فاتي عيات واقفة مخبية مشات كتسلت شوية بشوية وحاضية لايشوفوها لگارد
يلاه بغات تدوز من وسط الزحام تسلت ولكن شدوها لگارد : شكون نتي ورينا التيكي
فاتي بدات كطلع معاها الصهدة وعرفات راسها كحلتها ومعندها كيفاش تخرج من هنا وعارفة هاد البلاصة غير قانونية ماخاصهاش تكون فيها
فاتي مبان ليها غير تضرب لگارد ل*لاويه حتى طاح كيتألم ،وهربات ودخلات كتجي لداخل
(يحسابليكم غاتهرب وتخرج هههه؟ 😂 لا لا السيدة قلت ليكم سنطيحة )
دخلت هربانة ولگارد تابعينها وهي كتقلب على شي قنت تخبا فيها غير حتى تخوا الدنيا وتهرب حسن مايشدوها يغبروها يمحيو ليها الاثر
بان ليها غير واحد البيت دخلات ومن شكلو عرفاتو فيستيال كيبدلو فيه و دابا دخلات دخلات مكين كيفاش تعاود تخرج وهي بزز باش لقات بيت تخبا فيه، عرفاتهم غايجيو ايبدلو فيه دكشي علاش تخبات في القنت حدا البلاكار لي كيديرو فيه الحوايج ،فاتي مخبية وكتدعي الله مايجي حتى واحد يبدل في هاد الوقت ولكن معندها زهر إلياس دخل للفيستيال يبدل ويدوش
حل البلاكار بلاما ينتابه ليها حيد الحوايج بقا غير بالشورط سد البلاكار ومشا يدوش وفاتي حمدات الله مني ماشافهاش هي ماعارفاش بلي إلياس كون عرفات كون السيدة طارت عليه بشي تعنيقة
فاتي شافت تيليفونها شاعل من الصاك دايرة ليه الصيلونص عرفات غير بالضو بلي شي واحد كيصوني جبداتو وشافت شكون، كانت غير هبة لي كتصوني مبغاتش تجاوب الموقف لي فيه هي دابا مكيسمحش ليها تجاوب عرفاتها باغا تسولها فينك تعطلات
هبة كتصوني ومكتجوبهاش اول مرة تصوني ومتجاوبش واول مرة تمشي وتعطل هاكا
هبة كتدعي الله مايكون وقع ليها والو عارفاها خفيفة كطير مع الطيور
هبة : اففف جاوبي فينك... جاوبي ..
هبة كتصوني وتعاود وموجدة ليها الحريرة ليوم تسمع شي نويطات وتنقي ليها وذنيها لي معرضا راسها للصداع والمشاكيل بسباب داك إلياس وهو ماسايق ليها تاواش كاينة ولا لا
فاتي سيفطت ليها غير ميساج بلي مزال معطلة
رجعات التيليفون لجيبها وبقات مخبية حتى سمعات الباب تحل عاوتاني طلات شوية براسها حتى كيبان ليها إلياس عريان وغير بفوطة شعرو نازل فازگ على جبهتو
السيد غاشافت داك المنظر وداخت بقات حالة وفمها وكتشوف فيه كينشف شعرو بالسشوار
بقات حالة فمها حتى ضربت بمرفقها قرعة البروتين
إلياس غير سمع شي حاجة طاحت مشا كيشوف وهي فاتي عرفات راسها صافي هنا حصلات
وخرجات يلاه باغا تهرب وهو يشدها وضربها مع الحيط وحاصرها عرف بلي هاد الشخص هو لي كان مخبي حدا الباب برا وهنا غايتفاهم معاه وبالطبع هو مكيهموش شكون هاد البلاصة غير قانونية ومخصوش يكون هنا .
