لعبة الخارجون عن القانون 🇲🇦🏎❤

🔥🏎💗 part 9 💗🏎🔥

شعلات العافية في المستودع كامل ياسين فاش تخنق بالدخان ناض كيكحب
كتبان ليه الدنيا كولها دخان والعافية غادا وكتجهد عزيز لي مربوط حداه مضروب مشا كيجري عندو كيضربو لوجهو وكيفيق فيه ، فاق وناض تفكر رضوان والدراري بلاما يفكر في راسو غادي كيتجري جهة الباب معندو منين يدخل و ياسين تبعو كيجري كولشي مشدود فيه العافية ، مشاو للباب اللوراني كان مامشدوداش فيه العافية بزاف هرسو عزيز برجليه ودخلو كيبان ليهم رضوان مجبد طايح في الارض غادين جهتو وكيتخطاو العافية ياسين يلاه كانت غاطيح عليه حديدة كلها عافية دفعو ياسين وطاحت في الاض الى مزربوش غايبقاو حتى يتحرقو كاملين
عزيز هز رضوان على ضهرو وخارج بيه برا وياسين مزال لداخل كيقلب على اشرف وجواد
عزيز كيفيق في رضوان وكيضغط ليه على كرشو فوق السرة بقا شحال عاد فاق كيكحب
عزيز : عندك الزهر وصلنا دغيا
رضوان : جواد... جواد؟؟؟؟؟
عزيز تفكر ياسين ناض يلاه بغا يدخل حتى كيبان ليه ياسين متكي عليه أشرف لي فايق ولكن رجليه كلها دم لي ضربها ليه ايوب بقرطاسة
رضوان ناض كيجري باغي يدخل يقلب على جواد وشدوه الدراري معندوش فين يدخل النار تجهدات وولات في كل بلاصة الى دخل ماغاديش يخرج
رضوان : طلقوووو طلقوووو مني جواد جواد مزال لداخل
عزيز : لا اصحبي معندك كيفاش تدخل
رضوان عيا معاهم ووالو رجليه فشلو وطاح
جواد كان صديق الطفولة ديالو ديما بزوج اي حاجة قالها ليه كيقوليه واخا فاش كان كيضربو باه هو الوحيد لي كان كيجري عندو وكيبقا معاه الليل كامل

