لعبة الخارجون عن القانون 🇲🇦🏎❤

💔🔥🏎part 5 حادث 🏎💔🔥

جا نهار اخر وكيف العادة فاطمة الزهراء كل نهار كتمشي تدخل مع الياس  وكتحضر للتداريب ديال الياس و أيوب ولات  تدخل معاه  حيت متقدرش تدخل بوحدها الگارد واخدين أوامر حتى واحد مايدخل غير مني كيشوفو إلياس معاها  مكيهضروش 
سمير : اوووه شوفو شكون هنا صافا ؟
فاتي : صافا وانتوما الامور بيخير؟؟؟
أناس : بيخير وافين بغيتي الياس راه حدا الطوموبيل برا  مع حسان ...وقت للتدريب  دابا
فاتي : وافين ايوب ليوم غايلعب  راسو؟؟
سمير :  أيوب ليوم ماغايتدربش  باينة شي رونديفو مهم
فاتي : اممم يلاه انمشي نشوف الياس كملو كملو
فاتي خرجات من المرآب  بان ليها الياس واقف حدا حسان ومعاهم بنت رشيقة وزوينة شعرها صفر وطويلة ،فاتي طلعات حجبانها شكون هاد الخرية تاني وعلاش واقفة معاهم زادت باغا تعرف شكون .
الياس هاز الكاسك في يديه ولابس اللبسة ديالو لي كانت في نفس اللون ديال الطوموبيل  لي كيتسابق بيها
يلاه غايدير الكاسك حتى سمع صوتها وبالطبع عرفها
الياس كتبان ليه جاية مخنزرا باينة بحالي طالع ليها الخز
الياس : فاطمة الزهراء
فاتي ضربات بكتفها ديك البنت وتلاحت على إلياس عنقاتو وبالطبع دارتها بلعاني
الياس جابت ليه الضحكة باينة من الطيارة غارت ماموالفاش تعنقو
الياس : توحشتيني احبيبة
فاتي : اه احبيبي توحشتك لبارح مقديناش وقت بزاف مع بعضياتنا
الياس طلق منها وضورها عند حسان وديك البنت
الياس : احم سكينة هادي فاطمة الزهراء
سكينة بتاسمت ليها وجاوباتو
سكينة : تشرفت بمعرفتك فاطمة الزهراء
الياس : فاطمة الزهراء هادي سكينة خطيبة أناس
فاتي غا سمعت خطيبة أناس عاد بردت على شوية كانت غاتنوضها اصلن خاصها غامعامن ماضاربتش من أيام الليسي وعرفت بلي غير تسرعت وهي تحمار بالإحراج  مني ضربتها لكتفها ابتاسمت وقالت من بعد ونعتاذر ليها
فاتي : الشرف ليا اسكينة
الياس ركب وديمارا الطوموبيل بقا واقف شحال عاد كسيرا
سكينة ضارت عند فاتي لي كتبان ليها كتلعب بصبعانها بحالي باغا تقول شي حاجة
سكينة بدات كضحك عليها
سكينة : غير قولي  ... قولي
فاتي : اههه الصراحة كيحسابلي شي بنت معجبة بالياس ودرت هاكاك سمحلي ليا بزاف  حيت اول مرة نشوفك
سكينة : لا ماشي مشكلة الصراحة انا مكنجيش هنا دائما غير ليوم مكانتش عندي الخدمة بزاف وجيت مع أناس والبوص عارفني خطيبتو يعني هانية
فاتي : امم هذاك البوص واش مكيبانش؟؟
سكينة : شوفي نتي عارفة هاد البلاصة ماشي قانونية البوص بوحدو لي عندو الحق يتحكم فيها
وكيسمح غير لهادوك لي كيتسابقو ولي خدامين هنا والريوس الكبار هوما لي كيدخلو هنا ونتي وأنا راه مازال ماعارفش بلي كنجيو مع أناس وإلياس  والى مشا حتى عرف غادي يجبد للگروب كامل الصداع وحتى الگارد غايجريو عليهم  ويجيبو وحدين اخرين
فاتي : امم بصح عندك الحق خاص نقول لإلياس منبقاش نجي بزاف
سكينة و فاتي كانو هاضرين حتى كيسمعو حسان واناس وسمير كيهضرو بالجهد وكيغوتو
أناس : علاش غادي بسرعة فائقة 
حسان : انا راه مبروگراميتش الطوموبيل حتى حساب السباق مفهمتش هذا اشنو كيدير دابا
أناس  شد براسو غادي يدير شي مصيبة الطوموبيل  ماموجوداش للسباق غادي يدير شي كسيدة
فاتي وسكينة دخلو كيجريو  كيهزو راسهم في الشاشة الكبيرة كيبان ليهم الياس الطوموبيل غادا طيارة
مشات فاتي عند حسان
حسان : شوفي الغلط ماشي ديالي ديال الياس الطوموبيل مامبروگمياش على السباق علاش كيدير هاكا
فاتي صافي غايخرج ليها العقل قريبة تسخف كتمشي وتجي وحابسة البكية كيفاش الطوموبيل مامبروگمياش على السباق وهو غادي طاير هاكا واش باغي يدير شي مصيبة في راسو
