لعبة الخارجون عن القانون 🇲🇦🏎❤

💗🏎 part 11 💗🏎

الساعة 6:30 ديال الصباح ... ناعس عريان من الفوق في الدار ديالو حتى كيصوني ليه التيليفون حدا راسو، سمعو ولكن مبغاش يجاوب وخشا راسو تحت المخدة ماباغيش يسمع الصوت ولا يعرف شكون كيعيط ليه. هو كيكره يكون ناعس ويفيقو شي واحد كيبغي ينعس حتى يفيق على راحتو، التيليفون اخيرا سكت من الصونيط كيحسابليه صافي اخيرا غادي ينعس في خاطرو ولكن بعد مدة قصيرة التيليفون بدا كيصوني من جديد وهاد المرة ناض شاخض مخسر هز التيليفون مقرر غادي يسب ويشبع سبان في لي كيتصل بيه دابا،
هذا غير السي عبد الرزاق طويل سمر موسطاج ولحية مطراسيين العينين زرقين الشعر كحل رطب حرير نازل على جبهتو مخربق بالنعاس والوشم في ضهرو كيبان على شكل نسر 🦅عينيه حمرين فايق خاسر البنات كلهم كتحمقهم سموريتو وعينيه زرقين جا كيحمق وكيسطي مع الفورمة مقادة الضهر والكرش مثاليين لشي لوحة فنية فشي متحف
جاوب بلاما يشوف شكون كيعيط...
عبد الرزاق : سمعني ازبي اخر مرة تعيط ليا في هاد الوقت ولا غانح*** ط***مك وجمع كرك ازبي اخر مرة تعيط ليا وانا مزال ناعس ، تانفيق الخرا ونعرف اشباغي .
نبيل : جمع فمك ولا نهرسو لحبك انا راه خوك الكبير الخرا جمع كرك ونوض تقود لبس حوايجك ودابا تكون عندي واحد البلان خانز فلوس
عبد الرزاق : بعد من مخي خليني ناعس سير عطي البلان لرضوان يقضيه ليك ولا شي واحد من صحابك خلي دينمي ناعس بايت سهران لبارك
نبيل : مزال مبغيتي تسالي من هاد القصاير دياولك؟
عبد الرزاق: دافكرك اصحبي
نبيل : ايه ايه غانوض يلاه شنو بانلك كنضن 300 ديال المليون كافياك باش تحل الكازينو لي بغيتي
عبد الرزاق : هاه؟؟؟ عاود عاود ازبي حلف بالله تاكيفاش كيفاش.؟؟
عبد الرزاق تبلوكا وبقا مصدوم كيفاش 300 مليون في بلان واحد وااه اخيرا غايحقق حلمو ويفتح اكبر كازينو في المغرب. ناض وقف كيخربق شعرو بيديه وكيدور في بلاصتو واش كيحلم؟ واش مزال ناعس؟
نبيل : كيف سمعتي من هنا للعشية غانعيط ليك نسمع جوابك
عبد الرزاق : ههه سير سير اصحبي من الضحك المقلون ديال والو كيحسابلك غاديرها بيا ميمكنش تعطيني هاد المبلغ كامل
نبيل : شنو قالك انا لي غانعطيه ليك هذا غير بلان غادي تنفدو لرضوان وغادي تخرج تقود بحالي موقع والو .
عبد الرزاق : هه ههه ولاهيلا ههه مكين لاشو نتسنى حتال لعشية قابل قابل امتى نفد ليكم البلان وشنو هو هاد البلان اصلن؟
نبيل : تالعشية وغانرجع نتأكد من جوابك.
عبد الرزاق قطع معاه وجلس كيضحك بوحدو عمرو خدا هاد القدر كامل ديال الفلوس ناض كيدوش باش يخرح .
ناعسة مخشية في صدرو ومعنقها بدات كتحل عينيها جاو مقابلين مع فمو بتسمات وباستو الياس حس بيها ولكن بقا داير براسو ناعس بغا يشوفها شنو غادير تاني
هزات يديها بدات كتلعب بوجعو كتحس معاه بالامان والإستقرار كيحتارم احتياجاتها والراحة لي بعيدة على القلق والتوتر والظن والتفكير الزائد وحتى الخوف لي تقدر تحس بيه، حتى فاش كتهضر على شي حاجة حساسة من جيهتهم الثقة والوفاء كتحس بيه تايق فيها وحتى هي كتيق فيه وحتى في رغباتها واحلامها كتلقاه معاها وكينصح فيها ويوريها الصح والغلط بعيدا على حب الوالدين هي محتاجاه ومحتاجة حبو ليها، فاش كتحس براسها ضعيفة كتلقاه معنقها وكيواسي فيها وهادشي كيخليها تحمد الله وتشكرو حيت تلاقات بهاد الانسان.