إلياس حيد الفولار على وجهها وخنزر فيها
إلياس : شكديري هنا وشكون مسيفطك ؟؟؟
فاتي كاع داك الطيران لي كان غاشافتو مخنزر لبدتها
فاتي : مامسيفطي حتى واحد انا غير معجبة بيك وبفريقك جيت غير باش نشوفك
إلياس مدخلاتش ليه هاد الهضرة لراست عارف راسو بنادم باغي غير منين يدوز ليه
إلياس : شكون قالك دخلي هنا وهاد البلاصة ماشي لأي واحد عرفتي لاشدوك شنو غايوقع لك
فاتي غير كتشوف وملبداها ولات باغا غاترجع بحالها وكتشوف في الظلام قريب يطيح فاتي كتحاول تبعد وتهرب ولكن والو دايرة بحال الريشة قدامو
فاتي : شنو غايوققع كاااع طلق ...طلق ...
إلياس عصباتو كيفاش هادي ماعارفاش قمة الخطورة لي هي فيها ومزال كتخرج عينيها مكتحشمش
فاتي : احم والله حتى انا اكبر معجبة دبالك عرفتي مناش وانا متبعاك حلمي نتسابق معاك ونكون في فريقك
إلياس جابت ليه الضحكة هاد النملة هادي بهاد الفورمة باغا تسابق معاه
فاتي شافت فيه حابس الضحكة وهي تغوبش
فاتي : والله حتى كنتسابق بطوموبيلتي لابغيتي نتسابق ضددك لاحگرتيني
إلياس : شوفي واش منين كتفهمني هاد البلاصة ماشي ديال أي واحد ماشي أي واحد غايجي ويتسابق ويدخل هنا واش عرفتي إيلا ساق ليك البوص لخبار شنو غايوقع لك
فاتي : عافاك ننقدر ندير اي حاجة باش تعطيني نتسابق
إلياس الشيطان بدا يلعب بدماغو وقرب حدا وذنيها وهضر
إلياس: امم أي حاجة
فاتي جاها الصهد وعرفات هاد إلياس ماساهلش كيف كان كيحسابليها
فاتي : أي حاجة غير خليني ننتسابق معاك
إلياس قرب لفمها ولكن بعدات ومقدراتش تقرب ليه
وهو غير شافها دارت هاكا بعد منها وضحك
إلياس : فيك غاالهضرة خرجي من هنا ومتبقايش ترجعي انا راه مكنعطي لحتى واحد طوموبيلات الفريق دابا تعالي نخرجك وسيري عمري نشوفك هنا ولا إيلا شدوك عمرك تحلمي تشوفي الحياة
فاتي حدرات راسها وزادت قدامو وهو غادي وراها وكيقول في خاطرو هادي جريئة حتال لهاد الدرجة داخلة حتال عندي وجاية لهنا وعارفة لبلاصة غير قانونية هو ماغاديش ينكر البنت زوينة وفنة وملاميحها كيوت وصغيورين وكتبان غزالة وكطير العقل
إلياس مشا لواحد الدار عندو في ديك البلاصة نيت قرببة للفيستيال هو قريب بزاف للبوص إدريس برادا لي في الاربعين من عمرو راسو شايب ورياضي فورمتو مقادة واخا في داك السن عزيز عليه إلياس لواحد الدرجة كثر من ولدو معاه مني كان صغير دكشي علاش مخليه هنا عكس كولشي لي كيمشيو بحالهم
فاتي مشات باغا تخرج لقات الباب مسدود حصلات ملقات منين تخرج الظلام طاح وكولشي مشا كتفكر واش ترجع عندو ولا تجلس حدا الباب ولا شنو غادير
