فاقت فاتي لقات تيليفونها كيصوني والياس ناعس معنقها حداه طلقات منو وحلات الصاك جاوبت هبة
هبة : الو
فاتي جاوبت وعاودات ليها بلي دخلات وتسد عليها الباب وراه غاتجي دابا شوية
فاتي : وصافي راه شوية غانجي
هبة : معندكش العقل نتيا وحق الرب جيبي ليا الطوموبيل غادة نمشي نشوف ماما
فاتي : واخا
فاتي قطعات مع هبة وناضت غسلات وجهها فاش كانت فاتي في الدوش الياس ناض كيحسابليه مشات تخلع السيد بغا غير سميتها ،حتى بان ليه الصاك باقي هنا ناض تبعها لقاها في الدوش
الياس : مزال مقلتيش ليا سميتك ماناوياش ولا شنو؟
فاتي : ااه سميتي فاطمة الزهراء
الياس : امم ومني نتي معجبة غاتكوني عارفة
فاتي ضحكات حتى بانت ليها الغمازة في حنكها ليسر
والياس حمقاتو ديك الضحيكة مكرهش يشوفها ديما
الياس : امم الصراحة كينة ليوم حفلة مع الگروب لابغيتي تجي معايا
فاتي بالطبع ماغاديش تفوت هاد الفرصة وغادي تقبل اصلن بغات تبقى معاه ديما
فاتي : اه ولكن صحابك...امم زعمة مكين حتى مشكل ؟؟
إلياس : لا... هاكي كارط فيزيت ديالي عيطي ليا مع 7 دلعشية الى كنتي جاية
فاتي حركات راسها باه ، الياس كان غادي وشداتو من ذراعو
فاتي : ااه ...الصراحة الطوموبيل ماشي ديالي ديالي صحبتي وليوم غاتمشي عند ماماها ممكن تجي عندي غادي نسيفط ليك اللوكال
الياس : اها واخا غادي ندوش ويلاه معايا نوصلك حدا الباب لايتبعوك الگارد بحال للبارح
فاتي : صافي
فاتي تبعات الياس وعرفوها معاه حتى واحد مهضر معاها ، فاتي وصلات للباركينگ ركبات ومشات نيشان عند هبة.
إلياس داز معاه عند الدراري لقاهم مجموعين في الگراج كل واحد وفاش خدام
ا
لياس سلم عليهم ومشا عند حسان كيتأكدو من طوموبيلتو واش هي هاديك حيت غايدير بيها دورة تدريبية دابا ، حسان كيصمم وميكانيكي في نفس الوقت
والتصميم بمساعدة الحاسوب من اشهر الطرق المستخدمة من قبل مصممي السيارات لي كيعتامدو على الحاسوب في رسم وتحديد تصميم سيارة السباق.
حسان : هههه علاش جيتي سير لبس اصحبي حوايجك باش تبدا واش كتشك في قدراتي اصحبي راه قلت لك كولشي مقاد
الياس دار براسو مسمعوش وجمع حواجبو ماعاجبو حال معرف واش حيت كيبغي يتأكد راسو ومكيبغيش لي يقول ليه علاش علاش
ولا حيت مبغاش فاطمة الزهراء تمشي وبغاها تبقى مزال ، كان غارق كيفكر حتى قاطعهم أيوب
أيوب لاح بديه على كتف الياس كيضحك ديما هاد الجوج منوضينها غابيناتهم
أيوب : صافي صافي هنيونا... وانت احسان متديش عليه راه بان ليا ليوم خارج مع واحد الغزالة
الياس غاسمع الغزالة خرجات من فمو ضربو بالكاسك
أيوب كيتألم وحابس الضحكة اول مرة تشدو الغيرة
حسان : الغيرة... الغيرة أيوب متجبدش ليه البنت ديالو
إلياس خلاهم طالقينها عليه ومشا ركب في الطوموبيل ديمارا وكسيرا كيتدرب كيف ديما كل صباح عندو دورة نهار كيتدرب هو والنهار لي بعدو نوبة أيوب .