الحب كيخليك تحسي هاكا وهدشي ماشي تخربيق لأن وفقا لتقرير صادر عن كلية الطب بجامعة هارفارد فهاذاك هرمون الأوكسيتوسين لي كيتطلق فاش كتعانقو ولا كتباوسو يعني في أي اتصال جسدي كيطرا بيناتكم كينتج واحد المجموعة من الاحاسيس والمشاعر لي كيخليك تحسي بالرضا والهدوء الأمان واخيرا حتى الراحة النفسية.
الياس عارفها حاضياه حل عينيه كيشوفها ساهية فيه بحال شي سكرانة
الياس : لابقيتي كتشوفي فيا هاكا غادي ناكلك وهاد المرة والله لاهربتي ولا خليتك تحركتي
فاشي حشمات وتخشات تحت المانطا غطات وجهها وهو جرها حيد ليها المانطا كيضحك كيحس براسو معنق بنوتة صغيورة، فاتي خرجات راسها وشافت فيه بكل حب وحنان وعشق
الياس : ديالاش هاد الشوفة غير هضري هضري
فاتي: شي نهار الى مبقيناش انا وياك بزوج واش....
فاتي قبل ماتكمل باسها من فمها وهاد المرة مكانش بوسة حب عادية لا وإنما كانت شاملة كولشي جميع الاحاسيس لي كيحس بيهم من جيهتها
كيبوس فيها وكيعض في شفايفها بعنف فاتي كتبغي توقفو وهو كيشد ليها يديها ورا راسها وكيخليها تركل
بوسة شاملة غضب وحب والخوف
الياس خايف يفقدها كيف فقد اهم ناس في حياتو وهوما واليديه كيبوسها بعنف وكيعض وهي كتحركو وهو بحال السبع فوق المشة بقات كتركل ليه حتى استسلمات وخلاتو كيبوس وكيبردد جنونو
الياس طلق منها اخيرا حيد وجهو بشوية بشوية كيبعد عليها حتى تلاقاو عينيهم الياس باينة فيه ماعجباتوش الهضرة لي قالت ليه
فاتي : الياس راه ماغاديش نتفارقو ولكن انا دابا غير كنقول اي حاجه تقدر توقع
الياس ناض من حداها جلس فوق على جنب النموسية وعطاها بالضهر وفاتي تكمشات كتشوف في ضهرو
الياس كيتنهد طلع ليه الدم في هاد الصباح
فاتي ملقات متدير ومتقول من غير تنوض تنعقو من اللور
فاتي عنقاتو وحطات وجهها في عنقو
فاتي : سمحليا احبيبي اخر مرة نقول هدشي
الياس : عرفتي شنو خاصك؟؟
فاتي : امم العصا؟
الياس : خاصكي عضة لذاك اللسان باش مايبقاش يخرج هاد الزبل هاد الهضرة معندها حتى معنى واخر مرة نسمعك جبدتي الفراق على فمك .
الياس بعد موت باه ومو كيكره شي واحد يهضر معاه على الموت والفراق حيت باش تفرقي على شي واحد كتبغيه صعيب بزاف بنيتي معاه مستقبلك واحلامك باغا تكملي معاه حياتك وتبقاو ليما بزوج وفجأة تسمعي طرات ليه شي حاجة اكيد غادي تحطمي .
الفراق هو اخيب حاجة تقدري تحسي بيها فراق الوالدين وفراق الأحبة فعلا شي حاجة كتحطم عرفتي شناهي تفرقي على روح كانت جزء منك، الفراق حديثه الصمت وفاش كيفيض بنا يكون لسانه الدموع مكنعرفوش واش نبكيو عليهم ولا على ريوسنا القلب كان ديالهم ، ولكن عند فراقهم كيولي القلب فارغا وباهتا بحالي متعلق بيهم غير هوما بوحديتهم ، وبحالي الأرواح كانت متصلة بحبل من الوداد وتقطع هذاك الوداد على غفلة وتقطعت شي حاجة فيك شي قطعة من روحك مشات وكتحبس في ألم كبير وحزن مكيفارقكش كااع حتى ولو تظاهرتي بلي مكين والو .. كتغيب الشمس شمس الأحبة على سمانا وكيولي الكون كلو ظلام دامس، يصبح الكون كله معندو على ألوان ولا ملامح أو أصوات، كيبقى غير صدى أصواتهم ترن في أذاننا ولينا كنشوفو غير تصاورهم بين عينينا مبقيناش كنعقلو على حتى حاجة اخرى، كنعقلو غير على شوفاتهم قبل مايودعونا من هاد الحياة .