رضوان : كولشي بسبابو اقسم بالله ماغادي تدوز ليه
عزيز ندم كاع اشداه لهادشي
عزيز : من الاحسن نبعدو من الصداع ونساو كولشي متنساش بلي مزال عندك مع إلياس سباقين
الاول مع فاطمة الزهراء والثاني يقدر يكون مع إلياس الى برا 100%
رضوان : مابقى كيهمني لاسباق لاوالو من بعدما مشا صاحبي جواد وعمري غادي نساه ولا غادي نسمح في حقو غادي نتاقم اقسم بالله ما غادي دوز لزامل بوهم
عزيز عيط لواحد من رجالهم جاو هزو اشرف لي قطع تريكوه وحزم بيه رجليه كتنزف كلها وياسين واشرف ورضوان طلعو في الطوموبيل مشاو ديريكت لدار رضوان دغيا عيط للطبيب ديال عائلتو
عالج رجليه بلاما يسول ولا حتى يهز فيهم العين حيت عارف رضوان شنو غايدير فيه.
أيوب واقف بعيد وغير كيشوف هبة كتفحص فيها الطبيبة و ساكتة كتشوف في منحنى واحد كتبان مصدومة ومدعوقة.
الطبيبة بدات كستخدم واحد السماعة أولا لتحديد ما إذا كانت كل أجزاء الرئة تتلقى الهواء ومن ثم فحصات ليها العنق والصدر بدقة للتحري عن الإصابات. وباش تشوف واش التنفس هو هذاك، استعملت (مقياس الأكسجة) لقياس كمية الأكسجين في الدم. و الأطباء بعض المرات كيقومو بقياس كمية الأكسجين وثاني أكسيد الكربون في الدم مع اختبارٍ للدم (قياس غازات الدم الشرياني arterial blood gas measurement).
الطبيبة : السي أيوب الإصابات المريضة تعرضات للضرب بزاف على مستوى الصدر والجنب الأيسر والرأس وكين كدمات في يديها ورجليها وبغيت نقولك بلي الضرب في منطقة الصدر يؤدي إلى مشاكل في دوران الدم وغالبا راه يؤثر في التنفس حتى هو، وذلك عن طريق إضعاف قدرة القلب على ضخ الدم إلى الجسم.
الطبيبة : قمت بالواجب ديالي نتمنى ليها الشفاء العاجل واهم حاجة خليها بعيدة على اي حاجة غاتخلعها ولا تعصبها .
أيوب : شكرا على الواجب دكتورة تفضلي معايا نوصلك .
ايوب رجع عند هبة جلس حداها وشد في يديها وهي عاد شافت فيه
هبة حيدات يديها وبعدات عليه
ايوب معرفش مالها
هبة : خرج
ايوب عاود شد في يديها وقرب منها كثر
هبة : اخر مرة توريني وجهك هدشي كلو بسبابكم شنو دايرين حتى عندك عداوة مع هاد الناس
ايوب شد براسو ناري اجا ماشرح ليها
ايوب : متعصبيش احبيبتي والله ماعندي معاهم شي عداوة هوما لي ماباايناش نربحو السباق ونديو الكأس وهدشي وقع حيت الياس وانا رفضنا الرشوة
هبة : بينك وبينو ماشي سوقي على شوية كنت غانموت واش عرفتي شحال ضربني وتعدا عليا
هبة بدات كتغوت وكتبكي وكضرب في صدرو وهو مالقى حتى حل احسن من يعنقها ويطبطب على ضهرها
ايوب : سمحي ليااا صافي لابغيتي تبقاي بوحدك على راحتك صافي اشش
ايوب : متخيليش مني عيطتي شحال خفت عليك تخيلي مراتي لي ناوي نبني معاها حياتي كنبغيها وكنحماق عليها نسمعها كتضرب راه حتى انا مشيت كنجري عندك ماخليتيكش ومتخيليش اشنو وقع لداخل
ايوب سكت تنهد وشد ليها وجهها وشاف في عويناتها كيحمقوه
ايوب : متنسايش انا كتحماق عليك ونتي احسن حاجة وقعات في حياتي سمحي ليا بزاف هدشي وقع وناض الصداع غادي نخلي ليك شوية ديال الوقت ترتاحي
ايوب ناض حدر راسو وخرج وهي تكات كتحبس الدموع غير بزز
فاطمة الزهراء واخا متضرباتش بزاف ولكن واحد قاسها وقطع ليها كسوتها كافية تخليها تحس بالاشمئزاز وتكره كولشي
فاطمة الزهراء جالسة في دار الياس فوق النموسية وجامعة رجليها عندها وحادرة راسها
مني جات مكتخلي حتى واحد يجلس ولا يوقف حداها وكتزيد تفكر عندها سباق هاد الأيام وخاصها تربح باش تأهل للفينال
الياس مني جابوها وفحصاتها الطبيبة غير بزز وهو واقف غير برا
الياس : فاطمة الزهراء خليني غير ندخل ضروري نهضرو
فاتي ناضت كتجمع حوايجها في الشانطا ديالها ومكتجاوبوش هو لي ساعة وهو باغي غايدخل
جمعات حوايجها ومشات للدوش طلقات الرشاشة وبقات تحتها ماقادرة تدير والو ماحيلتها لواليديها كيضغطو عليها تكمل القراية محيلتها لحلم سباق السيارات محيلتها لهاد الناس لي كانو غايقتلوها .
سالات داك الدوش لبسات حوايجها دارت فولار على شعرها
الياس : فاطمة الزهراء حلي احبيبتي عارفك مخلوعة ومقلقة حلي غير نشوفك
فجأة تحل الباب كيحساب ليه حلات باش يهضرو وعنقها عندو
الياس : محشوماش تخليني مخلوع عليك خرجات مني الحمد الله مني رجعتي ليا بيخير وكن...
الياس بانت ليه الشانطا حداها وهو مفهم والو واش هادي بصح ناوية تخليه ولا غير كيحلم الياس شاف فيها وشد في يديها لي كانت على الشانطا
الياس : حبيبتي فين غادة هاه ؟؟؟ قولي ليا؟؟؟ واش مقلقة مني هاه؟ اخر مرة غايقرب ليك شي واحد كنواعدك رجعي هدشي رجعيه يلاه
فاتي : طلق من الشانطا وحيد يدك عليا
الياس حط يديه بزوج على الخصر ديالها وقرب عندنا كيفاش هادي واش منيتها ياك تافقو غايبقاو مع بعضياتهم واخا يوقع لي وقع غادي يساندو ويبقاو بزوج في الخيبة والزوينة
الياس : واش بعقلك هااه؟ كيفاش باغا تبعدي عليا نتي عارفة معندي حتى واحد من غيرك
فاتي : حاجة اخرى غانقولها ليك السباق الجاي مبقيتش مشاركة فيه وكنضن راك تعافيتي ووليتي قادر تسابق دكشي علاش مابقا عندي غرض هنا ، حتى تحل مشاكيلك مع هاد العصابة ديك الساعة يمكن لينا نكونو بزوج ميمكنش نبقا مع شخص تابعاه عصابة كانو غايصيفوها ليا انا وهبة.
الياس عنقها عندو ماعارف مايدير
الياس : غادي نحل الموضوع ولكن ممكن تبقاي هنا؟فاتي دفعاتو حتى جا على الحيط الياس معرف مايقول بقا غير ساكت مابغات تسمعو مابغات تجلس يتفاهمو .