاش تسابق اشنو غايوقع كاع اصلن ماغاديش تسابق غير هاكاك ياك غادي تدرب مبقاش بزاف ديال الوقت خاصها من دابا تبدا تمرن فاتي بقات كتبكي شحال حتى فشات قلبها على الحيط عاد ناضت مسحات دموعها وهزات الجاكيط وخرجات عند اناس وسمير وحسان مجموعين في المراب
اناس : فاطمة الزهراء وافين نتي هنا باين ليا الياس خارج زربان وباينة معصب واش بيخير؟؟
فاتي تنهدات وعطاتو الجاكيط
فاتي : امم بيخير غير كنضارب معاه على داك الموضوع وصافي، هاك عطيه هاد الجاكيط لايضربو البرد...فين هو دابا؟؟
سمير : بان ليا مشا جهة الطبيب مشا يبدل غير الفاصمة ويدير الدوا متشطنيش عليه
حسان : فاطمة الزهراء
فاتي : نعام اخويا؟؟
حسان : واش نتي متأكدة باغا تسابقي مع
🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎
اناس : شوفي فيا راه القضية ماشي كيف كتشوفي كيبان ليك كولشي ساهل
جات سكينة سمعاتهم هاضرين على موضوع السباق
سكينة : فاطمة الزهراء حاولي تقنعيه وراه حنا معاك وتايقين فيك غادي تربحي
حسان : اه تايقين فيك مبغيناش الخسارة اصلن
فاتي : الله يخليكم ليا والله اخوتي
أناس : المهم شوفي نتي غير إلياس وانا غادي نهضر مع البوص ونقوليه على المتسابقة الجديدة .
سكينة : أناس واش في نظرك البوص غادي يبغي
حسان : غادي يبغي حيت اصلن ماباغيش الخسارة
الياس بانو ليه مجموعين ومشا بشوية رجلين مزال كتعطيه الحريق
الياس مشافش في فاطمة الزهراء وهي تقلقات وسكينة جرتها ومشاو كيهضرو بعيد عليهم
اناس عطا لإلياس الجاكيط
اناس : الياس ضروري خاص فاطمة الزهراء تشارك ولا غادي نتسببو في خسارة كبيرة وغادي نسمعو الهضرة من عند البوص
الياس : يمشي يتقود فاطمة الزهراء ماغاديش تلعب
حسان : مكتيقش فيها؟؟
سمير : باينة مكيتيقش فيها ...طلباتك غير طلب واحد وانت عارفها من الاول خاطرت بحياتها ودخلات تشوفك وفي اللخر ترفض ليها طلب واحد
الياس : فكر مزيان فاطمة الزهراء كتعرف تسوق وخاصها غير شوية ديال الوقت تدرب فيه صافي
الياس معصب وخايف عليها مستحيل يصبر الى وقعات ليها شي حاجة
الياس : كون كانت سكينة غادي تخليها؟؟
اناس : سكينة مكيعجبهاش هدشي ومداخلش لراسها والى كان عندها شي حلم غادي ندير مافي جهدي باش نحقو ليها غادي نتيق فيا ونساندها وندربها ونشجعها
سمير : اه اناس عندو الحق واخا كين شوية الخوف ولكن الخوف الخوف الخوف بزاف كيخليك ديما اللور اللور عمرك تدير شي حاجة غاتبقى ديما خايف
دكشي علاش خاص الانسان يواجه مخاوفه .
حسان : حاول تيق فيها غير مرة وحدة
الياس بقا ساكت شحال وحسان وسمير واناس غير كيضورو في عينيهم متأكدين بلي قنعوه
الياس : اففف صافي صافي تانفكر
الياس خدا الجاكيط ومشا وهوما بقاو كيتنهدو وكيطلبو الله يخرج هدشي على خير هاديك الكسيدة خرجات ليهم من الجنب
الياس كان غادي حتى عيط ليه اناس في التيليفون
الياس : شنو يلاه كنت حداك اصحبي ؟؟؟
أناس : طلع لفوق عند البوص باغي يهضر معاك
الياس شداتو الدوخة صافي قودها عرفو عرف الياس دار كسيدة ومغاديش يلعب في السباق الجاي
الياس حلو ليه الگارد الباب ودخل لقا البوص جالس مربع رجليه فوق الفوثاي في يديه كأس ديال الويسكي وكيشرب جغمة جغمة
البوص : جلس
الياس : بغيتيني فشي حاجة
البوص : واش حيت انت وولد خويا كيحساب ليك غادي تدير مابغيتي؟؟ واش عارف راسك شنو درتي؟؟؟
الياس حدر راسو وحشم ماعرف مايقول حيت فعلا دار غلط انو تسابق بسرعة فائقة وعارف مخاصوش يتسابق غير يتدرب صافي الطوموبيل مطانتش مبروگميا على السرعة القصوى اصلن
الياس : عمي سمحليا ولكن مكانش كيحسابلي غادي يوقع هدشي
البوص : سمعت بلي كاينة بنت سميتها فاطمة الزهراء كتربطك علاقة بيها
الياس : اه كنبغيها
البوص : كيحساب ليك مفخباريش كل نهار كتجي معاك واخا مخاصهاش تكون هنا
الياس دار في عمو ديك الشوفة ديال وصافي عفاااك
الياس : واعمي وراه كنبغيها منقدرش نخليها تسابق اه هي دخلات هنا حيت مهووسة بالسباق ومعجبة بيا ولكن دابا بيني وبينها علاقة جادة
البوص : مزيان نشوف مرت ولدي في نفس المجال ديال ولدي من هنا لغدا غادي نعطي تعليمات تبدا التدريب الى مبغيتيش تدربها انت غادي نكلف ايوب
البوص ضحك وخلاه معصب
الياس : ولكن...
البوص : مكين ماولكن شكون البوص هنا انا ولا انت... يلاه خرج بااغي نرتاح
الياس تنهد وخرج .
فليلساتي 🥰في نظركم غادي تسابق؟؟ واش غادي تفوز بالسباق الثاني ؟؟ واش غادي تسابق في الثالث ولا غادي يبرا الياس ويرجع؟؟؟
ردة فعل فريق 🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎 فاش يعرفو غادي يتسابقو مع بنت وماشي الياس؟؟؟
( سمحولي تعطلت عليكم كنت مضغوطة بزاف مع الخدمة ❤❤❤)
YOU ARE READING
لعبة الخارجون عن القانون 🇲🇦🏎❤
Romanceهلوووو هلوووو مرحبا بيكم في قصة جديدة هاد المرة كين غير السرعة وعان عااااان عاااااااااااااااااان🥱🏎❤