فاتي : تفو شنو غاندير دابا نرجع عندو... لا لا لارجعت غايقول غير باغا نبات معاه اخخ على ليلة
فاتي بقات جالسة جالسة شافت راسها غير غاتموت بالبرد وفيها الجوع مكلات والو من الصباح شافت حتى عيات وناضت تسلات للدار غادة كتسلت والضو طافي حتى شعل الضو على غفلة ولقاتو واقف مربع يديه كيشوف فيها ومتكي على الحيط
فاتي تصدمات كيحسابليها ناعس كانت باغا تمشي غاتاكل
إلياس كيشوف فيها وحابس الضحكة وجاتو على الگانة يطلقها عليها شوية
إلياس : توحشتيني أحبيبة بهاد السرعة هادي
فاتي ملقات متقول بدات كتمتم عليه
فاتي : احم اااه لقيت الباب مسدود مكينش منين نمشي وبغيت غير نشرب
إلياس راشقة ليه ليوم يحمر ليها وذنيها لاكانت كتحشم لكانت سنطيحة غايحمر حاجة اخرى
إلياس جاي كيقرب منها وهي كتبعد عارفاه باسل
بقات كتبعد حتى تحبسات مع الطابلة
والياس تكا يديه على الطابلة وحبسها من الجناب وقرب ليها لدرجة النفس ديالها كتسمع
إلياس : اممم مبقيتيش باغا طوموبيل
فاتي كتحماق على طوموبيلات
🔥🇲🇦 𝙏𝙞𝙜𝙚𝙧𝙨 𝙩𝙚𝙖𝙢 🏎 🔥
عارفة إلياس اشكيقصد ولكن مستيحل تاخدها بهاد الطريقة إلا إيلا ولا باغيها ديك الساعة غادي يعطيها اي حاجة ديالو فاتي كتفكر وكطلب من الجنون لي فراسها يعاونوها قربات لعنقو وتعمدات تطلق النفس ديالها في عنقو
فاتي : اممم غاتعطيهالي من قلبك بلا مقابل
إلياس تنهدات ليه في عنقو جاه الصهد معرف باش تبلا هادي باغا تطير ليه العقل مافيهاش الشك
إلياس إستحلاها وحط يديه على جنبها من الكريشة وهو طالع حتى وصل لعنقها
إلياس : تايقة في راسك الغزالة ديالي
فاتي حيدات ليه يديه وبعداتو عليها إلياس معرفتش علاش جاتو الرغبة ببقى مزال حداها عجباتو ومكرهش يزيد يتعرف عليها ، شد ليها يدياتها وجرها جلسات وإلياس مشا للكوزينة جبد قرعة الما وخوا ليها في الكاس وعطاه ليها
فاتي خدات الكاس وقرقراتو بحال هاديك لي سيمانة ماشاربة
الياس كيضحك عليها كتشرب والما من جناب فمها كيتقطر
الياس شهاتو غير كيشوف في جناب فمها وكيقرب ليها
فات عاد كيححسابليها غاياخد الكاس وصافي ولكن حيد الكاس وقرب حدا فمها ومص ليها داك الما
فاتي غفلها بقات حالة فمها وهو بعد عليها شوية وشاف في عينيها
الياس : كديريها بلعاني شربتي هاكاك باش تأتيريني
فاتي خنزرات فيه هذا مالو غاتنوض تشير عليه بشي حاجة بدات كضرب فيه لصدرو وهو كيحس بهادوك الضربات بحال شي قطيطة كضرب فيه
فاتي : بعدمني انتلي قربتي ليا ومزال كتقوليا درتها بلعاني واش مكتحشمش
الياس خراتو بالضحك مني كتعصب كتولي حمرة جابت ليه الضحكة شد ليها يديها
الياس : صافي منبقاش نعاودها ... شوفي لهيه...
