واقفين فوق منصة عالية ومن الجناب كين الجمهور أو المشجعين
الياس القدام وعلى جنبو ليمن المركز الثاني كين نبيل اما المركز الثالث فواخداه فاتي ، أيوب متسابق عادي بحالو بحال المتسابقين الاخرين حيت ملعبشش في السباق الاخير وتعزلو غيرر ثلاثة الياس شاد الميكرو ومقابل مع المشجعين وكيهضر كان الغوات و الاصوات مجهدة ديال البنات كيعيطو بسميتو وكيشجعو ، شي هاز اللافتات على الاشكال والانواع كل واحد وشنو كاتب فيهم .
الياس : احم... مني كنت صغير وانا متيمم بمقود السيارة لي كنت كنسعى نحط يدي عليه فينما سمحات ليا الفرصة ... وليوم اخيرا انا هنا وبفضل تشجيعاتكم ليا انا كل مرة كنزيد نعطي كثر وكثر ، وفي كل مرة كنكون محبط كنلقاكم كتشجعوني وكتدعموني وانا فعلا مقدر هدشي وكنشكركم بزاف حيت كتواجدو ليوم هنا ..
فاتي كتسمع فيه وكتبتاسم فرحانة ليهم ومفتاخرة بيه حيت اخيرا وصل للفينال واخا متوترة وفيها الخلعة ولكن تايقة في موهبتو وشجاعتو، فاتي تعطاها الميكرو باش تقول كلمتها...
فاتي خدات الميكرو بقات غير كتشوف فيه وكتلعب بعينيها جهة الجمهور وجهة الياس، الياس عرفها غالب على لسانها الستريس ودار ليها ببديه حركة شهيق و زفير باش يكون كولشي بخيير...
فاتي طلعات النفس وخرجاتها عاد حسات براسها شوية وقادرة تهضر .
فاتي : اااه... في كل مرة كانو وذنيا كيسمعو بلي هادشي ديال الولاد وماشي ديال البنات ، وكنت كنحس بحالي معندي حتى بلاصة في عالم السرعة والسباق، ولكن من بعدما دخلني واحد الانسان عزيز لهاد العالم ولي بفضلو انا هنا. كشافت بلي مكيناش شي حاجة خاصة بالبنات وشي حاجة خاصة بالولاد بالعكس اي واحد كيبغي شي حاجة وباغي يوصل خاصو غير يدير مجهود ويتدرب وربي ماغاديش يخيبو ، واهم حاجة خاصو يخوي راسو من الافكار السلبية. فاتي شافت في الياس وبتاسمت وحتى هو ساهي فيها اول مرة يشوفها كتهضر بجدية غالبا ديما حمقة وهبيلة ...كنبغي نشكر فريق tigers team على المجهودات لي كانو كيديرو معايا والوقت لي كانو كيعطيوه ليا حتى وصلت انا هنا ... الياس شكرا بزاف حيت انت معايا وشكرا حيت ديما كتدعمني وكتواسيني وتوقف جنبي في كل مرة كنفشل فيها.
المعلق : مشاهدة بطولات سباق السيارات أمر ممتع ومليء بالحماس في ظل تنافس السائقين باش يحصلو على المراكز الأولى في السباق، ويلعب المتسابق الأول صاحب المركز الاول في تعزيز تفاعل الجمهور مع السباق وبطبيعة الحال حتى المتسابقين لي بقاو عندهم دور اخر. جا دور نبيل وتعطاه يهضر وبطبيعة الحال الياس وفاتح مكيبقاوش معاه غير كتفوت نوبتهم وكلمتهم كيخليوه ويمشيو يوجدوو راسهم مكيتسوقوش ليه وحتى وهو غير مبالي كيهموه غير الفلوس لي خدا.
عبد الرزاق واقف في الديبو للتحت كيصوني على نبيل ولكن نبيل مشغول مع المعلق والجمهور...
نبيل تحرج التيليفون كيصوني للمرة الرابعة استأذن منهم ومشا بعيد وجاوب بدا كيهضر معاه معصب
نبيل : الخرا ماشي وقت الهضرة دابا ...
عبدو : سيفطت الاوديو للبوليس ومشاو لدار رضوان غايشدوه
نبيل بالصدمة كان غايطح التيليفون هذا اشنو كيخور
نبيل : قطع قطع وسير تقود براك من الضحك الحامض ديالك اصحبي
عبدو : وااابربي الى هاضر بصح واش مريض مفكرك باغي يسيفطني للحبس باغيتي نقتل روح اللهم ارا الفلوس ويمشي يتحوا للحبس
نبيل : واش عارف شنو درتي راه غايسيفط لينا رجالو يصفيوها لينا
عبدو : متخافش ضربت لكولشي الحساب من ورا السباق سوا خسرتي ولا ربحتي حيب الفلوس واجي لطنجة الباطو كيتسنانا
نبيل : كيفاش درتي ليها وامتى وجدتي هدشي
عبدو : سكت تقود دابا ماشي وقت كثرة الاسئلة حتى انا عندي ناسي ورجالي لي كيديرة خدمتهم...
