LEGENDA AKI ZUHRII

"KAPANGGIH GEUS EWEUH NYAWAAN"

Urang caritakeun "Mang Darmita jeung Mang Kasmi anu ayena ngagurudag muru ka lembur ci jambu bari ngaleng jang Sufri anu di yakinan ku maranehna nyaeta sufri teh geus eweuh nyawaan ,cenah!"

Assalamualaikum Ceu, mang?
Punten-punten bari ngetrokan panto imahna kolot Sufri.

Rada lila barijil weh , panto muka di bukakeun ceu Darsih , ceu Darsih teu malire ka jalma Duaan anu ngajajanteng harepeunna tapi langsung ngagabrug budakna anu ayeuna tengah di golerkeun di harepeun imahna lantaran bareng jol kaburuan mang Darmita jeung mang Kasmi geus teu kuateun cape! , nu ahirna sufri teh kapaksa di golerkeun kitu wae.

Terus nyusul Mang Suta anu tatadi keneh keur riweuh ngurus Sapi di tukangeun imahna!

Mang Suta nempo budakna anu ngagoler bari di tangkep ku indung na ekeur di cengcerikan tarik!
Mang Suta reret kanu duaan anu nganterkeunna ,Euh.. Kunaon deui budak teh?
Nu Duaan teh kalah silih reret jeung baturna di pelong ku mang Suta teh,maranehna bingung nyaritakeunna ti mana heula?

Ahirna Mang Darmita teh pok ngomong yen budak teh kapanggih geus kaayaan ngagoler di jurang jeung motor-motorna di dekeut sumur tua! Kapanggihna teh ku duaan ekeur ngarit , ngaritna ge acan anggeus kaburu nempo Sufri teras langsung di bawa kadieu.

Manehna teu lanjut cacarita yen sufri teh geus eweuh nyawaan sieun rewaseun kolotna jeung sieun nyalahan!
,sena di pariksa sorangan kunu jadi kolotna ngarah puguh.

Mang Suta mariksa budakna manehna langsung jempe , Ka tempo ku duaan mang Suta raut beungeutna langsung robah, mang Suta ngareret kapamajikkan na tapi masih keneh jempe can bisa cacarita nanaon bingung ngabejaanna!?, Sabalikna Ceu Darsih nanyakeun ka mang Suta ,Kumaha cenah kaayaan budakna teh? , tapi nu jadi salakina kalah jempe wae teu nembalan di tanya sababara kali teh kawas anu teu ngadengeun di tanya kitu teh. Ahirna Ceu Darsih ge ngartieun yen budakna teh geus eweuh ti alam dunya ieu ,manehna teu ngomong nanaon deui tapi beuki tarik leuwih-leuwih tina tadi nyengcerikan budakna teh.

Atuh anu Duaan ge jarempe teu ngomong saeutik-eutik acan,maranehna ngilu sedih Naon nu di alaman ku mang Suta jeung Ceu Darsih poe harita!

Di tengah Kaayaan kitu rasa nu pacampur aduk bingung nyangharepanna , jug jug datang weh kadenge sora Aki-Aki anu ayeuna geus deket nyamperkeun maranehna Opatan , bari ngeheheh ngomongna teh di barengan ku seuri ciri hasna teh .

Nyaeta eweuh deui nu boga ciri has kitu mah iwal ti Ki zuhrii Urang Ci Kadu bapa na ceu Darsih!
Ku naon Atuh beut siga anu saredih kitu Aki datang teh, Da can puguh Atuhh cik ku Aki urang pariksana Jang Asep teh , ki Zuhrii siga nu geus apaleun.
Ki Zuhrii mah nyebutna teh da biasa jang Asep ka sufri teh di ngaranan sufri ge kekeuh teu mempan ka ki Zuhrii mah kekeuh we nyebutna teh Asep nepi ka ayeuna di sufri -sufri oge keukeuh da lain ,Asep eta mah heureuyna!

Sok atuh Pa geura pariksa budak hiji -hijina teh ceuk Ceu Darsih teu sabar ka bapa na Ki zuhrii.
Awas heula,Pek weh di pariksa Ku ki zuhrii , sukur bagja Ayaan nyawaan keneh budak teh !
Sok atuh urang garotong ka jero ayena mah ulah di kieukeun wae budak teh ,karunya!

"Ayaan keneh pa?! , ucap mang suta anu ti tadi tungkul wae kaayaanna . karek wani tatanya deui, masih sok tarenang heula urang pikiran engke cara nyageurkeuna mah ,ayena mah cukup urang kajerokeun heula sena ngagoler dinu bener!

Mang suta ngadenge kitu teh ti Ki Zuhrii manehna langsung yakin ,komo deui ceu Darsih ti percaya teh manehna bungaheun pisan, untung Aki gancang kadieu pokna teh bari cirambayan semu bungah.