فاتي على نيتها شافت فين نعت ليها يلاه بغات تضور تقوليه راه مكين والو حتى طير بوسة عاوتاني
فاتي : وااااااه واش حمق
الياس بدا كيضحك صافي صافي منعاودش
فاتي دفعاتو ومشات باغا تخرج
الياس وقفها شد في يديها ووراها راه الشتا كتصب والجو بارد
الياس : بقاي هنا
فاتي بان ليها كينة غير نموسية وحدة ، شافها كتشوف جهة النموسية والدار فيها بيت النعاس وكوزينة ودوش
الياس : غادي نعس في الأرض غير سيري
فاتي شافت فيه غير كيزيد يخليها تبغيه هاكا واش حيت عارفها معجبة باغي يستغلها
الياس شافها سرحات وفيقها
الياس : اييه مالكي ... سيري انا انجيب ليك شي حاجة مكين والو حيت هاد الدار غير كنعس فيها كناكل مع الگروب
فاتي حركات راسها بأه ومشا يشوف شي حاجة لقا غير شلاضة ديال الخضرة في الثلاجه
فاتي بقات جالسة وكتفكر مكرهاتش تبقى معاه ديما
جاب ليها بدات كتاكل وحاضياه كيفرش في الارض و تفكرات مني قال ليها راه الشتا كتصب وكين البرد بقاي هنا وهو غاينعس في الارض ضرها قلبها هاكا
الياس نعس في الارض وعطاها بالضهر عيان اصلن بالسباق لي لعب ليوم وبلاصال والبوص إدريس من جهة ماخاص حتى واحد يكون هنا براني وهو جايب بنت هنا
فاتي كملات شلاضتها وحطات الطبسيل فوق الطابلة ومشاات كتعيط ليه وهو سمع سميتو شحال خارجة زوينة من فمها ودار براسو ناعس
فاتي : إلياس... إلياس... إلياس... إلياس...
إلياس : مالكي ؟؟؟
فاتي هضرات وهي مخلوعة عليه ماباغاهش يمرض بسبابها
فاتي : غير نعس حدايا ماشي مشكل ولكن بشرط بيناتنا مخدة مخلاتو تايهضر جراتو كتنوض فيه
فاتي : نووووض... نووووض وناري جبل ماشي بنادم
الياس تكا جهة ليسر وفاتي خدات ليمن مبقاتش تشوفيه وضورات وجهها للجهة الاخرى
الياس منعسش خلاها حتى نعسات حيد المخدة وقرب وعنقها من ضهرها
وهي حسات بيديه ضايرين عليها ولكن محيدتهاش هادي غاتكون احسن ليلة واحسن نعسة مع شخص كتحماق عليه وكتبغيه سنين
الساعة الثلاثة ديال الليل فاتي ناعسة كتشخر وهو مزال ماجاه النعاس كيحس براسو عيان مقادرش يتحرك ولكن النعاس والو
شافها ضارت عندو وعنقاتو حطات راسها على صدرها السيدة في العالم الموازي وهو حلف النعاس لاجاه بقا كيفكر واش هادي بصح معجبة كبيرة وكتبغيه وكتحماق عليه ولا جاية على غرض الطوموبيل بقا كيفكر حتى عيا وطلقها تسرح
إلياس : غادي نفتح ليك قلبي ووغانحاول نبغيك خاصك تكوني على قد الثقة ومتفكريش تغدريني
هو كيهضر والسيدة كتشخر ماعلابالهاش كون سمعاتو اشقال كون نقزات بالفرحة ، الياس بفا كيفكر حتى داه النعاس ونعسو بزوج الياس اول مرة يحس بشي واحد ناعس حداه وهاد الواحد كيبغيه ويحماق عليه وماشي بحال اي معجبة هادي جريئة وقدرات تكسب ثقتو ودخلها حتى لفين كينعس حتى صاحبو ايوب وعمرو تاق فيه تالهاد الدرجة معرفش واش هدشي لي كيدير فيه صحيح ولا لا .
YOU ARE READING
لعبة الخارجون عن القانون 🇲🇦🏎❤
Romanceهلوووو هلوووو مرحبا بيكم في قصة جديدة هاد المرة كين غير السرعة وعان عااااان عاااااااااااااااااان🥱🏎❤