عبدو قطع ونبيل لاح التيليفون مع الارض حتى تهرس عارف خوه خطير ومتهور كان عارفو مستحيل يقتل شي واحد على قبل الفلوس اه باغي يحقق حلمو ويفتح د كشي لي بغا ولكن عارف قلبو ابيض كان عارفو غايدير ليه راو داو...
كل طوموبيل خدات بلاصتها وكل واحد ركب في بلاصتو ديمارااو الكوموبيلات فاتي كتقرا القرآن وكتدعي الله تربح هي والياس
الياس مكيخاف من والو كيخاف غير نبيل يسبب لفاتي فشي موصيبة وعمرو يقدر يسامح راسو حيت كيفما كان الحال هو لي خلاها تلعب معاه.
كولشي كسيرا الدورة الاولى كانت سالمة الياس في المقدمة نبيل وفاتي في نفس الخط _ طوموبيلاتهم كيتحاكو مع بعضياتهم الياس كيشوف من المرايا كيبان ليهم كيتحاكو وواحد فيهم غادي يخرج على الطريق ، فاتي كتزير على الفولون بدات كتعرق بالستريس والخلعة اول مرة تواجه الاحتكاك
نبيل كيضرب ليها الطوموبيل مع الحاجز لي كيفصل بينهم وبين الجمهور ، فاتي تخبط ليها كتفها مع جنب الطوموبيل واخا السمطة واللبسة والكاسك ولكن توعتات في كتفها... نبيل استغل الوقت وضربها للمرة الثانية وعاودت تقصحات في نفس الكتف. الياس سايق بلا عقل مكيهمو والو من غير فاتي
الياس : هاد ولد القحبة هذا كيقلب على شي قلوة ديما كيقصدها كيبغي يحگر عليها ولكن هاي هاي وصل عندي انا اولد الكلبة الى ما نخرجك مقلبوب بطوموبيلتك راه ماسميتيش إلياس...
نبيل زاد القدام غادي قاصد الياس ولكن الياس كيحبسو من القدام ومكيخليهش يجي حداه ولا يفوتو
فاتي تقصحات من كتفها بزز باش سايقة وهي كتألم كتفكر هضرة الياس : " شوفي متضغطيش على راسك راه غير سباق واهم حاجة هي تبقاي ليا بخيير مكيهمني والو من غيرك "
"ومتنسايش انا هنا مالك وغانبقى ديما حداك متخافي من حتى شي حاجة "
فاتي كتفكر اول مرة تلاقات بالياس وكيفاش شدها وبقا كيسول فيها شكون نتي ومنين دخلتي، كتفكر دعم الفريق والتدريبات لي كانت كتديرهم مع أيوب
تلفتات حداها لقات ايوب جاي وكيقرب ليها فات كاع المتسابقين لي كان معاهم. حرك راسو بمعنى "تقدري تربحي غير تشجعي "
دارت ليه براسها اه ومشاو بزوج ضربو دورة كاملة كان الياس خرج المركز الاول كولشي كيسفق وكيغوت الياس نزل من الطوموبيل كيشوف في الشاشة الكبيرة كيبان ليه نبيل القدام ووراه ايوب وتابعاه فاتي
الياس : خرا كيفاش عادي ترجعات المركز الرابع واش ضاراها شي حاجة ماموالفاش كتلعب هاكا ؟؟؟
فاتي كيبان ليها نبيل قريب تشجعات وتوكلات عاوتاني على الله وكسيرات بالجهد...
المعلق : هاااه هااه يبدو ان المتسابقة الرابعة أتية بقوة نحن نتطلع للحاصل على المركز الثاني صاحب الميدالية الذهبية
فاتي ضاغطة على كتفها كيضرها بزاف ولكن لي ليها ليها ماتقدرش تحشم بالياس وبالفريق مرة اخرى و كتفكر اناس مني قاليها متخافيش طوموبيلاتنا كيتحملو السخونية ماشي بحال الطوموبيلات الاخرين الى بغيتي تجهدي السرعة غير كسيري ولكن حافضي على التوازن ديال الفولون حيت تقدري تدوخي وتقلبي .