فاتي وصلات للدار حلات بالساروت لقات هبة شادة السشوار وكتقاد شعرها
هبة : على سلامة السلگوطة جيتي ولا جابوك؟؟
فاتي : راه سمعتي اشطرا ليا البارح
هبة : امم نتي راه خاصني نقتلك نتي طوالو ليك الرجلين وليتي تبات برا
فاتي مشات عنقاتها وهضرات معاها من المرايا
فاتي : اممم شوفي هالكارط فيزيت ديالو راه بصح تلاقيت بيه وبقيت حيت الباب تسد وتعطلت وتبعوني كون ماتخبيت ونتي عارفة البلاصة غير قانونية مايقدر حتى واحد يدخل تما
هبة حطات السشوار والمشطة وضارت عندها
هبة : نتي عارفة راه غير تشطنت عليك منقدرش نشوف صحيبتي العزيزة فشي مشكلة
فاتي : متخافيش عليا انا كبرت ماغادي نخلي حتى واحد يضحك عليا ونتي عارفة عينيا فاش وغادي نوصل لدكشي لي بغيت
هبة : مستحيل يعطيك الطوموبيل
فاتي : غادي نتسابق ومبقاش بزاف هو اصلن بان ليا عجبتو وباغي يزيد يتعرف عليا كون معجبتوش ماغاديش يخليني ندخل لبيتو
هبة حلات فمها : كيفاش بيتو؟؟؟؟؟؟؟
فاتي عاد سرات معاها اش قالت والسيدة بحالي غاتشدها من ثرمتها
فاتي : ولا لا لا اصحبتي ماشي كيف كيحسابلك
هبة ناضت ضربتها بداك السشوار لي كان حداها
هبة : تيكيفاش بيتو ؟؟؟؟؟
فاتي : ولالالا غاصبري نشرح ليك ... راه موقع والو
هبة : ومعرت ولا تان نشير علك بسندالتي هاد المرة ، اه كتبغيه وكتحماقي عليه وكيعجبك ولكن ديري حدود
فاتي : امممممم متخافيش صافي ليوم عرض عليا لحفلة مع صحابو يلاه معايا
هبة : تيواش مريضة في مخك يحساب لك معندي مايدار بحالك راه غادا عند ماما
خرجات لسانها وهزات كتافها زعمة ماسوقيش
فاتي : ديري بناقص نتي ماماك كل سبت غادا عندها ديري بلاش هاد المرة ويلاه ونسيني
هبة بقات تدور في عينيها وكتفكر
فاتي : امممممم عفاااك .... عفااااك ياك انا ختك... اممم عفاااااك
هبة : اااه صافي صافي غانمشي صااافي
هبة طلقات منها ومشات للكوزينة كتدندن في خاطرها
هبة : ياربي تصبرني مع هاد المحلولة السيدة شافت الياس وزادت تسطات .
... و... كيتناقشو كيفاش غادي يغلبو الياس وايوب في السباق الجاي عندهم ثلاثه السباقات هاد الشهر مع فريق 🔥🇲🇦 𝙏𝙞𝙜𝙚𝙧𝙨 𝙩𝙚𝙖𝙢 🏎 🔥، السباق الاول خسروه ومزال الثاني والثالث ومابين كل سباق وسباق بين فريق
🏍🏎𝙓𝙬𝙓 𝙧𝙖𝙘𝙞𝙣𝙜 🏍🏎
و
🔥🇲🇦 𝙏𝙞𝙜𝙚𝙧𝙨 𝙩𝙚𝙖𝙢 🏎 🔥
كينة مدة فين يوجدو راسهم
رضوان كيهضر مع جواد وحاقد معمرو خسر قدام شي واحد حتى خسر قدام الياس ولكن ضروري غايلقى منين يدوز ليهم.
رضوان : ولاد ال**** مستحيل يربحو مرة اخرى
جواد : شنو ناوي تدير؟؟؟ نفس البلان كيف ديما ؟؟؟
رضوان : سمعت الميكانيكي ديالهم لقديم نبيل مبقاش خدام في فريقهم اشنو بان ليك يقضي الغرض ؟؟
جواد : اممم مزيان هو عارف البلاصة حسن من واحد غريب معندو كيفاش يدخل لگراجهم .
رضوان : تكلف بكولشي ومنبغي حتى خطأ
جواد : كون هاني اعشيري .
وصلات السبعة دلعشية هبة و فاتي وجدو راسهم
فاتي لبسات جاكيط تحت منها تريكو وسروال دجين وسبادرية
هبة لبست تركيو فوق منو مونطو ومعاه وسروال و گاط في رجليها
ايوب وحسان سمير وحتى أناس محتافلين في القهوة لفوق كراو ديك البلاصة باش تبقى ليهم ديك الليلة
وجدو كولشي وطلقو الموسيقى زاهيين مع راسهم كيتسناو الياس والبنت
الياس عيطات ليه فاتي بلي راه واجدة وغااتجي معاها صحبتها والياس معندو حتى مشكل تجيب معاها لي بغات من غير الجنس الذكري
الياس شافها خرجات لابسة ومزيرة في دجين معجبوش الحال كون ماكان تعطل على صحابو يقول ليها طلعي بحالك بدليه
الياس سايق كاعي وغادي بسرعة
و فاتي حداه غاتبول في سروالها بالخلعة وكتهضر تحت نيفها
فاتي : اويلي هذا مالو يحسابليه مخو مسابق مقدراتش تهضر معاه كيبان معصب
اما هبة تاهي مامسوقاش دايرة الليزيات ومزكة كتحماق على الاغاني الإسبانية
فاتي عيات تصبر غااتموت بالخلعة وهضرات معاه ولكن كون ماهضرتش كون غاسكتات
فاتي : إلياس واخا تنقص وتمشي بشوية راك طاير
إلياس متسوقش ليها بقا غادي مكمل في سوگانو
فاتي ولات ندمانة علاش جات اصلن كتلفت عند هبة كتلقاها كتشطح مع الاغاني فوق السحاب السيدة في كوكب اخر
و
YOU ARE READING
لعبة الخارجون عن القانون 🇲🇦🏎❤
Romanceهلوووو هلوووو مرحبا بيكم في قصة جديدة هاد المرة كين غير السرعة وعان عااااان عاااااااااااااااااان🥱🏎❤