الطوموبيل تقلبات بالياس وتضربات بحائط الأمان وشعلات العافية  
كولشي شد فمو و فاتي غوتات وخرجات كتجي غادا مافي بالها لاعافية لاوالو كتفكر غير في إلياس 
الگروب تبعوها  باغين يوقفوها لاتمشي تحرق
فاتي كتبكي وجالسة كتحل في الباب كيبان ليها الياس مزير ومحبوس ومقادرش يخرج
اناس كيعيط لفريق الإنقاد مدة قصيرة وجاو اصلن كيكونو ديما هنا في حالة وقعت شي مصيبة
خرجوه من الباب  طلعوه فوق الباياص  وداوه للسبيطار الصغير لي كين حتى هو في حالة وقوع شي حادث حيت ديك البلاصة معزولة وغاتاخد الوقت باش يمشيو لشي سبيطار اخر
فاتي شي ساعة وهي  كتبكي ويديها كتحرقها وباغا غير الياس يولي بيخير
سكينة كتهدن فيها وهي والو العقل مكينش هنا كتهضر وكتنخصص
فاتي : سكينة...علاش مزال ...مافاقش هاه...؟؟؟
سكينة : غير صبري راه قالك الطبيب ماشي شي حاجة خايبة موعت في يديه ورجليه وكان لابس الكاسك واللبسة محمية من العافية معندك مناش تخافي غير تهدني
اناس وسمير وحسان واقفين مع الطبيب من بعدما خرج من عند الياس وقاليهم متخافوش غير موعت
و دابا فاقد الوعي بسباب الحريق وصافي معندو حتى ضربة في راسو
اناس تنهد وحمد الله مني ماوقع ليه والو
سمير : مفهمتش علاش مشا بديك السرعة و الطوموبيل مامبروگمياش على السباق والسرعة الفائقة
حسان : تشرگو وتشقو  أجزاء كبيرة بزاف من الإطار بسباب ارتفاع درجات الحرارة الطوموبيل مامبروگمياش ماموجوداش للسباق
اناس : شنو غايدير عندو 2 سباقات جايين
حسان : عيطتي لأيوب علاش مزال ماوصل؟؟
اناس : عيطت وراه جاي كان عندو رونديفو قالك مهم
سمير : واخا يكون جاي من الشينوا
أيوب جاي ومعاه هبة داخل كيزرب مخلوع على صاحبو
أيوب : فين هو واش فاق؟؟؟؟
اناس : على السلامة
ايوب : اففف الطريق عامرة
سمير : قالينا الطبيب شوية الوقت ويفيق
هبة : خويا قوليا عفاك فين فاطمة الزهراء ؟؟؟ 
اناس : راه مع سكينة في الگراج شحال وهي واقفة هنا حداه مشات داتها سكينة خطيبتي يضربها البرد على شوية وتسخف لينا
خرجات هبة مشات نيشان للمرآب لقاتهم جالسين وفاطمة الزهراء كتشرب الما
فاطمة الزهراء غاشافت هبة وهي تلاح عليها عنقتها وهبة كطبطب عليها
فاتي   كتبكي وسكينة غير كتشوف وكتنهد
فاتي : هبة مزال مافاقش... علاش... علاش..
هبة : شوية دلوقت متخافيش راه بيخير
هبة جلسات حداها وعطاتها تمسح عينيها
فاتي : شكون قالك الياس دار كسيدة وشكون جابك
هبة : شوفي حالتك مسحي بعدا عاد نهضرو
كنت مع ايوب كنشريو شي حوايج وعيط أناس
فاتي : واعدني قاليا الى ربح في السباق لي عندو بعد خمس ايام غادي يخليني نركب في الطوموبيل وهو حدايا ... ودابا ماغايركب في طوموبيل ماغايكون حدايا متخيليش فاش تقلبات الطوموبيل شحال بكيت حسيت بقلبي غايموت وجاتني الدوخة
هبة : صافي متخافيش راه بيخير
فاتي : منقدرش نصبر الى وقعات ليه شي حاجة والله
هبة و فاتي ناضو عند الياس رجعو للشومبر لقاوه فايق  وضايرين بيه كلهم وفاتي مشات شدات ليه في يديه
فاتي : إلياس... فقتي معرفتيش شحال خلعيتي عليك الحمد الله مني موقعاتش شي حاجة خايبة
الياس مكيجاوبهاش مكيشوفش فيها اصلن
ايوب واناس والدراري بقاو غير كيشوفو كيفاش هادو خليناهم محابين ومصالحين مالو مضور عليها وجهو
أيوب : على سلامتك
إلياس حرك راسو وفهمو أيوب بمعنى  بلي راه بيخير وموقع والو
أناس شاف فيه معصب منو
أناس : الله يشافيك، من بعد ونتفاهمو
إلياس : بغيت نبقى بوحدي
الدراري بغاو يخليوه راسو حتى يرتاح ويهضرو في الموضوع كولشي خرج بقى أيوب و فاتي
إلياس : راه قلت بغيت نبقى بوحدي مسمعتوش؟؟
أيوب مافاهم والو مالو تقلب هاكا جات فاتي تشد في يديه وهو يدفعها
فاتي : إليا...