فاتي كسيرات بالجهد يديها عرقانين كتحس بيهم من الليگات
اخيرا ضوبلات ايوب، ايوب جاتو الضحكة عارفها شجاعة كان غالب عليها غير الخوف وصافي
الياس تنهد شوية طلعات الثالث مزال عندها جائزة المهم متكونش في الرابع حيت ماغاديش يكون فائز بشي حاجة قيمة بحال الميداليات ولا الكأس.
نبيل كان كيضحك كيحسابليه ربح كان ساهي كيفكر في الكاس والميدالية حتى ضوبلاتو خلاتو حال فمو تبعها أيوب وعاد زاد تصدم للمرة الثانية
اخيرا خط النهاية عبراتو فاتي وايوب حتى هو سلك منها
ايوب اصلن كان حاضي معاه غير تشدو شي سوهة ويزرب عليه زربة الكلاب وبطبيعة الحال هادو غير قوالب إلياس.
فاتي نزلات كتجري غادا جهة الياس عنقاتو بالجهد وهو كيفرح فاش كيشوفها غادير بالفرحة شداتها البكية صافي اخيرا حلمها تحقق ودك شي لي بغاتو وصلات ليه
الياس بدا كيمسح ليها دموعها وكيسكت فيها
الياس : الحبيبة ديالي هاد النهار خاصكي تكون فرحانة فيه وكتشطحي وناشطة ماشي كتغبني يلاه يلاه مسحي عليا دوك العويانات منبغيش نشوفهم كيبكيو كيقطعو ليا قلبي يلاه يلاه...
نبيل خرج كيجري لايجي رضوان هو عارفو ماغاديش يجي دابا داير معاه يتلاقاو غير في الدار ولكن ماغاديش يمشي عندو ركب في الطوموبيل وقصد عبد الرزاق .
_______________________________
ناعسة فوق صدرو وكتفكر كيفاش هذاك النهار ديال السباق داز احسن نهار في حياتها
كانت ساهية حتى باسها في عنقها عاد فاقت
الياس : فاش كتفكر مامات وليداتي امم؟؟؟
فاتي شافت فيه كتضحك عينيها كيبريو بالحب وبالفرحة اي واحد من عينيها يعرفها عايشة الحنان وغايعرف بلي سعداتها بهاد الراجل لي مزوجة بيه دابا لقات فيهم لي بغات خصوصا في هاد الوقت صعيب تلقى انسان يفهمك ويبغيك كيفما نتي ويتفهمك ويحتارم الحوايج لي كتبغي.
فاتي قربات لفمو وباستو وهو غمض عينيه ذايب
الياس : ههه كتجبديني ياك؟ كتقلبي عليا؟
فاتي يلاه بغات تهرب للجنب لاخر وهو يجرها تحت منو وجا فوقها كيشوف فيها، قرب ليها كيبوسها من عنقها كيطبع بوسات حنان غير كيبدا مكيبغيش يحيد كيجيه عنقها رطيطب وبنين وريحتو كتحمق متسخاش تبعد...
تيليفون فاتي بدا كيصوني بدات كتحرك في الياس باش يبعد شوية تجاوب في التيليفون ولكن بحال المسكة والله مبعد منها جاوبات هبة واخا الياس مزال كيعض ويبوس عنقها...
فاتي : صباح الخير
هبة : صباح النور الكبيدة وشحال الساعة؟؟؟
فاتي : مزال الحال واش غانمشيو دابا ؟؟
هبة : ونوضي نوضي راه شهر العسل هذا راه ايوب لبس وسالا وحتى انا لبست واش واجدين نتوما؟
فاتي هبطات عينيها لقات راسها مزال عريانة هي والياس تحت المانطة مزال ماواجدين ماوالو
فاتي : اه اه صافي غير دوزو علينا ونمشيو كاملين ...
فاتي قطعات وناضت كتدفع الياس غير كيشدها مكببغيش يطلق منها
الياس : وبلاتي شوية مزال الحال مال ايوب وهبة زربانين
فاتي : و نوض نوض احبيبي ...
________
فاتي وهبة كيجريو حدا البحر وكيلعبو في الرملة وايوب والياس كيتمشاو حدا البحر مخلين هاد البنيتات الصغار وكيلعبو كيضحكو عليهم ، واحد الشوية ايوب والياس حيدو الحوايح بقاو غير بالشورط وتلاحو معاهم كيغرقو فيهم وسط الما...
✨The end ✨
YOU ARE READING
لعبة الخارجون عن القانون 🇲🇦🏎❤
Lãng mạnهلوووو هلوووو مرحبا بيكم في قصة جديدة هاد المرة كين غير السرعة وعان عااااان عاااااااااااااااااان🥱🏎❤