الياس : نتي عارفة شحال متعلق بيك ومستحيل شي نهار نتخيل راسي بلا بيك نتي اول واحد نوهب ليه قلبي ونعطيه كولشي نتي اول وحدة واخر وحدة .
فاتي : حتى انا كنبغيك بزاف ومنقدرش نعيش مع شي واحد من غيرك.
الياس دار عندها عنقها يلاه وجدي راسك ليوم غانمشيو لواحد البلاصة غاتعجبك
فاتي فرحات ولات كتخرج غير معاع ولا كيخرجو كاملين كيتعشاو برا ولا كيتغداو المهم من اخر حادث مبقاتش كتخرج بوحدها حتى واليديها شحال مامشات عندهم كتكذب عليهم بلي عندها امتحانات والقراية بزاف يكفي انها كتجاوبهم في التيليفون.
________
عبد الرزاق جالس فوق الفوثوي في يديه كاس الشامبانيا جالسة حداه وحدة بكسوة بيضا محلولة من الفخض كولشي كيبان داربة عكر حمر وماكياج ثقيل شعر كاري نازل على العنق ليلونتي خضرين بيرسينك في النيف الشفار لاسقين خفاف كيبانو طبيعيين بيضا وبشرتها صافية وزوينة صدرها ماكبير ماصغير مترمة وعندها ليهونش، وهادي غير بائعة من بائعات الهوى لي كيقصر معاهم عبد الرزاق كيشرب وكيضحك معاها اي بنت كتحلم تجلس معاه هاد الجلسة كوشي فيه كيحمق وخصوصا الضحكة و الابتسامة ديالو. مرة مرة كتلوح عليه يديها ولا كتقربهم لحجرو كيجيبهم يقصرو معاه وتمشي بحالها عبد الرزاق مكيتسوق لحتى واحد وعايش عيشة الفرنسيس كيشرب ويكمي ويتحشش ويقصر كل نهار مع ساقطة جديدة صونا ليه التيليفون استأذن وناض ...
عبد الرزاق : واصحبي ماشي دابا راني مقصر
نبيل : فكرتي فلي قلت لك؟
عبد الرزاق : امتى ندوز عندكم باش نهضرو في البلان؟
نبيل : مزال ماهضرت مع رضوان هو قال غير شوف ليا لي يقضيه ومن بعد نتناقشو فشي لاخر
عبد الرزاق : صافي انا غدا نكون عندكم في دار رضوان المهم انت باصي ليا دابا غير اللوكال ديالو باش نجي.
نبيل : يلاه تلاح تالغدا
عبد الرزاق قطع معاه ورجع يكمل قصارتو اما نبيل دوز لابيل مع رضوان
رضوان: فين كين شي جديد؟
نبيل : عبد الرزاق خويا موافق يقضي لينا البلان لكن بشرط تعطيه الفلوس قبل ماينفد الخطة
رضوان : مزال ماقلت ليكم شنو هو البلان وبهاد السرعة قبل ينفد؟ ههه واعرة هادي
رضوان كيضحك واش بصح الفلوس كتفاري الحوايج بهاد السرعة
رضوان : خاص غير فمو يبقى مسدود ومايخرج حتى كلمة ولا ماغاديش يعجبو الحال، باش نعلمك من دابا واش متأكد قلتي ليه يخرج السوق ياك؟ يعني بلاما يقول شكون دار ولا شكون مدارش بلانا نكرر كلامي؟
نبيل : تاالا اصحبي كون هاني المهم غاياخد الأمانة ويغبر كمارتو غدا غاندوزو عندك... واجي نقولك وواش انا معندي حتى حق فدوك الفلوس ههه؟؟؟
رضوان : حتى انت داخل في الخطة وعندك حقك غير هني مخك
رضوان سالا معاهم الهضرة وناض مشا وخلاهم كيضحك اخيرا غادي ينتاقم بلاما يحط يديه فشي حاجة ، كيكره ايوب لدرجة يقدر يدير أي حاجة باش يمحيهم من الكرة الأرضية، ماعمرو ينسى صاحبو جواد واشنو طرا داك النهار في الديبو واشرف لي تضرب برصاصة في رجليه وكون ماعتقوه صحابو كان حتى هو ميت محروق كيحس براسو وصل لهاداك الكره لي قريب يدخل فشي حالة مرضية وهدشي ماشي بسباب الحزن حيت عمرو قدر يربح فشي سباق بدراعو وبالموهبة والعزيمة ولا حيت الياس وفريقه رفضو الرشوة وكانت اول شركة ترفضو هي شركة tigers
لفريق tigers team، لا وإنما لي رفض شي حاجة باغيها هو كيخليه يندم علاش رفضو.