أيوب شافو دار هاد التصرف  محملوش  وجر فاتي تبعد وهي معرفاتش مالو ياك كيبغيها وكيحماق عليها وكتعجبو وباغين يكملو بزوح
أيوب : هااااه... اصحبي جمع يدك... راه غير مخلوعة علك
الياس متسوقش ليه وايوب طلع ليه الدم و فاتي شداتها البكية علاش دفعها وهي شحال تخلعات عليه وكانت خايفة لاتخسرو
الياس : خرجو بزوج بيكم بغيت نبقى راسي
أيوب شاف تاعيا وجر فاتي خرجها عند هبة تجلس معاها ورجع عندو دخل معصب وشاعل
إلياس شافو دخل وتنهد هذا مامفاكش معاه
إلياس : أيوب راه هضرت اصحبي والله ماباغي نهضر مع شي واحد ولا عندي الطاقة
أيوب : علاش تصرفتي مع البنت هاكاك... كانت غااتموت بالخلعة وكتقول صافي خسرتو منقدرش نعيش بلا بيه وهو كولشي
إلياس  دور راسو جهة أيوب وبدا كيقوليه علاش مابغاش يشوف وجهها دابا
الياس : علاش غادا كتجري عندي واش باغا تحرق باغا توقع ليها شي حاجة واش ماعارفاش بلي اللبسة محمية  من العافية وما يقدر يوقع ليا والو واش حمقة تالهاد الدرجة
أيوب : متبقاش تلوم فيها دابا راه كانت مخلوعة عليك يديها مزال كتحرقها مدارت ليها تاالدوا هبة كتعطيها الدوا كتلحو كتقوليها بغيت إلياس يفيق
ومني فقتي وشافتك وجات كتجري عندك درتي ليها هاكاك
الياس : ماغاديش نهضر معاها قوليها تدير الدوا ووصلها هي وهبة وقوليها ترد ليها البال يمشيو للدار يرتاحو
أيوب : كون مكنتي صاحبي كون دخلت لك شي كروشية
إلياس : افففف وصافي تاانت
أيوب خلاه وخرج
أيوب : هبة
عيط لهبة لي تاهي كتبان فيها عيانة وصحبتها لي فديك فديك الحالة قطعان قلبو
هبة : اممم مالك ؟؟ كيبقى الياس؟؟
ايوب : بيخير بيخير... نوصلك ترتاحي؟؟؟
هبة : لا لا غانبقى مع فاطمة الزهراء
دارت هبة جهة فاتي لقاتها جالسة فوق الكرسي كتلعب بصبعانها وكتفكر
ايوب : كليتي شي حاجة؟؟
هبة : لا مزال راك عارف بقينا مشغولين مع الياس
ايوب : يلاه نمشيو مع الدراري ونشوفو فاطمة الزهراء لابغات تاكل 
هبة : كنضن ماغاديش تبغي تخليه وتمشي
ايوب : انا غا نهضر معاها غير تسنايني هنا نتي واناس وسمير
هبة : فين حسان؟؟؟
ايوب : حسان عندو شي خدمة غير شاف الياس فاق ومشا زربان يكمل تصميم واحد الطوموبيل جديدة
هبة  : ااه يلاه سير انا هنا
ايوب مشا عند فاتي لقاها شادة البكية غير بزز تشوفها تبقى فيك حالتة كتقطع في القلب الماسكارا ممسوحة وجهها شاحب بالبكا ونهار ونهار كامل بلا ما بلا ماكلة
ايوب : فاطمة الزهراء
فاتي : نعام اخويا ؟
ايوب : يلاه كولي شي حاجة راه بيخير غير خليه تايبرد ونهضرو معاه
فاتي : لا والله مافياش الجوع غير بصحتكم
ايوب : غير يلاه راه غاتسخفي
فاتي : غير خليني
ايوب مالقا مايقول تنهد وخلاها عل خاطرها
فاتي عيات جالسة وناضت دخلات تشوفو يحساب ليها ناعس الساعة لقاتو جالس باغي  يتحرك يشرب الما ولكن رجليه ضاراه بزاف مكيقدرش يحركها
دخلات مدات ليه الما وعطاتو يشرب ، الياس مشدش من عندها الكاس خلاها مادة يديها وضور وجهو للجهة الاخرى.
فاتي حطات الكاس فوق  الطابلة ومشات وقفات حداه
فاتي : إلياس... شنو هدشي لي كدير فيه دابا؟؟؟ مفهمتش؟؟؟
إلياس : واش...

فليلساتي ❤في نظركم غادي يتصالح معاها؟؟ ❤❤ تسناو البارت الجاي 🤤💞🔥