Lain deui Anu Duaan ngadenge kitu teh maranehna ngajenghok silih reret Darmita jeung Kasmi.
maranehna asa teu percaya ngadenge kitu teh ti ki Zuhrii.
Asa heureuy Da ku maranehanna ge tadi geus pada-pada di cek yen jantung sufri teh geus eweuhan. percaya teu percaya maranehna bari mantuan ngagarotong deui Sufri ka jero imah.

Geus kitu mah anu opatan teh kalaluar deui pek dariuk di golodog bari ngobrolkeun masalah anyar anu keurdirandapan kulawargana mang suta ngarah bisa gancang kapanggih naon akar pimasalahanna ngarah Ki Zuhrii bisa gancang nyageurkeunna.

Teu kungsi lila Ceu Darsih bijil bari mawa suguheun keur jalma nu opatan teh bari nunuhunan pisan ka mang Darmita jeng kasmi anu geus nulungan budakna, geus kitu mah jalma nu opatan teh di tinggalkeun deui , manehna teu ngilu ngabaturan deui Da melangeun pisan, Dek ngabaturan budakna pokna teh ! Geus kitu mah asup deui weh ka jero imah ninggalkeun jalma nu opatan eta.

Ki Zuhri gera pok ngawalan manehna geus teu sabar,kumaha cenah awal mula na beut Si asep bisa kieu teh?
Mang suta teh torolong weh cacarita anu sabenerna ti mimiti Si sufri ngagantung manehna dinu tangkal jengkol nepi ka waktu-waktu kamarina nepi ka papanggih jeung awewe gelis di sumur tua teh sufri kungsi nyarita ka indungna , indungna neruskeun carita ka bapana nu ahirna mang suta bisa nyaho teh ....Tah kitu Pa caritana,Ku abdi teh tos di carek ulah ulin wae kadinya ka sumur tua sidik ayaan didinya teh tempat nu kacida sangetna urang lembur ge tara wanieun kadinya mah komo pas ka sumur tua na pisan mah ,ari lain kapaksa-paksa teuing mah butuh jukut keur parab . Suluh wae ge loba didinya mah pabayatak geus eweuh nu wanieun mulungan da eta sok aya nu nyingsieunan na wae.
Tah kitu pisan Ki leres nu kumaha di caritakeun mang suta bieu ceuk mang Kasmi nyambungan , eta ge wa oom urang dieu keneh karek aya opat poe mereun jeung ayena manehna teh ngala suluh sorangan kadinya aya nu nyingsieunan bejana mah ngadenge sora-sora iseng nu kararitu benernya mang Dar suluhna oge teu tulus di bawa tadi ge ngajugruk we diditu ,mang Darmita oge ngangguk nyatujuan caritaan baturna , lebar atuh cape-cape ngala suluh teh ari suluhna geus kakumpul teu di bawa.
Mang kasmi nembal deui nya kumaha meren ki sanes teu lebar kagok sieun, sieun kunanaon meren ki ongkoh deuih wa oom mah sieunan jalmina tapi nekad sosoranganan kawas nu gede kawanina. beut kuring ge tibaheula wani ngala jukut kadinya teh pedah Duaan wae ieu jeung sobat bari nepak ka mang Darmita ,parumpamaanna mun mang Darmita na keur teu bisaeun mah sok tara tulus indit cenah ,mang Darmita kitu keneh deuih mun eweuh kasmi manehna ge sok tara jadi.

Ki Zuhrii ngadenge omongan kitu teh yakin nyaeta sumur tua teh lain tempat sambarangan anu sanget biasa tapi tempat nu sanget pisan,da puguh rame pisan geningan caritana ti urang ci jambu . geus jadi momokna ci jambu we sumur tua mah.

Ki Zuhrii nepak ka mang suta, kieu weh ayena mah urang indit kasumur tua deui katempat di mana Jang Asep kapanggihna ,urang ngenta tulung ka mang Darmita jeung ka mang kasmi panganterkeun Da maranehna anu manggihanna langsung.
Mang suta reret ka Darmita jeung kasmi ,kumaha mang kersa ngajajapkeun pun bapa sareng abdi ka sumur tua tenang engke aya buruh cape namah.

Mang Darmita jeng mang kasmi duanana nolak kabageuran mang suta teh ,teu hade mun ngenta buruh tawa imbalan tinu ekeur kasusahan anggur oge di barantuan sabisa-bisa.

Tong kikituan ah mang ceuk anu duaan teh ,bilih bade ninggal tempat na mah hayu we di anter ku abdi duaan .
Sakantenan abdi ge da bade kaditu deui nyandak jukut nu tadi lebar ,pokna teh!

Ahirna nu opatan teh geus pada satujueun mah ,pek weh arindit geus meakeun ci kopi mah,pada ngajugjug sumur tua.

Mang suta jeung ki Zuhrii pamit ka ceu darsih dek indit heula , dek neangan ubar tawa cara sangkan Sufri bisa cageur deui !

Bersambung di cerita yang akan datang
Karya penulis: Winaya-Winaya