رضوان مكيحس بحتى تعاطف من جيهتهم عندو الرغبة في الإنتقام و إبادة الشخص المكروه، يعني عندو الرغبة في الانتقام كيحس غير بالحقد والمقت والاشمئزاز والعضب، الحلم ديالو باش يولي بطل في سباق السيارات تدمر ولكن مازال حاط امله في نبيل حيت ايلا فاز واحد بحالي فاز الفريق كامل يقدر يعطيه جميع ارباحو واملاكو وفلوسو واي منصب بغاه في سبيل يجيب ليه الكأس والميدالية.
الكراهية غير كتهلك طاقة الإنسان، والإشمئزاز والغضب غير مشاعر مؤقتة ولحظية عكس الكراهية فإيلا محليتيهاش بكري وسيطرتي عليها فغادي تعب اعصابك وتولي فشي حالة غايبة عندها أثار سلبية تدمر ليك ذاتك وصحتك الجسدية والذهنية .
~~~~~~~~~
هبة عيط ليها أيوب قريبة توصل تعطلات كانت الطريق عامرة أيوب ساعة وهو كيتسنى في الگاراج tigers team دخلات هبة كتزرب عندو بان ليها جالس حدا أناس وحسان
سمير مشغول كيحسب شي فلوس كيوجدهم للسباق الجاي
سكينة : هاهاي شوفو شكون هنا وواحد ايوب مسيكين قريب يطير من بلاصتو ومن الصباح وهو يمشي ويجي علينا جاب لينا الطيارة...
هبة : ههه تعطلت بزاف
هبة مشات عنقات أيوب وحسان بدا كيضحك
حسان : و بلاتي وبلاتي خليونا حتى نمشيو وخودو راحتكم ههه
سكينة: سكتنا ههه
سكينة ضرباتو بصاكها وحسان مشا كيكمل الخدمة والياس مشا عند فاتي لقاها كتلبس باش تدرب
كانت يلاه غاتسد السنسلة ديال اللبسة حتى جا قدامها وهي هزات فيه عينيها كتبتاسم وسد ليها اللبسة وشد في يديها دار ليها الليگات
الياس : كي غادي تدريبك
فاتي : امم كنتحسن الصراحة مبقيتش كنتخلع بحال الاول
الياس : مزيان الحبيبة ديالي
الياس عنقها وباس ليها عنقها وهي جاب ليها هر وبعدات كتضحك
فاتي وايوب ركبو في الطوموبيل مشاو لواحد القهوة طلعو لفوق بوحدهم خداو لي بغاو وجلسو بقاو كيتناقشو حتى فاتي تفكرات موضوع ماماها معرفاتش كيفاش تقولها ليه عارفاه غادي يتقلق ولكن حتى هي معندها مدير
أيوب : باغا تقولي شي حاجة ؟
هبة : ماغاديش نمشي معاكم لمراكش
أيوب مكانش متوقع هدشي كان باغيها تحضر وتفرج فيه
ايوب: ولكن انتي عارفة ماشي غير انا لي مشارك حتى صحبتك فاطمة الزهراء
هبة : عارفة ولكن عندي سبب ماما مريضة وخاصني نمشي نرد ليها البال
أيوب : اه ماماك مريضة متقدريش تخلي حتى يفوت الفينال واش مريضة بزاف؟
هبة : خاصني ضروري نمشي حتى انا مكرهتش نمشي معاك ولكن انت عارف
ايوب ضور وجهو جهة الطريق وتنهد هبة عرفاتو تقلق اهم نهار في حياتو كيفاش ماغاديش تكون معاه شدات في يديه وعنقاتو
هبة : مني نرجع نحتافل معاهم واخا؟
ايوب : امم صافي الله يشافيها وردي البال لراسك انا فاش تكوني غادا غادي نوصلك ونرجع ، دابا نوضي نمشيو لواحد البلاصة يلاه تحلات
هبة ناضت وركبات حداه شدات في يديه وهو سايق غير بيد ومرة مرة كيشوف فيها كيلقاها كتشوف الطريق
توقفو حدا واحد البوتيك كبيرة ديال الحوايج ودخلو كيقلبو ويشوفو هبة دخلات تقيس واحد الكسوة حد طويلة صيفية ديال البحر وايوب جاتو مكالمة من البوص وخرج برا كيهضر
هبة مع خرجات كتشوفو فين مشا كيحساب ليها مشا يخلص عاودت دخلات صافي ختاراتها جاتها زوينة ومريحة مامزيرة ماوالو مشات كتقلب عليه جهة لاكيس كتقلب مرداتش البال حتى دخلت في واحد باينة من، وجهو شي شرير وغدار من وجهو باين فيه الشر
هبة : سمحليا
هبة عتاذرت وجات غادا حتى وقفها معرفاتش اشنو بغا هذا تاني
... : ههه الزوينة الغزالة واحد الدقيقة من وقتك؟
هبة طلعات فيه حاجبها اويلي هذا مالو ماباغاش الصداع يشوفها ايوب يطويها هي وياه
هبة : لا سمحليا اخويا
هبة كانت غادا حتى شدها من يديها كيجر فيها ايوب كان سالا الأبيل مع داخل حتى كتبان ليه هبة مشادة مع واحد
هبة : وتاطلق طلق الخرا...
ايوب مشا كيجري عندهم حيد يديه ودفعو على المرايا تهرسات وطاح في الارض وايوب بدا كيضرب فيه ويدخل ليه في الكروشيات للنيف والوجه كلو خسرو ليه
بقا كيعفط عليه في الارض جرو من رجليه داز من حدا لاكيس عطاهم كارط فيزيت وقاليهم :
ايوب : عيطو ليا غانتكلف بهاد الروينة
هبة تبعاتو كتجري برا وكتندب معارفة كيفاش توقفهم وحتى واحد ماقدر يتدخل
ايوب لاحو برا جا وجهو على الحجر جات هبة باغا تحبسو ايوب بلاما يشعر دفعها وطاحت على يديها كان معصب بزاف ووجهو ولا حمر وكينهج هذا منيتو جر حبيبتو وبغاه يبقى يشوف فيه اكيد غادي يربيه باش اخر مرة يشوفيها ، برد فيه غدايدو عاد تفكرها تلفت وراه بانت ليه واقفة جامعة يديها كتضرها وحابسة البكية بزز مشا عندها وهي عطاتو بالضهر ومشات حدا الطوموبيل كتسناه يحل الباب ايوب جبد الكونطاك حل الباب ودخلات سداتو وبغا جالسة كتشوف قدامها وكتشوف فديك الجرحة .
ايوب طلع وبغا ساكت معرفش منين يجبد الهضرة ماكانش قاصد يدفعها هو كان معصب وجات في طريقو ايوب : احم هبة...
هبة : ديني للدار
ايوب ختار من الاحسن حتى يبرد الجو ويهضرو ديمارا الطوموبيل ومشا الطريق كاملة ماشافتش فيه عارفها معصبة، وقف حدا الفارماسي خدا لالكول وفاصمة والدوا والقطن وجا هي عرفاتو اشباغي يدير وجمعات يديها عندها مابغاتوش يقرب منها
ايوب : وطلقي يديك
هبة : غير خليني صافي يديني غير بحالي
ايوب : اري يديك ماغاديش نعاود الهضرة
هبة عارفاه مكيتفاكش وراسو قاصح عطاتو يديها رش لالكول وهي تقصحات
هبة : بشوية اايوب بشوية راه كيحرق
ايوب كيشوف فيها حابسة البكية بدا كينفخ على الجرحة وكيدير الدوا وفي اللخر لوا فاصمة على يديها وقرب عندها عنقها هبة عارفاه غير كان معصب اما هو عمرو يهز يديه عليها ولا يخليها تجرح
ايوب : سمحلي ليا احبيبتي مكنتش قاصد
هبة : امم معليش
هبة لقاتها سبة تبوحط عليه
هبة : اي اي يدي يدي ماقدراش ناكل بوحدي خاص لي يوكلني اي اي يدي مجروحة
ايوب بدا كيضحك صافي دابا خاصو شي يوماين تحزار
ايوب : هااه صافي واخا
ايوب داها لواحد الريسطو تعشاو وهي بقات كتضحك وتبوحط عليه مطلقاتو حتى شرا الشكلاط والورد وساعة تحزار من لفوق .